• 18.02 Премьера. «Разговор с душой. За гранью» (реж. Марат Башаров). Мәскәү. Crocus City Hall.
Туган көннәр
  • 17 Февраль Айгөл Хәйруллина
  • 17 Февраль Галимҗан Баруди (1857-1921)
  • 17 Февраль Айрат Фаррахов
  • 18 Февраль Раушания Юкачева
  • 18 Февраль Фуад Халитов (1909-1981)
  • 18 Февраль Флера Зыятдинова (1947-2011)
  • 18 Февраль Бибрас Натхо
  • 18 Февраль Константин Глазачев
  • 19 Февраль Рәфыйк Мөхәммәтшин
  • 19 Февраль Райнур Шакиров
  • Натяжной потолок урнаштырабыз. Килеп улчәү, консультация бушлай, светильниклар да куябыз. Казан, Казан арты районнары. 89046768348
  • Казанда бүлмә сатыла. Җиһазлары белән. Бүлмәгә су кергән һәм чыккан. Ремонтланган. Т.89196307461
  • Вопрос юристу 89625751843.
  • Казань Сдаю 2х комнатную квартиру в Авиастроительном районе. т.89655808912
  • Актаныш. Приора машинасы 2008 елгы сатыла. 89625704993
  • Мунча ташына 2 билет. 900 сум. 22 февральгә 8-93-77-73-48-73
  • Казан янында М.Кабан авылында 6 сутый җир сатыла. Татар мөселман гаиләләренә өстенлек бирәбез, чөнки күршеләр шундыйлардан. 1200 000 89172286263
  • Продается дом в Кайбицком районе в селе Кушманы. Общая площадь 64,3 кв.м.(жилая 54,5 кв.м.), полностью готовый к проживанию. Есть газ, свет, вода, приусадебные построения. Красивая природа. Собственник. Недорого. Тел.: 89276760691
  • Кайбыч районы Кошман авылында яшәргә яраклы йорт сатыла. Кыйммәт тугел. 89276760691
  • Продаю трактор МТЗ 82 большая кабина 1997 г.в. В хорошем состоянии. Цена 450000 Торг. т.9083438836

 

 

 

 
Архив
 

               

16.04.2017 Авыл

Уникаль ир-ат

Грибан халкы кем турында сүз барганны аңлагандыр инде, ә бүтәннәр таныш булыгыз – бу искиткеч уңган ир-ат Фаил Билялов (фотода) була. Ир кешегә җитмеш төрле һөнәр белү дә аз диләр, Фаил нәкъ шундый, эшләмәгән эше юк, ул белгән, үзләштергән һөнәрләр бик күп.

Иң беренчедән – ул оста ташчы, балтачы, яшьрәк чагында бригад белән байтак кына өйләр, бүтән объектлар салып йөргән. Тагын бер кирәкле шөгыле бар аның – ул да булса терлек табибы. Кемнеңдер маллары авырса, гел Фа¬илны чакыралар, яисә киңәш сорыйлар. Сыерның кысырмы, буазмы икәнен дә төгәл билгели ул.

Фаил күп балалы гаиләдә үскән, әти-әнисе иртә вафат булганнар, шуңадыр да бар эшкә дә яшьли өйрәнгән ул. Әле өйләнгәнче, егет чагында ук аның тәрәзә төпләрен тутырып шау чәчәктә утырган гөлләренә сокланмаган кеше бул¬маган. Сокланмастый түгел бит – егет кеше гөлләр үстерсен әле! Аш-суга да уңган Фаил, мәҗлес уздырган¬да барлык камыр ашларын хатыны Дания белән бергәләп эшлиләр. Бакча эшләрен дә бергәләп башка¬ралар, әмма үсентеләрен Фаил үзе үстерә. Помидор, татлы борычны күпләп утырта, артканын күрше-күләнгә өләшә. Ул үзе дә, хаты¬ны да бик ярдәмчел, киң күңелле кешеләр, күршеләре белән дус-тату, ярдәмләшеп яшиләр, шәһәрдә кышлаучыларының йортларына гел күз-колак булып торалар. Алар го¬мер буе диярлек үз хуҗалыклары белән көн күрә – сыерлар, бозаулар, сарыклар асрыйлар. Соңгы берәр елны гына сыер тотмыйлар, чөнки сөтен кая да илтәрлек юк, ди Фаил. Елына ике-өч бозау үстерәләр, са¬рыклары хәзер дә егермегә якын, ә кош-кортны әйткән дә юк, тавык-чебешнең исәбен дә белмиләр.

