Татарстан Язучылар берлегендә Вакыйф Нуриевның юбилей кичәсе узды (ФОТО)

Татарстан Республикасының Мəдəният министры урынбасары Дамир Натфуллин  Вакыйф Нуриевны юбилее белән котлады һәм аңа массакүлəм мəгълүмат чараларын үстерүгə зур өлеш керткəне һəм күп еллык нəтиҗəле хезмəте өчен «Фидакарь хезмəт өчен»  медале тапшырылачагы хакында хәбәр итте. «Медаль рәсми рәвештә Кремльдә тапшырылачак», – диде Дамир Натфуллин.

 

Язучылар берлеге рəисе Данил Салихов үз чыгышында: «Матурлыгы, эчендə булган җылылыгы Вакыйфның  əсəрлəрендə дə чагыла. Аның һəр җөмлəсеннəн сөт агылып чыга. Əсəрлəрендə ниндидер сихри төсмерлəр бар. Күп язмый, матур һəм тирəн мəгънəле яза. «Кичəгə халык килəме»,– дигəн сорау бирмəдем, чөнки тулы зал җыелачагын белдем. Аны халык бик яхшы белə. Шулкадəр итагатьле һəм тəрбияле ул. Язучылар берлегендə ике генə шундый кеше бар: аның берсе – Шаһинур Мостафин, икенчесе – Вакыйф Нуриев», – диде.

 

«Арча төбəге əдəбият өлкəсендə йөзгə якын танылган кешелəрне биргəн. Сезнең иҗатыгыз күплəргə үрнəк алырлык», – диде Арча районының мəдəният бүлеге җитəкчесе Рамил Мөхетдинов. Шулай ук Вакыйф Нуриевка Арча районы башлыгы исеменнəн Рəхмəт Хаты тапшырылды. 

 

(Зилə Мөбəрəкшина («Татар-информ») мәкаләсенә нигезләнеп. Рамил Гали фотолары)