• 03.08-23.08 Гигант шоу. Цирк. 13:00
  • 30.08 "Күтәренке күңел белән". Музыкаль-юмористик шоу. УНИКС. 18:00
  • 15.10 Әнвәр Нургалиев. УНИКС. 18:30
  • 25.10-28.10 Ришат Төхвәтуллин. УНИКС. 18:30
Туган көннәр
  • 21 Август Фәнис Кәлимуллин
  • 21 Август Ләлә Миңнуллина
  • 21 Август Харрас Әюпов (1946-2008)
  • 22 Август Энҗе Басыйрова
  • 22 Август Яхъя Халитов
  • 22 Август Тәлгать Абдуллин
  • 22 Август Айгөл Бариева
  • 22 Август Алмаз Фәтхуллин
  • 22 Август Марат Бәшәров
  • 23 Август Дания Нуруллина
  • Этнэдэн Фэнияне эзлим.1954 елгы.Богелмэдэ Укыган иде. Ике кызы бар икэнен белэ идем. Тубэн Коеккэ Файзрахманов Салихка кияугэ чыккан иде. Кызлары Лилия, Лидия исемлелэр. Телефон номерым 89393321749
  • Бер булмале фатир снимать итабез Ике егет тулырак мэглумат тел буенча тел 89393923808
  • Павлюхина урамындагы тулай торак бүлмәсен тәртипле кызларга озак вакытка арендага бирәм. 89033052264
  • 2109 машинасынын сул як ишеклэре сатыла. Черемэгэн, тузмаган. Бэясе договорная. Тел.:89270410678.
  • Отопительный радиатор сатыла. 1 шт.-1000 сумнан. 6 штук. Тел.:89270410678
  • Сенчик сатыла (килосы 230 сум), суган сатыла (килосы 25 сум).Сенчикнын корэне дэ бар.Атаныш районыннан. Тел.:89270409370
  • Авыл кукэе сатам. 10 шт. - 60 сум. Узем алып килеп бирэм. (Казан шэхэре буенча). Тел.: 89375255146
  • Казанда, Үзәккә якын урында, ике татар тәртипле, начар гадәтләрсез, студент егетләргә вакытлыча яшәп торырга 1 бүлмәле фатир кирәк.15-16 мең тирәсе. Телефон: 89963369167
  • Казан үзәгендәге ремонтланган чиста бүлмәгә кертергә кыз кеше эзлибез. Бик уңайлы урында, тукталыш якын. КГСАУ, КГТУ һәм башка вузлар тирәсендә. Адресы - Әмирхана Еники, 3. Тел.:89375779892
  • Казан шәһәре Бр. Касимовых 22/7 адресы буенча урнашкан бүлмәгә начар гадәтләре булмаган ике кыз кертәм. Яшәү өчен барлык шартлар да бар. Тел: 8987 209 86 93

 

 

 
Архив
 

               

08.02.2019 Мәдәният

Буяулары аның кара алтын

Аллаһы Тәгаләдән бирелгән иҗади сәләтне яшереп булмый шул, кайчан да булса тишелеп чыга, диләр. Бу сүзләр Уфада яшәүче милләттәшебез Марсель Шәйдуллин турында. Ул үзе югары белемле нефтьче, нефть һәм газ компанияләрендә бораулау буенча инженер булып эшли. Ә моннан берничә ел элек, балачак хыялын тормышка ашырып, рәсемнәр ясый башлаган. Буялар урынына ул гадәти булмаган материал - нефть куллана.

- Мин Бакалы районының Яңа Балыклы авылында (Башкортостан) туып-үстем. Әтием Наил гомере буе машина йөртүче булып эшләде, ә әнием Рәсимә - мәктәптә татар теле һәм әдәбияты укытучысы. Бүген алар икесе дә лаеклы ялда инде.
 
Кечкенәдән рәсем ясарга яратсам да, рәссам булырмын дип уйламаган идем. Уфа нефть техник университетын тәмамлаганнан соң белгечлегем буенча эшли башладым. Унөч ел дәверендә Россиянең төрле почмакларында эшләргә туры килде. Ә бүген мин Себергә вахта буенча йөреп эшлим, - дип үзе турында сөйли милләттәшебез.
 
Моннан өч ел элек ул кулына кабат каләм ала. Бер айлык махсус курслар тәмамлаганнан соң Марсель майлы буяулар белән рәсемнәр иҗат итә башлый. Ә бервакыт, эш киеменә буялган нефть тапларының төрле сурәтләргә охшаганлыгын күреп, буяуларын кара алтынга алыштыра.
 
