• 20.12-30.12 "Куян Эдвард сәяхәте". Балалар hәм ата-аналар өчен спектакль премьерасы. Г.Кариев исем.театр.
  • 20.12 "Агыйдел" дәүләт җыр hәм бию ансамбленен юбилей концерты. Филармония концертлар залы.
  • 20.12-22.12 Научный новый год от проекта "Умная Казань". Казань ул. Мартына Межлаука, 1 (здание Института психологии и образования КФУ)
  • 28.12 "Школа волшебников". Новогодний мультимедийный спектакль. КСК "Уникс". 15:00, 18:00.
Туган көннәр
  • 16 Декабрь Сәрия Хәбибуллина
  • 16 Декабрь Булат Фәйзуллин
  • 16 Декабрь Хәсби Фазлуллин (1909-1995)
  • 17 Декабрь Зыя Мансур (1916-1965)
  • 17 Декабрь Альберт Хәсәнов
  • 17 Декабрь Николай Колесов
  • 17 Декабрь Илсур Нәфыйков
  • 17 Декабрь Ләйсән Мәхмүтова
  • 19 Декабрь Илдар Закиров
  • 19 Декабрь Адель Хәмзин
  • Ярылган каен утыны сатыла ГАЗ-53.89375921940
  • 17 декабрьдә үгез ите сатыла. Яңа Әлем. тел:89503094229
  • Рус тетеннән татар теленә текстлар тәрҗемә итәм.Эшемне сыйфатлы башкарам,стиль саклана. 89655929160
  • "Татар Җыры" концертына (16 декабрь, Пирамида) ике билет сатам. Үз бәясенә. Урыннары яхшы, партерда. Үзебез кызганычка каршы бара алмыйбыз. Таһир 8-9172730326
  • Шәҗәрәләр төзим. Дәүләт архивлары документларына таянып. Барлык фактларны документның фотокопиясе белән раслыйм. Бу өлкәдә эш тэҗрибәм 5 ел. Чаллыдан Дамир Шәйхетдин. Тел.:8–917–874–16–40 яки языгыз: Tongekuk@gmail.com
  • Продается 1к с мебелью, частично остается техника 31 кв м 15 этаж 17 эт дома очень хороший вариант для студентов от центра 5 мин, ост А Кутуя, заезжай и живи собств т 89274254498
  • Яхшы сыйфатлы угез ите сатыла 280 сум. 89375833258
  • Казанда пыялага ясалган бик матур шәмаилләр сатыла. 89179345358
  • Бәрәңге сатыла. кг 16 сум. китереп тә бирәбез. Бәрәңгебез бик тәмле. 89520347319
  • Казанда Мега, Ашан, проспект Победы. Бигичева, Зорге. Глушко тирәэсендә бер бүлмәле квартира снимать итәр идем. Бәясе 13 меңнән артмасын иде. Вакытында түләүне гарантиялим. Риэлторлар борчымагыз. 89600541139

 

 

 

 

 
Архив
 

               

21.03.2013 Шоу-бизнес

Фирдүс Тямаев: “Кайбер җырларым төштә туа”

Йөздән артык җыр авторы Фирдүс Тямаевның иҗат җимешләрен яратып тыңласалар да, кайберәүләр аларны кем башкарганын да белмәде. Ә соңгы арада җырчы егет телдән төшми. Радио-телевидениедә еш яңгыраталар, интернетта клипларын меңләгән кеше карарга өлгерде, машинада аның дискы уйный, телефоннарда да Фирдүс җырлары... Шушы көннәрдә егет зур сынауга әзерләнеп йөри. 28 мартта УНИКС концертлар залында ул Фирдүс Тямаевның «сольный» концерты планлаштырылган.

Тулы исеме: Фирдүс Фәрит улы Тямаев
Туган урыны: Нурлат районы Түбән Нурлат авылы
Туган көне: 3 февраль, 1983 ел
Белеме: Лениногорск музыка училищесы, Мәскәү энергетика институты
Иң популяр җырлары: “Сөям, җаным”, “Язмыштан юк узмыш”, “Дусларга” һ.б.
 
— Фирдүс, сине Түбән Нурлатта яшәп иҗат итүче чын авыл егете диләр?

