• 16.12-20.12 Данир Сабиров концерты. КСК "Уникс"
  • 24.12-25.12 "Һәлакәткә бер адым" (Премьера!) Тинчурин театры
  • 02.01-03.01 Нәфкать Нигъмәтуллин концерты. Филармония. 19.00.
  • 14.02-23.02 Мунча ташы. Кырыкта да кызыкта. КСК "Уникс"
  • 29.02-09.03 Фирдус Тямаев. Ялгыз торна. КСК "Уникс"
Туган көннәр
  • 16 Декабрь Сәрия Хәбибуллина
  • 16 Декабрь Булат Фәйзуллин
  • 16 Декабрь Хәсби Фазлуллин (1909-1995)
  • 17 Декабрь Зыя Мансур (1916-1965)
  • 17 Декабрь Ләйсән Мәхмүтова
  • 17 Декабрь Николай Колесов
  • 17 Декабрь Илсур Нәфыйков
  • 17 Декабрь Альберт Хәсәнов
  • 19 Декабрь Адель Хәмзин
  • 19 Декабрь Эльмира Закирова
  • Муж на час.т:8-952-035-11-42 Актаныш
  • Сборка и ремонт мебели!Тел.89196484445 Актаныш
  • Ремонт квартир от косметического до евро.(перегородки из гипсокартона, многоуровневые потолки, штукатурка, шпатлёвка, обои, кафельная и декоративный плитка, ламинат, плинтус, ковровые покрытия и др) Установка дверных и оконных блоков. Профессиональный монтаж и проектирование систем отопления, водоснабжения и канализации с использованием самых передовых технологий. Установку и ремонт: смесителей, кранов, унитазов, раковин, полотенцесушителей, радиаторов отопления, батарей, водонагревателей, прокладка и разводка труб, ремонт и замена систем водоснабжения, канализации, отопления и т.д. подключение стиральных и посудомоечных машин, Большой опыт работы. Быстро, качественно, недорого. Вам не придется искать разных мастеров, стаж 15 лет.8-960-060-77-38 Актаныш
  • Сдаю комнату в Дербышках рядом с Бэхетле. Квартира 3 комнатная живёт один сосед. Комната тёплая. В комнате есть холодильник стиральная машина. Тел. 89534010031
  • Январь аенда культура институты янына якын булган жирдэн булмэ снимать итэм. Можно берэр эби янында. Вакытлыча. 89673666533 Эндже.
  • Шипалы 4 тэгермэч сатыла,R/14 ,дискалары бн,2 сезон йорелгэн.тел.+79030621080,ватсаппка языгыз.
  • Сдаётся однокомнатная новая квартира по Проспекту Победы 139.41 кв.м. Имеется новая мебель и бытовая техника.Длительно.18+ к/у.Собственник.Тел. 89274076680
  • Ишеклэр куям,баскычлар эшлим .тел 89534022434 Питрэч районы
  • Срочно дворник кирэк 89377734777
  • Туалет, ваннага плитка жаям теплыи пол уткарам, стенага плитка куям, тел.89600325048

 

 
Архив
 

               

07.09.2010 Җәмгыять

СҮЗ АРТЫНДА ХӘЙЛӘ БАР

Җанисәп алу вакытында ничек алданмаска? Бу кампаниянең никадәр мөһим икәнлеген халыкка ничек аңлатырга? Бөтендөнья татар конгрессы башкарма комитеты рәисе Ринат Закиров шушы уңайдан узган атна азагында “Казан” милли мәдәният үзәгенә зыялыларыбызны җыйды.

– Милләттәшләребезнең 75 проценты Татарстаннан читтә яши. Шуңа күрә халык санын алу кампаниясенең мөһимлеген, нечкәлекләрен аңлату өчен илебезнең 60лап төбәгенә язучылар, журналистлар, галимнәр, артистлардан торган махсус төркемнәр җибәрергә булдык. Иркутскига баручылар юлга чыкты инде. Җирле татар иҗтимагый оешмалары, зур-зур залларны алып, халык белән очрашулар уздырмакчы. Шунда республикабыз вәкилләре дә катнашачак. Җанисәп алу милләтебезнең киләчәген күзаллауга бәйле. Узганында җитди бозуларга юл куелса да (Башкортстанда 200 меңгә кимедек), 60 меңгә арттык,– дип Ринат әфәнде әлеге кампаниянең үзенчәлекләрен бәян итте.

