"Әти-әнием эчкечеләр иде..."

Аның әти-әнисе эчкән һәм аның башлангычларын хупламаган. Мәсәлән, алар аның күнегүләренә һәм фигуралы шуу ярышларына бер тапкыр да килмәгән. Ләкин Сябитова авырлыклар аны ныгыткан гына дип саный. Ул бу тормышта барлык нәрсәгә үзе генә ирешә алачагын аңлаган һәм гаиләсе кебек яшәмәскә карар иткән.

 

"Мин авылдан булган, хәмер эчкән һәм ПТУны тәмамлаган әти-әниләремнең бай гаиләләрдәге балаларның әти-әниләреннән нәрсәсе белән аерылып торуына игътибар итә башладым. Анда барысы да югары белемле иде. Һәм мин шуны аңладым: югары белем алу һичшиксез кирәк. Икенче фикер: минем андый гаиләм булмаса, мин аны үзем булдырам! Нәтиҗәдә, мин үземне ныграк яратучы, акыллы әти-әниләре булган егеткә кияүгә чыктым һәм ике матур бала таптым", - дип сөйләде ул.

 

Шунысы да билгеле булсын: Сябитованың фигуралы шуу буенча спорт мастеры разряды бар. Шул ук вакытта башта аның тренеры ярлы гаиләдән булган алты яшьлек кыз белән шөгыльләнергә теләмәгән. Ләкин үзсүзлелеге һәм шугалакта көне-төне күнекмәләр үтүе нәтиҗәсендә ул иң яхшы фигуристларның берсе була.

 

Сябитова шулай ук 20 ел дәвамында шоу-бизнеска максатчан баруын һәм теләгәненә ирешүен таныды.

Фото:мк.ру

Автор:Резеда Галикәева