Зөлфәт Зиннуровның "Башваткыч" тапшыруында "Интертат" хезмәткәрләре катнашты

"Intertat.ru" редакциясенең "Яңа гасыр" телеканалында баручы "Башваткыч" тапшыруында катнашып кайтуы турында сентябрь аенда ук хәбәр иткән идек. Ниһаять, без – матбугат әһелләре дә "телевидение йолдызлары" булып балкыдык.

Телевидение аша күренеп алу шәп нәрсә икән ул. Хәзер урамда да сине танырлар, олылап исәнләшерләр кебек. Андый хәл әлегә күренмәсә дә, гел шулай булыр кебек тоела. "Һәрхәлдә, дусларның, туганнарның мөнәсәбәтен ачып салырга ярдәм итте, – ди "Башваткыч"та катнашучылар. – Тапшыру эфирга чыгу белән телефон тынып тормады. Хәтта чит төбәктә яшәүче танышларны да "уятты" ул".

Катнашучылар димәктән, "Башваткыч"та "Intertat.ru" газетасы баш мөхәррире Илназ Фазуллин, мәдәният һәм сәнгать темаларын яктыручы журналист Мөршидә Кыямова, иң кайнар яңалыклар элүче, шулай ук спорт темасын язучы журналист Фәрит Салихов уйнады. Уен-көлке белән үрелеп барган тапшыруда катнашучылар өчесе дә бер төрле балл җыйды. Кемнең җиңүче булганы инде сер түгел – бөтен татар дөньясы белде. Ә күрми калганнар өчен тапшыруны үз укучыларыбыз игътибарына да тәкъдим итәбез.

Тапшыруның видеосы: intertat.ru/tt/tatar-galeme/item/50213-bez-%E2%80%93-bash-vattyik-tamashachyi-%E2%80%93-shakkattyi-%20video.html