— Төп йортта әнием Галия, аның ире Газинур, энем Фирзәр белән мәш килеп яшәп ятабыз. Әнием Аксубай районының Кыязлы авылы кызы. Чөгендерче дә булды, колхозда сыер да сауды. Хәзер ашханәдә пешекче. Гади крестьян гаиләсендә без дә гади булып үстек. Энем белән еш кына гастрольләргә чыгып китәбез. Төркемебездә ул тавыш режиссеры.

Әле абзарны яңарттык. Мал-туарны мулдан асрыйбыз. Сыер, ике танабыз бар. Энем үгезләр алмакчы була. Ул бик уңган, йорт җанлы, кулыннан килмәгән эш юк. Кемне бәхетле итәрсең инде, дим үзенә.  

“УАЗ”ыбыз бар. Шуның белән җәй буе печән әзерлибез. Соңгы арада урманга йөри башладым. Утын хәстәрлим. Мунчага запасны мулдан тупладым. 

Авылда рәхәт. Үз йортымны салу белән мәшгульмен. Бер-ике елдан төгәлләп булмасмы инде. 

Нурлатта студия ачтым. 2005 елда төркем булып оешып, 18 кеше бергә шунда эшли башладык. Графигыбыз тыгыз, май-июньдә буш көн юк та.

— Фирдүс, кечкенә чак булса, аңлап та бетермәс идең, егет булып җиткәч ке¬нә әниегезне икенче кешегә кияүгә биреп, бергә яши башлау бер дә җиңел булмагандыр?

— Әтием Фәрит 2001 елда, 45 яшендә кинәт йөрәге туктап вафат булды. Ул гомер буе авылда электрик вазыйфасын башкарды. Әти арабыздан киткәндә миңа 18 яшь иде. Бик авыр кичердем. Без өч бала калдык. Апам Лилия хәзер кияүдә, ике бала үстерәләр. Әйткәнемчә, энем Фирзәр белән мин әлегә әни янәшәсендә. Үлгән артыннан үлеп булмый, тормышны дәвам иттек. Ялгызлык — тере үлем, диләр бит. Әнием шат күңелле, бер эштән дә курыкмас хатын иде, ләкин әти үлгәннән соң ялгызлык боектырды үзен.

Берничә ел элек аны кияүгә чыгарга үгетләдем. Ул оялды, яхшы түгел, кеше нәрсә әйтер, диде. Әмма әкренләп күндердем. “Әни, әти кадерле, сүз дә юк, аны беркем алыштыра алмый. Әмма ялгызыңа читен, тормышта иптәш кирәк, берәр кеше белән кавышуыңны телибез, без каршы түгел. Син бит әле яшь. Без дә булышырбыз”, — дидем. Әни 42 яшендә тол калды. Соңрак, безнең киңәшкә колак салып, Газинур исемле ир белән гаилә корды. Бик тату торалар. Ул әнине якын итә, эчми-тартмый. Аны хөрмәтләсә, безгә шул җитә. Әниебез бик матур, аңа әле 53 яшь кенә. Яратабыз үзен, горурланабыз. Ул киң күңелле, эшчән.

— Фамилияң сирәк очрый торганнардан. Тямаев нинди мәгънәгә ия?

— Тямаевны элегрәк чуваш фамилияседер дип уйлый идем. Түбән Нурлатта халыкның яртысы, мөселман булсалар да, чуваш фамилиясен йөртә. Элек монда чувашлар күп торган. Энциклопедияләрне актарып карадым. “Тямай” төрек-татар сүзе булып чыкты. “Җор телле, булдыклы” дигәнне аңлата. Ә Фирдүс исеме “оҗмах бакчасы” дигән мәгънәгә ия. Түбән Нурлатта Тямаев фамилиясен йөртүчеләр җитәрлек.

— Җырларны кайчан яза башладың? Сәхнәдә күптәннәнме?

— Концертлар куеп йөри башлаганга инде берничә ел. Иң башта “Язмыштан юк узмыш” җыры белән чыккан идем. Аны яраттылар, әмма кем башкарганын бик азлар гына белде. Хәзер күп авылларда концертлар куеп йөри торгач, таный башладылар.