 

Моңарчы сораштыру кәгазендәге 7 нче пунктны үзең гельле каләм белән тутырсаң (милләт атамасын язсаң) гына хак була, дип аңлатканнар иде. Бер ай элек кенә пайтәхет конструкторлары сораштыру кәгазьләренә үзгәрешләр кертеп, җанисәп алучының үзенә дә анкета кәгазен тутыру мөмкинлеге биргән, моны хәтта телефоннан сорашып та эшләп булачак икән. Телефон чыбыгының икенче башында утыручыны сораштырылучы ничек күрсен, белсен инде? Моңа юл куймаска, ризалашмаска кирәк. “Килдек, өегездә булмадыгыз”, – дип “акланырга” мөмкиннәр бу җәһәттән. Кабат килсеннәр, телефоннан вакытын килештерсеннәр андый чакта (дөрес, узганында 1 миллион россияле сораштыручыларны өйләренә кертмәгән икән). Узган халык санын алуда милләттәшләребезне 45 төркемгә бүләргә тырышсалар, бу юлы 120 гә таркатмакчылар. Мондый тизлектә барганда, тагын ун елдан булачак җанисәп алу кампаниясендә безне Мөслим татары, Азнакай татары, Арча татары... дип тә бүлгәләргә тырышмагайлары. Саратов татары, Пенза татары, Касыйм татары, Әстерхан татары, Сембер болгары, Самара болгары... дип аталырга тәкъдим итүләр Госкомстатның хәйләсе генә ул. Имеш, безне төркемнәргә бүлеп өйрәнмәкчеләр. Әгәр андый “изге ният”ләре бар икән, алар иң әүвәл урысларны шулай өйрәнерләр иде.

 

– Безне бүлгәләп, милләтебезнең үз эчендә каршылык чыгармакчылар. Әнә узган җанисәп алуда казакълар аерым милләт булып язылмакчы иде, урыс милләтенең санын киметәчәксез, дип моңа РФА галимнәре ризалык бирмәде, – дип сөйләде бу уңайдан җәмәгать эшлеклесе Фәндәс Сафиуллин.

 

– “Татар”, “татарлар”, “татарин” дип тә язу мөмкинлеге бирә безгә РФА Социология һәм этнология институты га­лимнәре. “Татарин” яки “татарка” дип кенә языгыз. Аларның ничек исәпләүләре билгесез. Татарча язганны машина укымый дип тә әйтүчеләр бар. Бу хәйләгә капмагыз. 7 нче пунктта буш квадрат та каралган. Милләтеңнең исемен язмыйча гына шунда билге куйсаң, милләтеңнән баш тартып, “россиянин” буласың, – дип аңлатты бу җәһәттән Р.Закиров.

 

– Күптән түгел генә Башкортстанда булып кайтырга туры килде. Шунда ике татар хатынының, Башкортстанда яшәгәч, без башкорттыр инде, дип фикер йөртүенең шаһиты булырга туры килде. Гомумән, анда вәзгыять шактый четерекле. Хакимияткә яңа Президент килсә дә, элеккечә башкорт дип яздырту сәясәте дәвам итүе, халык белән очрашырга теләгән зыялыларыбызны узганындагы кебек республикага кертмәүләре, очрашып сөйләшү, чыгыш ясау мөмкинлеге бирмәүләре ихтимал, – дип сөйләде күршеләребездәге хәл турында этнолог Дамир Исхаков. Берничә ай элек Көнбатыш Башкортстанда – Чишмә, Бүздәк, Благавар, Туймазы, Октябрьский районнарында булып кайткан археолог Альберт Борһанов та әлеге район муллаларына өстән күрсәтмә бирелгәнлеген, халык башкорт булып язылмаса, имамлыктан китәргә туры киләчәк, дип кисәткәннәрен хәбәр итте. Бу уңайдан журналист, шагыйрә Шәмсия Җиһангирова Башкортстан районнарындагы үзешчәннәрне “ТЯГ” каналындагы “Җырлыйк әле” телетапшыруында катнашырга чакырып булса да милләттәшләребезгә нинди хәвеф янавын искәртергә тәкъдим итте. Ул Спас районында, болгар дип язылыгыз, дип өндәп йөрүчеләр булганлыгына хәвефләнүен, үзебезнең Татарстанда да уяу булырга кирәклеген белдерде.

