Юлда чүп ташлаучылар өчен җәза катгыйланды

Машина, мотоцикл һәм тагылмалардан чүп-чар ташлаган гражданнар өчен — 10-15 мең сум, шәхси эшкуарлар өчен - 20-30 мең сум, юридик берәмлекләр өчен 30 меңнән 50 мең сумга кадәр штраф рәвешендә административ җаваплылык билгеләнә. Шул ук вакытта кабат хокук бозган өчен расланган штрафлар күләме ике тапкыр артачак.

 

Закон йөк транспорт чараларын, аларга тагылмаларны, тракторларны һәм башка үзйөрешле машиналарны кулланып бозылса, гражданнар өчен штраф — 40тан 50 мең сумга кадәр, вазыйфа биләүчеләр өчен — 60тан 80 мең сумга кадәр, юридик берәмлекләр өчен-100 меңнән 120 мең сумга кадәр тәшкил итәчәк.

 

Моннан тыш, вазыйфалы һәм юридик затлар өчен транспорт чарасын конфискацияләү мөмкинлеге карала.

 

Фото: Shutterstock