Җырларны 9 нчы сыйныфтан яза башладым. Әтием үләр алдыннан бер дәфтәрен бүләк итте. Анда үзе язган 15 кә якын шигырь бар. Күптән түгел кабат карап чыктым. Берсенә нигезләнеп, Нурлатыбызга багышлап җыр яздым. Җырларым күп, Аллага шөкер. Соңгы вакытта кайбер көйләр төшемдә туа башлады. Ходайның бер хикмәтеме бу, ярдәм кулы сузуымы, гаҗәпләнәм һәм аңлап бетерә алмыйм. Сикереп уянуга, онытылмасын дип, тизрәк көйли-көйли диктофонга яздырып куям.

Кечкенәдән гармунга гашыйкмын. Өйдә баяным һәм синтезаторым бар. Язганда аларда уйнап, җырны матурлыйм. Әнием ягы гармунда оста өздерә. Әтием генә уйнамады. Ул гомер буе: “Бер нәрсәгә үкенәм — баянда уйнарга өйрәнмәдем”, — ди иде. Ә җырга һәвәс иде. Өйдә мин уйныйм, ул җырлады. Әти иң якын сердәшчем булды. Ул арадан китеп баргач, гаилә башлыгын гына түгел, якын дустымны югалтканны да аңладым. Бик сагынам. Теләсә нинди темага рәхәтләнеп сөйләшә идек.

Беркайчан әти-әни сүзеннән чыкмадык. Әни гел Фирзәр белән миңа: “Аракы эчмәгез. Исерткечне куллансагыз, хатыныгызны рәнҗетерсез. Күз яшьләре төшәр. Гаилә шуннан таркала. Исерткечтән ерак торыгыз, ул яхшыга илтми”, — дип тукып, сеңдереп килде. Энем дә, мин дә эчмибез, тартмыйбыз да.

— Ә холкың нинди?

— Авыр, артык кызу кеше мин. Әгәр юлыма каршы төшсәләр, дуслар бер тапкыр гына начарлык эшләсә дә, кичермим. Араны шул ук минутта өзәм һәм дуслыкны яңартмыйм. Үзем ярдәмчел, минем кебекләрне “ыштансыз” диләр (көлә). Теләсә кемгә, сораса, хәлемнән килсә, булышырга тырышам. Холкым кызу булса да, гел кызып тормыйм анысы (көлә). Бик гади мин. Юкка да күңелем була. Чын авыл егете инде. Шуңамы салада концерт куярга яратам. Иң гади, ихлас тамашачы шунда.

— Күп артистлар авылларга барып “вакланмый” бит хәзер. Анда керем юк, дип аклана кайберләре...

— Бар, нишләп булмасын. Бүген сыер савучыларның күбесе аена 4-5 мең сум алып эшли. Иртә-кич йөреп, 31 көн тир түккәннән соң бит ул. Ә син бер концерт куеп, 15-20 мең сум кертәсең. Төркемгә бүлгәннән соң, үзеңә 7-8 мең сумы калса да, ничек яхшы. Күктән яумый, 2-3 сәгатьтә шулай эшләгәч, аз дип әйтү гөнаһ. Нәфесең артык зур булмаса, җитә. 

— Фирдүс, коймак пешерү осталыгыңа да тукталмый булмый. Кайдан өйрәндең болай? 

— Пешерергә бик яратам. Сигез ел буе — дүрт ел Лениногорскида укыганда, тагын дүрт ел Азнакайда эшләгәндә тулай торакта тордым. Шул гомер эчендә әллә ниләр өйрәнергә була. Коймак пешерергә аеруча яратам. Мактаныйм әле, бик шәп килеп чыга (көлә). Авыз иткәннәр дә шулай ди. Аның 3-4 төрен әзерлим. Катыкка чәй содасы кушам. Әйбәтләп туглыйм, кабарып пешсен өчен чәй содасын бераз гына күбрәк салам. Йомырка кирәкми. Камырның бер өлешен аерып алып, аңа манный ярмасы кушам, икенчесенә тары ярмасы салып болгатам. Фантазияне төрлечә эшкә җигәм. Чүпрәсез генә әзерлим. Кайчак камырга аз гына какао да кушам. Ул үзенә күрә бер тәм бирә. Пешкән коймак өстенә угычтан сыр һәм сарымсак уып сөртәм. Кайнар коймак өстендә сыр тиз эри. Ул бик йомшак һәм тәмле була. Сарымсак исе дә сизелми, аны сыр үзенә ала.  

Күңел биреп әзерләсәң, бар ризык та тәмле. Ашауда сайланмыйм. Мантыйны бик яратам.