 

Сер түгел бит: башта башкорт дип яздыралар, аннан соң мәктәптә укыту телен башкортчага күчерәләр. Әнә, нугайбәкләрне узган җанисәп алуда, сез православ динендә булгач, татар түгел, аерым милләт булып язылыгыз, дип өндәделәр. Инде бу юлы, яшерепнитеп тормыйча, урыс булып язылырга тәкъдим итәләр. “Мәктәптә татарча укымагач, православ динендә булгач, без инде урыстыр”, – дигән фикерне менә шулай халык аңына сеңдермәкчеләр.

 

Халык санын алу турындагы Россия законында әүвәл туган телне сорыйлар, аннан урыс телен белүеңне ачыклыйлар, аннан соң гына тагын нинди телләр үзләштерүеңне белешәләр. Җанисәп кәгазендә беренче сорау – урыс телен беләсеңме, икенче сорау – тагын нинди телне беләсең, өченче сорау – туган телең нинди? Сорауларны төзүчеләр менә шулай закон бозып, урыс телен беренче урынга чыгарган, туган тел өченче сортлы булып калган. Моны психологик басым ясау дип тә бәяләргә мөмкин.

 

– Урыннарга чыкканда без ул төбәкнең тарихын, мәшһүр кешеләре кемнәр икәнлеген яхшы белергә, күпме кардәшебезнең үзен татар дип санавыннан хәбәрдар булырга; халык каршына чыккач, безне кысалар, бетерергә телиләр, дип зарланмыйча, милләтебезнең бөеклеге, олуг тарихы булуы турында сөйләргә тиешбез, – дип киңәш итте үз чиратында сөйләшүдә катнашкан ТР Дәүләт Советы комитеты рәисе, шагыйрь Разил Вәлиев.

 

Озын сүзнең кыскасы: җанисәп алу кампаниясендә актив һәм шәхсән катнашыйк, үзебезне “татарин”, “татарка” дип языйк.

Рәшит МИНҺАҖ
Ватаным Татарстан
№ 180 | 07.09.2010
Ватаным Татарстан печать

Фикерләр

Исем:
E-mail:
Текст:
 
№40 (54002) / 10.09.2010 00:43:55

Озын язасыз кешеләр. Шуңа укып чыгып түзә алмыйм. кемгә кадалырга белмим. Һаман бер балык башы икән,дип чыгып китәм.

№39 (53945) / 08.09.2010 23:33:41

Нурислам
Өчлектән аерым гына кичә котлаган идем, бүген, бергәлеккә кушылам... 

№38 (53938) / 08.09.2010 23:10:31

бәйрәм белән Нурислам!
яратмаган кешеләреңнең берсе булсам да, ихластан ураза тотучы, башкаларны да сафландырырга тырышкан кешене котламый кала алмыйм.

әгәр дә нәрсәдәдер килешмибез икән бу әле без денсез дигән сүз түгел. УЛ күңелдә. әгәр дә бер кергән икән чыгару мөмкин түгел АНЫ. монда берәү дә денсез түгел.

№37 (53936) / 08.09.2010 23:03:04

Нух, Коръәни Кәримнең гарәпчәсендә тукталыш урыннары һәм сузарга тиешле урыннар төгәл күрсәтелә, ә җөмлә нокталар белән бүленми, ә бәлки җөмләләрнең аятьләргә бүленгән урыннары күп. Шулай ук Коръәндә баш хәрефләр дә юк. Безнең баш хәрефләрне шулай куллануыбыз Аллаһ Тәгаләнең Бөеклеген күрсәтәсе килүдән, тиешле дәрәҗәдә булдыра алмасак та.

№36 (53933) / 08.09.2010 22:55:24

Ул гына Ялгыз Бер Үзе
- инглизчәме соң бу? анда шулай җөмлә уртасында сүзләрне баш хәрефтән язалар.
Кыскартсаң болай булай, УгЯБҮ...

Динарны укымый идем, гел укырлык нәрсә язмый, бу десять в одномнар да шулай. Кстати, болар Динар булырга мөмкиннәр)))

№35 (53931) / 08.09.2010 22:52:07

тезүче
Һмм, формулировканы чак кына үзгәртегез, мин үзем төзүче бит, виноват буласым килми...)))  

№34 (53929) / 08.09.2010 22:50:02

синең кебек тезеп кенә чыкса җимерелми хәл юк Тезүче!

№33 (53926) / 08.09.2010 22:46:50

йор җимерелмәсә синең эш, җимерелсә төзүче эше.