Кошлар темасына аерым тукталып үтик, чөнки аларын да Фаил үзе үрчетә. Аның өендә кечкенә генә инкубаторы бар, без барган¬да анда берничә дистә тавык һәм күркә йомыркалары куелган иде инде, чебешләрнең борынлыйсы гына кала. Ә ана күркә безне абзар¬дан ук каршы алды, куркып-куркып кына кердек, аларны бит усал диләр. “Хәзер андый усал күркәләр юк инде, инкубаторныкылар белән өйдәгеләр буталып беткәч, аларның холкы үзгәрә”, - ди Фаил. Казларны да алар һәр ел биш дистәгә якын үстерәләр, алары да күкәй салырга тотынган инде, ана казлар тиздән утыра баш¬лар. Һәрбер кошның үз вакыты бар икән. Мәсәлән, тавык нәкъ өч атна утырып, чебеш чыгара, күркәләр 28 көннән борынлый башлый, ә каз бәбкәләре утыз көннән чыга. Болар¬ны безгә Фаил сөйләде. Менә шун¬дый искиткеч уңган ир яши Грибанда, мондый ир һәрбер хатынның хыя¬лы инде һәм Даниядән ак көнләшү белән көнләшеп тә куйдык. Дания үзе Кочко-Пожар кызы, Фаил белән 29 ел бер-берсен яратышып гомер итәләр, өч бала үстергәннәр. Руслан белән Сурия үз ояларын корган инде, биш яшьлек оныклары Динар һәм күптән түгел генә туган Тимур - әби-бабайның иң зур куанычы, уртанчы балалары Әмир әлегә башлы-күзле түгел. Балалары да әти-әниләре үрнәгендә акыллы булып үскәннәр, Руслан Сергачта, Әмир белән Су¬рия Мәскәүдә яшиләр. Фаил белән Даниянең бар тырышканы, әлбәттә, балалар өчен. Ит һәм яшелчә белән тулаем тәэмин итәләр үзләрен, кыш¬ка күп итеп банкалар да ябалар. Дания дә күп балалы гаиләдән булгач, туган-тумача ике яклап та би¬хисап, барысы белән дә аралашып, ярдәмләшеп яшиләр, өйләреннән бер кеше өзелми диярлек.

Менә шундый уңган гаилә алар, ә гаилә башлыгы Фаил – уникаль кеше, чөнки бар яктан да уңган, шул исәптән хатын-кыз эшенә дә кулы яткан ирләр сирәк очрый һәм тагы бер тапкыр кабатлап әйтәбез – мондый ир һәр хатын-кызның хыялы. Безнең яшь чакта популяр булган “Комбинация” төркеме башкарган хыялдагы ир ту¬рындагы бер җырда: “Чтоб не пил, не курил, и цветы всегда дарил”, - дигән сүзләр бар иде, ул җыр нәкъ Фаил¬га туры китереп язылган кебек. Нәкъ аның кебек ир-егетләр – гаилә, алай гына түгел, авыл тоткасы булып тора¬лар, авыл халкы да аны ихтирам итә.

Шушы көннәрдә Фаил чираттагы туган көнен билгеләп үтә. Якты язда тугангадыр да ул якты, киң күңелле, ачык йөзле. Без аңа пар канатлы озын гомер, саулык, тыныч тормыш һәм һәрвакыт мул уңыш алуын телибез.

Найлә ЖИҺАНШИНА
Туган як
№ --- | 16.04.2017
Туган як печать

 
comments powered by HyperComments

Фикерләр

▲ Өскә

Матбугат-инфо
Матбугат.ру
ТНВ
Addnt.ru
Ватаным Татарстан
Шәһри Казан
Бердәмлек
Рәшит Ваһапов фестивале
Туган як
Камал театры
Тинчурин театры
Татар дәүләт филармониясе
Яңарыш
Барс-Медиа
Ирек мәйданы
Татарстан яшьләре
Идел
Gong-TV
Бөтендөнья татар яшьләре форумы
Себерке
Өмет
Диләфрүз
Татарстан Язучылар берлеге
comments powered by HyperComments