Җырчы Чәчкә: «Мин бер дә домохозяйка түгел икән»

Җырчы Чәчкә исә өздереп җырлый да, төрле уен коралларында да уйный. Гитарада уйнавы күпләргә мәгълүм. Баянда уйнавы исә яңалык булырга мөмкин.

 

 

– Гадәттә, мин өйне чисталыкта тотып, тәмле-тәмле ризыклар пешерергә тырышам. Үземне начар хуҗабикә дип әйтмәс идем. Ләкин хуҗабикә булу белән беррәттән, башка тормыш та бар иде бит әле. Хәзер 15 көн буе урамга чыкмыйча, көненә дүрт мәртәбә ашарга пешереп, көн буе кызым һәм ирем артыннан җыештырып, өйдә утырам. Бер дә җиңел нәрсә түгел икән. Өлкәннәрнең кичереше бер төрле, сабыйларныкы – бөтенләй икенче. Кызымның урамга чыгып уйныйсы, тизрәк балалар бакчасына, иптәшләре янына барасы килә. Өйдә дә эш бетми, эшләгән эш күренми, кыскасы. Шул арада сабыйны да юатыр сүзләр табарга кирәк. Кайчак бертөрлелектән арып та китәсең. Шундый мизгелдә язылган сүз иде бу. Хәзер без – гаиләбез белән авылда. Монда аз гына иркенлек, һава суларга ишегалды бар һич югы.

 

 

– Шушы арада гына берничә җыр яздым. Алар арасында бүгенге көннең актуаль проблемаларын юмористик формада чагылдырган «Коронавирус такмаклары» да бар. Алла боерса, бу хәлләрне кичергәч, ике яңа җырымны чыгарырга җыенам. Берсе – ирем Ирек белән дуэт булачак. ТМТВ премиясенә дә әзерлек эшләре бара. Ике яңа образ уйлап таптык. Аларны 30 майда премия тапшыру тантанасында күреп булачак.

 

– Бик сагындым. Шуңа күрә, үзизоляция вакытында, Инстаграмда еш кына «туры эфир»га чыгып, алар белән аралашып, рәхәтләнеп баянга җырлашып утырабыз. Шунысы кыен: тамашачым мине күрә, ә мин аларны – юк. Концерт-банкетларда, Сабан туйларында тамашачылар белән исәнлектә-саулыкта кабат күрешүләрне зарыгып көтәм.

 

– Нигезле тәнкыйть, конкрет киңәшләр булса, яхшы кабул итәм. Мәгънәсез сүзләргә игътибар итмәскә тырышам.