№32 (53925) / 08.09.2010 22:45:40

Соры корт, 

№31 (53923) / 08.09.2010 22:39:19

"Милләтебез язмышын да бары тик Ул гына Ялгыз Бер Үзе тәкъдир кыла." Шәп сәясәт, әйтәсе дә юк! Намазлыкка менеп утыр, калганы барсы да үзе булыр... Бик хуп, киттек шушы мантыйктан, минем динсез булуым да (әлбәттә сезнең күзлектән караганда) Аллаһы Тәгалә әмере белән, булыр-булмасларның урыслашуы да Аллаһы Тәгалә әмере белән, барсы да Аллаһы Тәгалә әмере белән, барсы да ләхәүле-мәхфүздә язылган... Нидер үзгәртергә тршабыз икән, димәк, Аллаһы Тәгалә әмеренә каршы киләбез...
Гафу итегез, «каждый кузнец своего счастья»!
Аграном принципы минем өчен түгел.(уңыш яхшы булса, аграном яхшы эшләгән, уңыш булмаса, һава торышы...)
Наил, Г.Т.Т., теләктәшлегегез өчен рәхмәт! 

№30 (53910) / 08.09.2010 22:06:26

Кактус,
бәйрәм алдыннан яла ягып гөнаһы алма!!Тәмугта януың бар. Мин андый сүзләр кулланмыйм, гомумән.Тупойларны үткенләү мөмкинлеге бар һәрвакыт.

№29 (53909) / 08.09.2010 21:12:03

Админ! Ни өчен минем Орхидеягә язган җавапны сөрттердең, мин анда начар сүз әйтмәдем. Ә Орхидеянең: "тупо же", "бред" дип язганын калдырдың.

Орхидея-Иркә. Мин сүзләремне тупойлар өчен язмыйм. Исемеңне үзгәртсәң дә күренеп тора, язуың "тупо же".

№28 (53899) / 08.09.2010 17:22:45

Наил!!!!!






№27 (53896) / 08.09.2010 14:26:16

Наил, язуыңның рәте-чираты булмаса да, фикерең бик дөрес.  Ык белән Агыйдел арасында яшәгәннәр генә түгел, без, Әлмәтлеләр дә, татар белән башкорт арасында әллә ни аерма күрмибез. Шуңа карамастан, *без - болгар төрекләре* түгел, татарлар. Башка исем табулар, тагы да баш бутауга гына китерә. Татар-башкорт булсак һәркем довольный булыр иде. Правительстводан шуны требовать итәргә кирәк.

№26 (53895) / 08.09.2010 14:14:14

Былтыр кыстырды диеп, кычкыралар мени быел. Милләтебезне бүлеп төрле исемнәр кушканына бер гасыр була инде, әммә болар хәзер генә кычкырып әллә нинди яңа проблемалар таба торалар. Ә төп проблем - башкада.))))))
акыллыдан акыллы сүз!

№25 (53894) / 08.09.2010 14:03:16

Җәмәгать, чыннан да татар я башкорт - безнең болгар төрек халкыбызның ике өлешләредер.

Фәүзия Байрамова - Барда я Чиләбе якларында яшәгән кардәшләребез үзләренең татар яки башкорт булулары мәсәләсендә бер фикердә түгел. Кемдер \"Мин - татар!\" ди, кемдер исә - \"Мин - башкорт!\" ди. Чөнки алар беркайчан үзләрен татар дип йөртмәделәр. Имам, тарихчы, казый, һәм Галимҗан Баруди үлгәчтән соң мөфти булган Риза Фәхретдин: \"Без Казан төрекләре, без болгар төрекләре! Татар түгел!\" дип йөрде йөрде дә, коммунистлар килеп болгар төрекләрдән татар һәм башкорт ясадылар. Риза Фәхретдин 1926-нче елдагы җанисәптә \"татар\" белән \"башкорт\" арасында башкортны сайлады, чөнки татар дигән сүз ул чор кешеләре өчен сүгенү сүзе булган (Г.Әхмәрев). Садри Максуди һәм Гаяз Исхакый кебек шәһесләр дә \"татар\" сүзенә каршы булгач ничек инде без \"Болар башкорт түгел, ә татар!\" дип берничек тә әйтә алмыйбыз. Барыбыз без башкорт, барыбез без татар... Шул ук бер миллә инде ул. Бүгенге сословиялар дип карасак та була, чөнки бабаларыбыз да Казан артыннан качып Уфа губернасында урнашып, күбрәк җир бирмәсләр микән дип башкорт дип аталганнар. Ә башкалары типтәр сословиясендә калган. Шул ук казан төркиләре инде бит, башкортлары да, ясаклы татарлары да, типтәрләре дә.

