Бүген Рамил Курамшинның вафатына бер ел (АРХИВ ФОТОЛАР)

Бүген күренекле музыкант, Татарстанның халык артисты Рамил Курамшинны искә алабыз. Быел, 18 декабрьдә аның вафатына бер ел булды. Аның иҗат юлы алтмышынчы елларның икенче яртысында башланып китә. Бөек җырчы Илһам Шакировка егерме елга якын уйнаган сәхнә остасы иде ул, әлбәттә бик күп күренекле башка җырчыларга да уйнарга туры килә аңа. Г.Тукай исемендәге Татар дәүләт филармониясендә Рамил Курамшин 1994 елга кадәр эшли.

Аның баян өчен язган күпсанлы пьесалары бүгенге көндә музыка мәктәпләрендә һәм училищеларда, Казан консерваториясендә башкарыла, «Рамил Курамшин исемендәге баянчылар һәм гармунчылар төбәкара конкурсы» кысаларында яшь башкаручылар тарафыннан яңгырый.
Гомере буе халкыбызга милли моңнарыбызны ирештергән фидакарь сәнгать әһеле Рамил Сөләйман улының рухы шат, урыны оҗмахта булсын.

Рамил ага Курамшинның архивыннан фоторәсемнәр:

Рамил Курамшин. 1970 нче еллар

И.Шакиров белән гастрольләргә чыкканда

Концерт афишасы

Әлфия Авзалова, Рамил Курамшин

Алда – Фәхри Насретдинов һәм аның икетуган сеңлесе Бану Вәлиева. Арткы рәттә: Рамил Курамшин, Рәгъде Халитов, Марат Әхмәтов. Уфа шәһәре. 1976 ел

Р.Курамшин Татар дәүләт җыр һәм бию ансамбле җырчылары (сулдан): Рәйсә Җаббарова, Таһир Якупов, Ләлә Әхмәтгалиева белән. 1968 ел

Телестудиядә концерт вакытында. Илһам Шакиров,Сәйдәш Гарифуллин, Ирек Галимов, Рамил Курамшин. 1969 ел.Казан

Бертуган Курамшиннар: Рафаэль һәм Рамиль. Туган нигездә. 1969 ел

Курамшиннар гаиләсе, уртада әтиләре Сөләйман Курамшин. 1966 ел

Таһир Якупов, Рамил Курамшин. 1969 ел

Рамил Курамшин нәфис сүз остасы Фәйзи Йосыпов белән. август 1970

Сулдан: Рафаиль Курамшин, Наил Габидуллин, Рамил Курамшин. 1969 ел

И. Шакиров, Р. Курамшин.Ташкент шәһәре. 1977 ел

Телевидениедә Рамил Курамшин үзе язган «Баян белән оркестр өчен концертино» ны башкарганда. Дирижер – Анатолий Шутиков. 1985 ел

Рамил Курамшин исемендәге IV Республика баянчылар конкурсыннан соң. Жюри әгъзалары һәм Арча педкөллияте укытучылары (сулдан уңга): Харис Нигъмәтҗанов, Гүзәл Галәветдинова, Таһир Сөләйманов, Рамил Курамшин, Альберт Гайнетдинов, Хәйдәр Сафин, Эльмира Сафина.

 Баянчыларга багышланган кичәдән соң. Татар дәүләт филармониясе. 2015 ел