 
Рәсемнәренең төп темасы да нефть чыганаклары һәм нефтьчеләр белән бәйле. Төньяк Россиянең сихри табигате, кояшлы матур иртә фонында калыккан бораулау каланчалары, платформалар, нефть күчерүче баржалар, һәм, әлбәттә, хезмәт кешесе. “Коллегаларымның ярты гомере эштә, кырыс һава шартларында үтә. Гаиләләреннән еракта, вагоннарда яшәп, илебезне кара алтын белән тәэмин итүче бу кешеләр картиналарда сурәтләнергә, әлбәттә, лаек. Кешеләр аларның хезмәте турында күбрәк белсен иде”, - дип сөйли Марсель.
 
Нефть - сыек матдә, шуның өчен рәсем ясау өчен бик әйбәт материал түгел. Ул куерсын, тигез ятсын, тиз кипсен өчен милләттәшебез күп тәҗрибәләр үткәрә. Бүген аның иҗат җимешләрен профессиональ рәссамнар да, нефть тармагы хезмәткәрләре дә югары бәяли.
 
Уфада Марсель Наил улының җиде шәхси күргәзмәсе узган инде. Шуларның берсен Самара Дәүләт техник университетының өлкән мөгәллиме Георгий Морозов та күргән. Марсельнең рәсемнәре белән соклануын яшерә алмаган якташыбыз аңардан иҗат җимешләрен техника университеты студентларына да күрсәтүен сорала.
 
Менә шушы көннәрдә Самара Дәүләт техник университетында Марсель Шәйдуллинның “Минем нефтькә таба юлым” дип аталган рәсемнәр күргәзмәсе ачылды. Чараны ачу тантанасында өлкә милли-мәдәни татар автономиясе һәм өлкә “Туган тел” татар җәмгыяте директоры Фәрхәт Мәхмүтов, рәссам, өлкә “Туган тел” татар җәмгыяте активисты Азат Надиров та катнаштылар.
 
 
- Советлар чорында сәнгатьтә хезмәт, эшче халыкны зурлау традициясе бар иде. Бу тема Марсельнең рәсемнәрендә дә чагыла. Тик кешеләрнең йөзләре күренми, ә бу аларның кичерешләрен тоярга комачаулый. Көрән төснең өстен булуы да күңелне боектыра, - дип фикерләре белән уртаклашты Азат әфәнде.
 
- Нефть белән генә ясаган рәсемнәр өчен бу табигый хәл. Ә менә боларын кара алтынга майлы буяу кушып ясадым, - дип төсле рәсемнәргә күрсәтте рәссам. Бу техника белән кызыксынучылар өчен Марсель мастер-класс та оештырды.
 
Яңа юнәлеш рәссамының иҗат җимешләре белән күргәзмәгә килүчеләр бик озак хозурландылар. “Марсель кешеләрне, табигатьне шундый оста итеп тасвирлый ки, хәтта ерактан аларны фотосурәтләргә охшатырга мөмкин. Кызганычка, студентларыбыз кышкы каникулларда. Бу матурлыкны күрә алмыйча калдылар”, - дип уфтанды тәрбия эшләре буенча бүлек җитәк-чесе Наталья Сергеева.
 
Күргәзмә Дәүләт техник университетында (Первомайская урамы, 18 йорт) 11 февральгә кадәр дәвам итәчәк. Бәлки студентлар аның турында ишетеп, килеп җитәрләр әле. Сез дә, хөрмәтле укучыларыбыз, Марсель Шәйдуллинның иҗат җимешләрен үз күзләрегез белән күрә аласыз.
 

Алия АРСЛАНОВА
Бердәмлек
№ --- | 08.02.2019
Бердәмлек печать

Фикерләр

▲ Өскә

www.work-zilla.com

Матбугат-инфо
Матбугат.ру
Ватаным Татарстан
Шәһри Казан
Бердәмлек
Рәшит Ваһапов фестивале
Urazova.ru
Камал театры
Тинчурин театры
Татар дәүләт филармониясе
Барс-Медиа
Ирек мәйданы
Татарстан яшьләре
Кариев театры
Идел
Өмет
Татарстан Язучылар берлеге
Татарстан китап нәшрияты
RAFINA/D
Милли Музей
Шаян
Ханский дом