Рәнис Габбазов: “Без моны махсус эшләмәдек”

- Улым сәхнәдә беренче адымнарын ясады. Без моны махсус эшләмәдек. Сәхнә артында җырларга чыгарга сорап торды. Берничә тапкыр туктатып та калдык. “Дусларым, туганнарым”ны башкарганда Тимерлан сәхнәгә йөгереп чыкты. Шаккатым, минем өчен  бу ачыш булды. Тамашачылар да бик җылы кабул иттеләр. “Тимерлан җырчы булырга тиеш”, - дип әйтүчеләр дә булды. Улымның үз юлы, әгәр сәхнәгә чыгарга теләсә, киртә куймаячакмын. Минем репертуардан бөтен җырларны да яттан белә. Көне буе җырлап йөргәч, җыр сүзләрен улым да истә калдыра. Үз балаңның иҗатыңа битараф булмаувын тою да бәхет. 

- Хәзер бу серне ачсаң ярый инде. Кешеләр җәй көннәрендә помидор, кыяр үстереп, тозлап куялар. Кыш җиткәч, бу тәм-томнар белән сыйланалар. Без дә җәй буе яңа программа әзерләдек, яңа образлар уйладык. Менә хәзер концертлар белән тамашачыны “сыйлыйбыз” инде. Сольный концерт кына түгел “тозлы”.

- Төрле җирдә төрлечә инде. Кайдадыр күбрәк киләләр, кайдадыр әзрәк. Булганына шөкер итәбез. Без 10 тамашачыны да 500не дә якын күрәбез. Кеше җыелмады дип сәхнәгә чыкмыйча калган көнебез юк. Төркем белән дә гастрольләр башланганчы алдан сөйләшеп куйдык. 

- Яңа җырлар булачак. Алар иҗатыбызга яңа сулыш өрер дип ышанам. Парлы җырчылар күп, шуңа күрә аерылып торасы килә. Җырлар сайлауга җитди карыйбыз. Яңалары да булачак, ретро җырларны да яңартып башкарачакбыз. Киләсе ел премьераларга бик бай. 

- 13 апрель “Чулпан” мәдәният сараенда концерт булачак. Әле афиша чыкмады. Иң беренче булып сезгә хәбәр итәм менә. Берничә ел Казанда концерт куйган булмады. Бу озын тәнәфестән соң янәдән яңа сулыш белән сәхнәгә кайтуым. Казанда концерт кую - имтихан белән бер. Барлык концерт та шулай, билгеле. Сыйфатлы, моңлы, заманча тамаша куясы килә. Иҗатым үзгәреш кичерә, үземне бүтән яктан сынап карыйм. Тамашачы кабул итәр дип өметләнәм.