Суга сикереп имгәнгән Артемий Токаревка акча җыялар (ЯРДӘМ ИТИК)

12 яшьлек Казан малае Артемий Токарев йөзү буенча Россия чемпионатында вышкадан уңышсыз сикереп, бәхетсезлеккә юлыга - башы белән бетон плитәгә килеп бәрелә. Җәрәхәтләре көчле була - комага китә.

6 сәгать операция ясап, битенә пластиналар куялар. Табиблар әти-әнисенә өмет бирми, ләкин Ходайның рәхмәте белән  5 көннән ул аңына килә.

"Матбугат.ру"га билгеле булганча, бер күзе сукыраер дигән фаразлар да инкарь ителә- малайның ике күзе дә күрә. Аяк-кул бармаклары әкренләп хәрәкәтләнә башлаган.

Әлегә ул Мәскәүдә, тернәкләндерү күп вакыт һәм чыгымнар таләп итә. Токаревларның Артемийдан кала тагын бер кечкенә балалары бар, бер бүлмәле фатирда яшиләр. Мәскәүдәге чыгымнарны күтәрерлек мөмкинлекләре юк.

Булдыра алганча, ярдәм итик! Изге айда бер игелек  700гә торыр, ди, савап кылырга ашыгыйк.

Реквизитлар: Колесникова Светлана Сергеевна исеменә.