"Наличкасы" булмаган балаларны ташландык станциядә төшереп калдырганнар

“Кызым 11 яшьлек ахирәте белән 28 июльдә туганнарыбызның бакчасында кунакта булды. Аларны ирем барып алырга тиеш булса да, кызларның аны көтеп торасы килмәде. “Әни, без электричкада кайтабыз, картада акча бар”, - диделәр. Кич белән алар 2142нче станциядә Шумиха - Чиләбе электричкасына утырды. Кызым утыргач шалтыратты һәм телефонында зарядка бетүе турында кисәтте.

 

Бер станция үткәч, алар янына контролер килеп, юл өчен түләргә куша. Кызым банк картасын суза, ә аңа, карта белән түләп булмый, дип җавап бирәләр һәм вагон буенча алар өчен түләп торырга риза булган пассажирлар эзләргә җибәрәләр. Кызым вагонда бер кеше белән акча күчерү турында килешә, тик бу вакытта телефоны тулысынча сүнә.

 

Шуннан соң контролер кызларга ишеккә күрсәтә һәм чыгарга куша. Аларны бер генә йорт та булмаган урман буендагы ташландык станциядә төшереп калдырганнар. Алар, елый-елый, поезд киткән юлдан нинди дә булса өй эзләп киткән”, — дип сөйләгән кызның әнисе.

 

Ярдәм сорар һәм туганнарына шалтыратыр өчен балалар, кеше йөрми торган урыннардан, элемтәсез һәм сусыз, өч сәгать буена 10 чакрым юл үткән. Хәзер әти-әниләре гаепле кешеләрне җаваплылыкка тарттыруны таләп итә.

Фото: sun9-43.userapi.com