Аю белән очрашкан Актаныш кешесе: "Киредән тудым мин"

Бу хакта бер ир-ат социаль челтәрләрдә аудио язмада сөйли "Ышанган кеше ышаныр, ышанмаганы мәҗбүри түгел. Җиделәрдә басуга мендем. Машинамны калдырып, басуны урап төшеп килә идем, басу кырында бер гектарлап биек урман бар, утрау кебек. Каршыга аю килеп чыкты. Арт аягына басты. Миңа бер 20 метр калды. Пошкырып, кире урманга кире кереп китте.  Мине Алла саклады. Үз күзем белән күрсәм дә, ышанасы килми", дип сөйли аудио язмада. "Сак булыгыз!" дип кисәтә әлеге кеше ."Киредән тудым мин бүген" дип тәмамлый ул сүзен. Авыл төркемнәрендә бу хәбәрнең дөреслегенә шикләнүчеләр дә бар.

 

Төркемнәрдә әлеге аюны атканнар, дигән хәбәрләр дә йөри. Тик Актанышта аның дөреслеген раслаучы юк.

 

Фото: видеодан скрин алынды.