15.09.2020 Җәмгыять

"Сөйләве бик авыр": Хәмдүнә апаның бертуган абыйсының мөрәҗәгате күңелләргә үтеп керә (ВИДЕО)

Бүген Татарстанның һәм Башкортстанның халык артисты Хәмдүнә Тимергалиеваны соңгы юлга озаттылар. Татар филармониясенә җырчыны озатырга татар җәмәгатьчелеге, сәхнәдәшләре, яшь артистлар килгән иде.

Туганнары исеменнән аларга абыйсы Фәнәви рәхмәтен җиткерде:

— Сөйләве бик авыр. Шулай да, шушы авыр вакытта, Татарстанда, Башкортстанда җырны, моңны, кеше кадерен белгән халык булганын тою – җанга ниндидер рәхәтлек бирә. Шуның өчен кулыннан килгән кеше бу халыкка хезмәт итәргә тиеш. Хәмдүнә шушы зур халыкка хезмәт итүе белән бәхетле булган ул.

Фәнәви абый сеңлесен эчкерсез дип искә алды:

– Ярдәмчел, эчкерсез җан иде. Без алты туган идек, менә сирәгәябез инде. Кыз туганнарым бишәү иде, ир бала мин берүзем. Хәмдүнә ярдәмчел булды, таныш булмаган кешегә дә булыша иде. Юлда төрле хәлләр була бит, үзе гел юлда йөргәнгә, юлдагыларга бигрәк игътибарлы булды.

Посмотреть эту публикацию в Instagram

ХӘМДҮНӘ ТИМЕРГАЛИЕВАНЫҢ БЕРТУГАН АБЫЙСЫ ФӘНӘВИ АБЫЙ: – Ярдәмчел, эчкерсез җан иде. Без 6 туган идек, менә сирәгәябез инде. Кыз туганнарым 5әү иде, ир бала мин берүзем. Хәмдүнә ярдәмчел булды, таныш булмаган кешегә дә булыша иде... ТУЛЫРАК – Гөлинә ГЫЙМАДОВА @shahigul язмасында (сылтама – сторизда) #ватанымтатарстан #хәмдүнәтимергалиева #хэмдунэтимергалиева #татарстан #башкортостан #татарэстрадасы #җыр#моң #җырчы#сәхнә #легенда #китәсекилмиҗирдән #картаясыкилмиһичтә #галигәбарамәле #танго #санакәккүк #ятларгакалдырма #бәхетюллары

Публикация от Ватаным Татарстан (@vatanymtatarstan) 15 Сен 2020 в 3:27 PDT

---
Ватаным Татарстан
№ --- | 15.09.2020