“Өебез яна башлаганда, ике кечкенә бала йоклап ята иде...”

Фаҗига булыр алдыннан өйдә ике һәм дүрт яшьлек балалары белән әтиләре генә калган була. 

 

– Көндезге өчләр тирәсе иде. Апам кибеттә эшли, балаларны йоклаттым да аның янына чыгып киттем. Өйдә ике бала белән җизни генә калды. Башта ут исәпләгеч атканын, аннары верандада нәрсәдер шартлаган тавышны ишетеп, шунда чыгып караган. Өйнең яна башлавын күреп, балалар янына йөгереп кереп, аларны күтәреп алып чыккан. Өйдән бернәрсәне дә алып чыга алмадык. Кырык минут эчендә өй дә, мунча да янды. Күрше кызы, ут верандадан чыгып, мунчагызга күчте, аннары кире өегезгә “керде”, диде. Өй, җир документларын яңартып кына куйган идек. Бөтен документлар да янды. Үзебез дә бер кат киемнән урамда калдык. Мин әлегә күршеләрдә, әти, апамның гаиләсе, олы апамның кызы туганнарда яши. Янган нигезне чистарта башладык. Авылдашларыбыз ярдәм итә. Йортыбызны иминиятләштергән идек, килеп карадылар, әлегә берни дә әйтмәделәр. Күпмедер булса да акчасы чыгармы-юкмы, белмибез, – дип сөйләде Әнисә безгә.

 

Йортлары 2000 еллар тирәсендә салынган гына булган. Ут кыска ялганыш аркасында чыккан дигән фараз бар. Янгын сүндерүчеләр килеп җиткәндә, өйнең яртысы янган була инде.

 

Изге рамазан аенда ярдәм кулы сузарга авырсынмасак иде. Акча күчерү өчен Сбербанк картасы номеры: 2202 2005 5068 8525 (Фазулзянова Аниса Тагировна). 89083313129 номеры картага беркетелгән.