САФИУЛЛИН ЮНЫС ГАБДУЛЛА УЛЫ

1947 елның 18 октябрендә Зеленодольск районы Бакырчы авылында туа.

1966 елда Казан театр училищесын тәмамлый һәм армиягә китә. Училищеда укыган вакытта — 1963 елда — Татар академия театрында актер булып эшли.

Армиядән кайткач, 1969 елдан, Республика күчмә театрында эшли. 1981 елның февраленнән — Татар академия театрында кыска вакыт актер, аннан шул ук елның ахырыннан — театрның әдәби бүлек мөдире. Шул ук вакытта пьесалар яза: «Әллә өйләнергә инде?!», «Менә без дә үсеп җиттек», «Ни булган бу ирләргә?», «Алмазбулат», «Ләйсән ире Хәсән», «Идегәй» һ.б.

Аның академия театрында уйнаган рольләре: Идел — «Зифа», Малай — «Һиҗрәт» (Н.Исәнбәт), Марсель — «Карлыгач канат кага», Марат — «Кайда соң син?» (Х.Вахит), Славик һәм Әсхәт — «Зөбәйдә — адәм баласы» (Ш.Хөсәенов), Гарифулла — «Татар хатыны ниләр күрми» (Г.Ибраһимов), Малай — «Зәңгәр шәл» (К.Тинчурин), Габдрәшит — «Асылъяр» (М.Фәйзи) һ.б.

Татарстанның атказ. сәнг. эшл. — 1996 ел.