|
|
Бүген кемнәр туган
|
|
Архив
|
23.04.2017 Мәдәният
"Җырлыйк әле" гитаристы Арион Рәхмәтуллин вафатКүңелсез хәбәр. Танылган музыкант, ТНВда чыгучы "Җырлыйк әле" тапшыруында элек гитарада уйнаган кеше Арион Рәхмәтуллин үлеп киткән. Тапшыруны Равил Галиев һәм Эльвира Әхтәмова алып барган чорда эшләде ул. Бу турыда "Матбугат.ру"га "Җырлыйк әле"нең авторы һәм башлап йөрүчесе Нәҗип Бәдретдинов хәбәр итте. Арион Рәхмәтуллинның Төркиядә йорты булган. Танылган аккордеончы Сәйдәш Гарифуллин белән бер-ике атна элек кенә шундагы курорт зонасына музыкант булып эшләргә киткән булганнар. Арион әфәнде сөйләшеп утырган җирдән үлеп киткән ди. Мәрхүмне шунда җирләячәкләр. Төркия хакимияте моңа рөхсәт биргән. Киң катлам тамашачы өчен Арион Рәхмәтуллин исеме, бәлки, таныш та түгелдер. Гитаристлар, инструменталистлар сәхнәдә гел арткы планда тора бит. Әмма профессиональ җәмәгатьчелеккә ул яхшы таныш. Аны легендар музыкант дип атап булыр иде. Заманында Ренат Ибраһимов белән эшләгән, Украинаның Черновцы шәһәрендәге София Ротару солист булган легендар "Червона рута" ансамбле музыканты да ул. Арион әфәнденең улы да музыкант. Менә дигән итеп скрипкада уйный. Ул - әтисенең дәвамчысы. Рәхмәтуллиннар гаиләсенең тирән кайгысын "Матбугат.ру" да уртаклаша. Арион әфәнденең урыны җәннәттә булсын. Иннә лилләһи вә иннә иләйһи раҗигун...
--- |
Иң күп укылган
|