Ландыш Нигъмәтҗанова: "Бәби көтү хәбәре бу кадәр таралыр дип уйламадым, әле иртәрәк иде"

Ландыш Нигъмәтҗанова бәби көтә дигән шатлыклы хәбәр тараткан идек кичә. Әллә ни зур яңалык түгел дә кебек. Андый чакта кайбер укучыларыбыз "җырчылар гына таба мени соң ул бәбине, ник гади кеше турында да язмыйсыз?" диләр. Тик шатланыр сәбәп бар шул: Ландыш дүртенче баласын көтә.

Бүген үзе бу турыда комментарий ясады. Җырчы әйтүенчә, хәбәрнең болай зурлап таралуын көтмәгән, бу яңалыкны таратырга әле иртәрәк дип уйлаган. Әмма бераз башкачарак килеп чыкты. Интернет заманы бит!

Ландыш сүзләре: 
Хәерле җомга иртәләре белән, кадерле дуслар! Кичә бөтен инстаграмнар, гәҗитләр минем турында яңалык белән тулган иде... "Ландыш бәби көтә"... мин аны шул хәтле таралыр дип тә уйламаган идем, чөнки әлегә иртә, хәбәр бирергә иртә дип уйладым... Ләкин минем подписчиклардан бер әйбер дә яшереп булмый, бик игътибарлы алар, Рәхмәт җылы сүзләрегезгә, матур теләкләрегезгә... Әйе, без бөтен гаиләбез белән Алла бирса бәби көтәбез. Иң мөһиме, исән-сау булыйк һәм бәбиебез сау-сәламәт булып тусын.

Амин диясе генә кала!

_{Фото: instagram.com/landyshnigmatjanovaa}