— Өйләнү эшләрен кайчангарак планлаштырасың, Фирдүс?

— Исәп бар, 30 тулды бит инде. (көлә). Башта йорт төзелешен төгәлләргә кирәк. Торыр урын да булмаган көе гаилә корасым килми. Егет кеше өчен 30 да өйләнү артык соң дип санамыйм. Аның каравы акыл утырган була, азрак аякка басасың, барысын да уйлап эш итәсең.

— Ярату көнләштерә, диләр. Син көнләшәсеңме?

—Көнләшәм шул. Ник алайдыр, аңлата алмыйм. Кайчак шул кызулыгым комачау итә, әйтеп куйгалыйм, аннан ашыкканымны аңлыйм. Хаталанган очракта гафу үтенәм. 

Мине нәрсә дип кенә сөйләмәделәр. Ул гайбәтләргә колак салсаң, көнләшерлек тә. Башта “Фирдүс өйләнгән”, аннан соң “Аерылган икән”, “Егылып эчә ул” дип ишеттерделәр.

— Фирдүс, 28 март көнне УНИКСта “сольный” концертыңа ниләр әзерлисең соң?

— Әллә ни үзгә, шаккатмале нәрсәләр уйлап баш ватмыйм. Норлат егетләре, музыкантларым белән килеп яхшы гына концерт куеп китәрмен дип өметләнәм. Моңарчы куйган концертымны тамашачы ошаткан иде. Басып алкышлады хәтта. Күзләрем яшьләнде. Шуңа бу концертта яхшы булыр дигән өметем бар. Тик мондый зур залда “сольник” белән беренче чыгыш ясавым, шуңа дулкынлану да бар билгеле. Үзем алып барырга, үзем иҗат иткән  җырларны башкарырга планлаштырам.  Барлык тамашачымны әлеге концертка чакырып калам.

P.S. 28 март, “УНИКС” концертлар залы, кичке сәгать 18:30.
Белешмәләр өчен телефон: 297 43 77
Билет бәясе: 400-900 сум.

Билетларны таратучылардан, “Билетти” кассаларыннан, “Евросеть” үзәкләреннән, КСК “УНИКС” кассасыннан, “Франт” сәүдә үзәгеннән , «Тамаша.ру»дан, «Кольцо» җир асты чыгу юлыннан, Кассир.ру, Концерт.ру. сайтларыннан алып була.

Лилия ЙОСЫПОВА
Ирек мәйданы
№ |
Ирек мәйданы печать

 
comments powered by HyperComments

Фикерләр

№19 (841959) / 09.06.2013 17:37:42

ФИРДУС МОЛОДЕЦ!Мэнге яшэ,матур жырларын ечен.Ижади чишмэлэрен саекмасын.

№18 (836911) / 15.04.2013 10:53:37

берэр авылга Фирдус Тямаев хэм Илхам Шакиров килэ дисэлэр, халык кайсына бара? Элбэттэ, улэ-бетэ Тямаевка! анын сез эйткэнчэ шоу-бизнеста купме торуы мохим тугел, ул буген халык кунелендэ уже!

№17 (836808) / 14.04.2013 01:33:42

Сагыз Фирдусне боек жырчы дигэн,минемчэ,ул жырчы тугел,жырлап йоруче-шоу бизнес вэкиле...Боек жырчылар-Шаляпин,Магомаев,Илхам Шакиров кебеклэр була..

№16 (836082) / 09.04.2013 15:46:16

Урыс актеры Иван Стебуновка охшаган.

№15 (836079) / 09.04.2013 15:37:17

Бетләү батырлык булмаса да, аны якын дустыңа сөйләгән кебек сөйләргә куп кешенең хэленнэн килми!

№14 (836029) / 09.04.2013 11:47:59

Сагыз,һәм дөрес эшли. үлсә үлеп, әмма сөйләмичә. бетләү батырлык түгел, ә хурлык. бигрәк тә бүгенге заманда.

ярар, мәгъмәсезгә сүз көрәштермим. башка эшләрем дә күп.

№13 (836023) / 09.04.2013 11:16:24

Кайсы җырчы бетләвен сәхнәдән сөйли ала? сөйләми, бетләп үлсә дә яшерә ул аны! Ә фирдүснең яшерер эйәерсе юк. Аның төп байлыгы да шунда – гадилегендә, эчкерсезлегендә!!!!!

