Госман Гомәрнең тууына 85 яшь тулу уңаеннан әдәби-музыкаль кичә була

Язучы Госман Гомәр татар матбугатын үстерүгә 70 елга якын гомерен багышлаган, республика журналистлар берлеген оештыруда башлап йөргән, Казан дәүләт университетында журналистика бүлеген ачу өчен күп тырышлык куйган шәхес, рухи һәм дини тәгълиматларны тирәннән аңлап эш йөртүче татар зыялысы. Әдип буларак та иҗаты игътибарга лаек. Тәүге әсәрләрендә – дәһшәтле Сталинград сугышында батырлык  күрсәткән милләт балалары язмышы. Укучыларга иҗатының таҗы булган  “Даһилар мөнбәре” җыентыгы, “Шаһмиран”, “Юлбарыс тырнагы”, “Мөһер” һәм башка повесть, бәяннары аша таныш.

 

Кичәдә язучылар, танылган җырчылар, юбилярның якташлары, фикердәшләре, иҗатташлары катнаша.

 

 Юбилей кичәсенең сценарий авторы һәм алып баручы  – танылган язучы, юмор остасы Алмаз Хәмзин.

 

Керү ирекле.

 

Рәхим итегез!