Сайлау нәтиҗәләре ничек булыр дип фаразлыйсыз?

"Ватаным Татарстан" газетасы узган чакырылыш сайлауларының нәтиҗәләрен искә төшерә. Ә быел ничек булыр? Сезнең фаразларны көтеп калабыз.

2007 елда V чакырылыш Дәүләт Думасын сайлаганда, Татарстанда 2407,1 мең кеше тавыш бирде. Бу әлеге хокукка ия булучыларның 85,42 проценты иде. (Аннан алдагы сайлауда исә бу күрсәткеч 77,1 процентны тәшкил итте).

Ул елны Татарстанда 81,07 процент тавыш бирүчедә яклау тапкан "Бердәм Россия" пар­тиясе генә 7 проценттан артык күрсәткечкә ия булды. КПРФ исә – 6,71, "Гадел Россия" – 4,3, ЛДПР – 3,88, "Яблоко" – 0,8, "Аграрная партия России" – 0,7, СПС – 0,59, "Гражданская сила" – 0,44, "Патриоты России" – 0,32, "Партия социальной справедливости" – 0,18, "Демократическая партия России" 0,13 процент татарстанлыларда ышаныч яулады.

Гомумән, Россия буенча рәсми нәтиҗәләрне караганда, моннан дүрт ел элек сайлау участокларына 63,71 процент сайлаучы килгән. "Бердәм Россия" – 64,3, КПРФ – 11,57, ЛДПР – 8,14, "Гадел Россия" 7,74 процент тавыш җыя алды. Калган партияләр исә 7 процентлык киртәне узмады. Бу нәтиҗәләрдән соң "Бердәм Россия" вәкилләре Дәүләт ­Думасында 450 депутат кә­нә­фиенең 315енә утырып, теләсә нинди законны үткә­рерлек көчкә ия булды. Быел ничек булачак?

vatantat.ru