№12 (836018) / 09.04.2013 10:51:34

Сагыз, /Бетләвен сөйләүдән дә гаеп табарга кирәкми, халык белән якынлыгы сизелде бу сүзләреннән Фирдүснең!/

үтерден Әлмәндәр!

да да, какрас сәхнәдән сөйли торган сүзләр инде бу!!!

бетле халык белән якынлыгы дип әйтүеңме?

№11 (836015) / 09.04.2013 10:42:15

Мин дә булдым Фирдүснең концертында. моңа кадәр бер-ике җырын гына яттан белсәм, иҗатын белмәвем өчен оялып утырдым. Шуның кадәр гади Фирдүс! Кайсы җырчы үзе җырлый да, бии дә, алып та бара ала! Маймыл кебек сикереп тә йөрми, үз дәрәҗәсен үзе белеп, матур бию хәрәкәтләре белән ЧЫН КҮҢЕЛДӘН биеп ала. Аның кебек биюче татар эстрадасында юк. Бетләвен сөйләүдән дә гаеп табарга кирәкми, халык белән якынлыгы сизелде бу сүзләреннән Фирдүснең! Татар җырчылары күп очракта гаилә хәлләрен, тормыш ваклыкларын сер итеп саклыйлар. Ә Фирдүс берәүдән дә оялмый да, тарсынмый да.Аның һәр сүзенән халыкны хөрмәт итүе сизелә. Косюмын да халыктан рөхсәт сорап кына салган егеткә тагын ни дисен! Чагыштырырлык җырчылар концертта да бар иде, югыйсә. Мисал өчен, Венер Сәлимов. аның пафосы сизелеп тора. Ничек кенә селкенсә дә, Фирдүскә җитәргә ерак шул әле! Әнисен сәхнәгә чакырып чыгаруы да бик зур хөрмәт хисләре уятты миндә. "Әни, чәчәгеңне чыгарып сатма!" дип әйтмәде ул, "Чәчәгеңне бирә күрмә, чыгарып сатмасыннар!", –диде.концерт беткәч тә, җырлавы тагын да көчлерәк хис-тойгылар утына ташлады мине. Зур сәхнәгә күптән түгел генә аяк баскан егетне басып алкышлаучы тамашачылар, Фирдүснең бөеклеген сөйли. "Фанера"га түгел, концерт буе үзе җырлавын да исәпкә алсак, каяй минуслар эзләргә көчегез җитәдер. Әтисен искә алып, шул ук вакытта баянда үзе уйнап җырлавы гына да ни тора! Кыскасы, тимәгез Фирдүскә. Вкусыгызга туры килми икән, плюсовкага сикерүче ыбыр-чыбыр концертына барыгыз. "Әпипә-шоу"да мин дә булдым. аны карап кайткач, Фирдүс кебек гади, халыкчан артистыбыз алдында баш ияргә генә кала!

№10 (834625) / 31.03.2013 12:56:34

Бу атнада Тямаев концертында УНИКСта булдым. Җырлавы ярар инде, күп җырламаса тыңлавы рәхәт. Ләкин нигә соң маймыл кебек тегендә-монда сикереп йөрергә? Нигә соң үз әниеңә: "Әни, бу юлы чәчәкләрне чыгарып сатма инде", дип сәхнәдән кычкырырга,бетләвеңне сөйләргә?
Концерт ахырында: Все, бетте концерт дигәч, халык таралышырга дип торып басып ишеккә атлый башлагач, җырлап озатып калгандай итеп яңадан җырлый башлавын гомумән аңлап булмады.Инде ишеккә таба баручы халык аптырап туктап, басып карап бетерде концерт азагын.Шуннан соң пәрдә ябылды.

Зәвыксызлыкның чигенә чыктык.Нәрсә туры килә шуны сөйлиләр, нәрсә туры килә шуны җырлыйлар. Шулай да Фирдүстә бер зур плюс бар: ул бик энергичный егет һәм шул энергия белән ихластан бүлешә белә.

Әле менә кичә Мөнир белән Ландыш концертында да булдым.Фирдүс алтын булган икән әле, рәхмәт Фирдүс!

