Татар телендәге әдәби әсәрләр бәйгесенә гаризалар кабул итү дәвам итә

Татарстан Президенты каршындагы татар телен саклау һәм үстерү мәсьәләләре комиссиясе игълан иткән татар телендәге әдәби әсәрләр бәйгесенә бүгенге көндә алты йөздән артык эш килде.

Татар әдәбиятын яңа әсәрләр белән баету, татар телендә әдәби әсәрләр иҗат итүче авторларны барлау максатында үткәрелә торган әлеге бәйгегә эшләр 10 номинациядә («Повесть», «Хикәя», «Поэма», «Шигырь», «Повесть (үсмерләр әдәбияты)», «Хикәя (үсмерләр әдәбияты)», «Шигырь (үсмерләр әдәбияты)», «Хикәя (балалар әдәбияты)», «Шигырь (балалар әдәбияты)» номинацияләре буенча әдәби әсәрләр – 2021 елның 1 сентябренә кадәр; «Роман» номинациясе буенча – 2021 елның 1 декабренә кадәр) кабул ителә.

Татарстан Президенты каршындагы татар телен саклау һәм үстерү мәсьәләләре комиссиясе игълан иткән әлеге бәйге татар әдәбиятын яңа әсәрләр белән баету, татар телендә әдәби әсәрләр иҗат итүче авторларны барлау максатында үткәрелә.

Барлык шартлар турында бәйге нигезләмәсеннән укып белергә мөмкин.