Болар барысы да Казан төркиләре дип әйтеп була, әммә \"Башкорт, татар түгел!\" я \"Татар, башкорт түгел!\" дип һичничек әйтеп булмый. Татарстанның шактый гына авыллары башкорт сословиясендә булып революциядән соң Татар АССР җирендә калып татар дип язылдылар. Аларның оныклары бүген үзләрен күкрәк кагып \"Без татар!\" дип йөриләр. Ә Ыкның теге ягындагы типтәрләр я башкорт сословиясендәге төрекләр \"Без башкорт!\" дип шулай ук горурланып һәм күкрәк кагып йөриләр. Бу бүленү әлбәттә безнең халкыбыз өчен бик зур фаҗига булды, әммә ләкин Ык белән Агыйдел арасында яшәгән төркиләргә \"Сез - татар!\" я \"Сез - башкорт!\" дию ул Мәскәүнең 1922-дә башлап җибәргән планы буенча эшләү - ызгышу һәм талашу. Һәм башкортлаштыручылар да, безнең Дамир Исхаков, Ф.Байрамова, Марсель Әхмәтҗанов кебек кешеләр дә үзләре белмичә я аңламыйча шул планга эшлиләр. Кызганыч, әммә шулай.

Татар һәм башкорт милләтләре беркайчан да бергә \"Татар\" я \"Башкорт\" исемнәрен йөртмәде һәм йөртмәячәк тә - бу ике бертуган милләтне \"татар\" я \"башкорт\" исемнәре б-н берләштереп булмый димәк. Шуңа күрә безнең милләтебезне киләсе болгарлаштыру гына саклый ала, чөнки без - болгар төрекләре, төрләчә аталсак да.

Дурдом бу сезнең җанисәбегез, дур-дом. Былтыр кыстырды диеп, кычкыралар мени быел. Милләтебезне бүлеп төрле исемнәр кушканына бер гасыр була инде, әммә болар хәзер генә кычкырып әллә нинди яңа проблемалар таба торалар. Ә төп проблем - башкада.

№24 (53874) / 08.09.2010 10:51:14

Орхидушка! Как ты прочитала, так и другие читают, иншәАллаһ.
Если ты для своего будущего несчастья всерьез считаешь это бредом, то возможно другие для своего будущего счастья принимают это очень серьезно и извлекут для себя пользу,иншәАллаһ.

№23 (53873) / 08.09.2010 10:41:33

Былтыргы А. Синең сүзләреңдә тулаем булмаса да яртылаш шаяру, ирония сизелә.Чамала малай! Безгә үзара әзрәк шаярырга яраса да, Аллаһы тәгаләгә кагылышлы әйтелә торган сүзләребездә бик сак булырга тәкъдим итәр идем.

Ул Аллаһу сүбхәнәһү вә Хак тәгалә аерым кешеләр яки кавемнәрнең тәкъдире белән генә түгел, ә бәлки Җир, Кояш, йолдызлар һәм барча без күрә һәм күрми торган дөньялар белән Идарә Итүче һәм аларның язмышын тәкъдир кылучы.

Кактус! Бу язмаңдагы мәсьәләләр белән мин тулаем синең белән. Әмма дә шуны онытмыйк туганкай, мөселманның иң зур коралы - ул аның догасы.
Хәдисләрдә очратканым юк,әмма ишеткәнем бар: 70%нәтиҗә дога аркылы, ә 30% сәбәп кылып. Нәкъ шулай дип түгел, әмма шул чама дип уйлыйк.

30%ны гамәлләребезгә әйләндерсәк,беренче чиратта һәрберебез үзен Ут газабыннан коткарырга тиеш, аннары гаиләбезне, аннары милләтебезне, халкыбызны кайгыртырга тиеш булабыз. Бу мантыйк ягыннан килсәк тә шулай.Ничек инде син беренче чиратта үзеңне коткару турында уйламыйча, башкаларны коткарырга тиеш буласың.Бу Аллаһ тәгалә безнең өчен урнаштырган гап-гади тәртип бит.

№22 (53867) / 08.09.2010 10:24:57

Кактус, или сахипзамал, или нурислам, и т.д, син куптэн узен очен генэ язасын. Кто читает этот бред?

№21 (53863) / 08.09.2010 10:14:09

Кактус, ну житэр копирование белэн заниматься. Тупо же.