№9 (834614) / 31.03.2013 12:42:44

Айнур язган:
29.03.2013, 00:00
Темага кагылышлы түгел,ләкин шунда язасы килде,гафу! “Сәхнәгә икенче бүлекнең башында ук чыккан Фирдүс Тямаев дигән «даһи талант иясе», ир-атлар арасында «2012нче елның иң популяр җыры»н башкарган булып чыкты. Җыр дигәч тә, алай ук зурлап булмый аны үзе – такмазалар инде шунда…
«Аллар күрдем, алмадым,
Гөлләр күрдем, өзмәдем.
Агым судай гомер узды,
Узганын да сизмәдем», – дип ул, сәхнә буйлап, «лыгыр-лыгыр, дөбер-шатыр, шыгыр-шыгыр» көенә тыпырдап йөрде. Кыяфәте дә бераз кәгеп алган кебек тоелды. Әле кызып китеп, «исерек көтүче биюе»н дә башкаргалап ала. Раббым, кемнәр кулына калдырдың татар җырын?!”, дип язган иде Сираҗи, “Татар җырын”нан соң. Әле генә Тямаев концертыннан кайттым,концерт тәмамланганнан соң, хәттә пәрдә ябылгач та, тамашачының таралмыйча, “браво” кычкырып, алкышлап торуларын күптән күргән юк иде. Күпчелек : ” мондый халыкчан,бер сулышта үтеп киткән концерт караган юк иде”, дип кабатлады. Концертка баруыма Әле дә сөенеп утырам. Некультурныйдыр инде без. Искәндәр, языгыз әле, “Раббым, кемнәр кулына калдырдың тамаша залларын” дип.

№8 (833712) / 22.03.2013 17:05:11

кулларда гына түгел,күкрәктә дә,ботта да җын үсә.
Әбиең дөрес әйткән. Әбиеңә сәләм әйт.
мин бәхетле дә,бай да,Аллага шөкер.

№7 (833707) / 22.03.2013 16:27:10

Куллары җонлы кеше я бай, я бәхетле була ди торган иде әбием.

№6 (833701) / 22.03.2013 16:12:49

Фирдүс, алга таба да иҗат унышлары телим.Синең җырларыңны бик яратып тыңлыйбыз. Мишәрләр булдыра бит алар. Кеше сүзенә карама, булдыра алмаганнар көнләшә инде ул. Ходай сиңа үз тиңеңне бирсен.

№5 (833670) / 21.03.2013 23:08:38

Тямаев:Башта йорт төзелешен төгәлләргә кирәк. Торыр урын да булмаган көе гаилә корасым килми.

Күрше "ботак"тан күчереп алдым:

Йорт – мөселман кешесенең ныгытмасы. Әгәр дә бу ныгытманы төзүдә хатын-кыз катнашмаса, анда бәрәкәт булмый.(Габдулла хәзрәт)

№4 (833669) / 21.03.2013 23:00:07

Әнисе турында шулай уйлый белүче,чынлап та сирәк Нәргизә.

№3 (833661) / 21.03.2013 21:54:25

Нокотларга, мукшыларга да патша кирэк!
Дорес андый жырлаучылар да кубэйде.
Ахыры хаэерле булсын!

№2 (833657) / 21.03.2013 21:03:22

Җырчылар хәзер тараканнан да тиз үрчиләр!

№1 (833638) / 21.03.2013 17:52:52

Фирдүс! Синең турындагы язманы укыгач, синең өчен, тудырып үстергән әнкәең өчен ихлас күңелдән шатландым. Сөйләгәннәреңә караганда гади авыл егете шундый булырга тиеш. Гадилектән Аллаһы аермасын, бик бәхетле булырсың әле. Сиңа тормыш юлында гел әйбәт кешеләр белән аралашып,тиң ярыңны очратып, матур гаилә корып яшәргә язсын!

▲ Өскә

Матбугат-инфо
Матбугат.ру
ТНВ
Addnt.ru
Ватаным Татарстан
Шәһри Казан
Бердәмлек
Рәшит Ваһапов фестивале
Туган як
Камал театры
Тинчурин театры
Татар дәүләт филармониясе
Яңарыш
Барс-Медиа
Ирек мәйданы
Татарстан яшьләре
Идел
Gong-TV
Бөтендөнья татар яшьләре форумы
Себерке
Өмет
Диләфрүз
Татарстан Язучылар берлеге
comments powered by HyperComments