«Яңа татар җыры III» авторлар бәйгесенә гаризалар кабул ителә

Ваһапов фондының татар телендә моңлы, сыйфатлы, яңа җырлар булдыру, киләчәк буынның иҗади мирасын баету, татар җырларын камилләштерүгә юнәлдерелгән проектына - «Яңа татар җыры III» бәйгесенә гаризалар кабул итү дәвам итә.

 Җиңүчеләрне быел да акчалата бүләкләр көтә:

1 нче урын - 200 000 сум;
2 нче урын - 150 000 сум;
3 нче урын - 100 000 сум;
махсус приз - 50 000 сум.

Конкурс Татарстан Президенты һәм Мәдәният министрлыгы ярдәме белән оештырыла.

«Яңа татар җыры III» бәйгесендә катнашу өчен түбәндәге алгоритмны үтәргә кирәк:
1. Нигезләмә белән танышырга;
2. Гариза тутырырга;
3. нигезләмәдә каралган барлык документларны һәм җырларны musicbyvagapov@mail.ru адресына җибәрү.

Гаризаны әлеге сылтама аша тутырырга кирәк.