86 ел бер сүз әйтми узган гомер

Эштән соңга калып кайтсам да, юксынып, кочаклап ала”, — ди Әлфия апа. 33 ел бергә тору дәверендә алар бер-берсен бик яхшы аңлый.

 

Рауза апа тумыштан телсез. Әтиләре сугыш кырында вафат булган. Рауза апаның бертуган апасы ул вакытта гаиләсе белән Чиләбедә яши. Кыз төп йортта әнисе белән генә кала. Ялгызы калмасын дип, аны кияүгә бирәләр. Әсхәдулла абый шулай ук телсез була, тик тумыштан түгел. 4 яшендә башына ялгышлык белән ат тибә. Аңа шунда зыян килә.

Рауза апа белән Әсхәдулла абыйның уллары Нигъмәтулла һәм кызлары Расиханы башта әбиләре үстерә. Малай белән кызга 3-4 яшьләр тирәсе булганда, әбиләре олы кызлары янына Чиләбегә китә. Кире кайтканда, Нигъмәтулла белән Расиха сөйләшүләрен оныткан була инде. Соңрак алар кабат сөйләшеп китә.

 

Рауза апа белән Әсхәдулла абый 49 ел бергә гомер кичерәләр. 2010 елда Әсхәдулла абый 80 яшендә вафат була. Соңгы ике елында күзләре сукырая. Аңа кадәр инфаркт кичерә. Әтисе үләренә 2 ел кала уллары Нигъмәтулла абый 43 яшендә якты дөнья белән хушлаша. Бу вакытта аның кызы Әдиләгә 19 яшь була. Әлфия апа ире белән 20 ел гына яшәп кала.

 

Рауза апаның кызы Расиха апа тормыш иптәше белән 3 бала үстергән. Оныклары бар. Язма герое Рауза апа хәзерге көндә 4 оныгы һәм 4 оныкчыгы булу бәхетен татыган.

 

Рауза апа ишетмәсә дә, сөйләшмәсә дә, кулы тик тормый. Матур киезләр, башмаклар бәйли, тегү машинасының да рәтен белә.

 

— Ул бар эшкә оста. “Әгәр сөйләшә алса, Рауза бик алга киткән кеше булыр иде, мөгаен”, — дип әйтә иде күршебез, — ди Әлфия апа.