№20 (53861) / 08.09.2010 09:55:19

Монда Нурислам (№4) кардәш белән Фәүзия ханым (№5)бик яхшы коментлар язганнар. Бер караганда фикерләре бер-берсенә каршы килгән кебек, әмма дөреслектә алар бер-берләрен тулыландыралар. Пәйгамбәребезнең (с.г.в) хәдисен искә төшерик: "Бер сәхәбә Аллаһының илчесеннән (с.г.в) сорады: "Өйгә кереп киткәндә дөямне Аллаһыга тапшырып калдырыйммы, әллә баганага бәйләп куйыммы?". Пәйгамбәребез (с.г.в.): Дөяңне баганага бәйләп куеп, Аллаһыга тапшырып кер", диде". Һәрбер татар кешесе Аллаһыга тапшырып үзенең милләте өчен тырышлык куярга тиеш. Һәр кеше үз милләте өчен тырышлык куйсын өчен Аллаһы Тәгалә кешеләрне каумнәргә һәм милләтләргә аерды.
Ризаэддин Фәхреддин хәзрәтләре: "Өммәт, милләт өчен кайгырмый вә алар өчен хезмәт итми торган адәм, әүвәлгеләр вә ахыргыларның гыйлемнәрен тәмам күңеленә алса да, Ләүхел мәхфузны күреп укырга көче җиткән булса да, "Аллаһының ышанычлылары" исемен күтәреп йөрергә хаклы булмас", дигән иде.
Әйе, Аллаһы туры юлга чыгарыр әле дип кул кушырып утырырга ярамый, милләтне саклап калыр өчен һәр татар кешесе тырышырга тиеш, әмма Аллаһының берлеген, барлыгын танып, Аллаһы Разый булырдай гамәлләр кылып.
Аллаһы Тәгалә: "Бер милләтнең хәлен үзгәртмим, ул милләт үз хәлен үзе үзгәткәнгә чаклы", диде. Шуның өчен без үз хәлебезне үзебез үзгәртер өчен тырышлык куярга тиешбез. Аның өчен тәүбәгә килеп, Аллаһы төзегән туры юлга басып бөтен татар халкы берләшкән хәлдә хезмәт итәргә тиешбез. Аллаһы Тәгалә: "Берләшкән хәлдә арканыма тотыныгыз!", дип юкка гына әйтмәде.

№19 (53859) / 08.09.2010 09:03:56

Ул гына Ялгыз Бер Үзе тәкъдир кыла. )))))
Аның бер үзенә генә тапшырып калдыру әйбәт эш булыр микән?

№18 (53854) / 08.09.2010 00:14:11

Билгеле инде, татар булып туганбыз икән, иң хәерлесе Аллаһ сиңа биргән милләтеңдә язылу,язылып урыска кем икәнегезне танытасыгыз килгәч. Әмма иң мөһиме кабер вә ут газабыннан котылу. Чөнки кабердә татармы син, башкортмы, әллә урысмы яки гарәпме дип сорау булмаячак. Ә Аллаң кем? Пәйгамбәрең кем? Динең нинди? Шундый сораулар булачак. Аллаһ Үзенең яки фәрештәләренең ярдәмен бирмәсә, җавап бирә алуыбыз икеле.Милләтебез язмышын да бары тик Ул гына Ялгыз Бер Үзе тәкъдир кыла.

№17 (53850) / 07.09.2010 23:01:14

Эшче корт
«Энциклопедия пчеловода» ны кара, соры кортның мие, эшче кортныкына кааганда 32%ка зуррак (әллә шуңа эшләми микән?) ))))))))))) 

№16 (53848) / 07.09.2010 22:46:14

Соры кортның соры кортча инде. Эшләмичә ашап ятарга яраткач, башкорт кем дә, татар кем икәнен аерырлык та баш юк күрәсең

№15 (53843) / 07.09.2010 22:28:12

Иркә
Баш үзеңдә, кызый! атеист татар дигән милләтнең беренче членнары - төртке атаган трио! ))))))))))))))))

№14 (53841) / 07.09.2010 22:22:33

Юлчы,Яңа тарих иҗат итү бара.Режиссерлар башында шул гына. Әз-мәз экономика өчен бераз информация булыр инде.
Соры корт белән татар-башкорт мәсәләсендә тулысы белән килешәм.
Ольга да да маладис, дөресне әйтә. әле ярый атеист татар дигән милләт юк

№13 (53840) / 07.09.2010 22:14:11

переписанный
 Көчләп яздыралармы, әллә, ике арада аерма булмау сәбәпле, Башкортстанда, башкорт аталу уңайрак икәнен аңлаталар, шул сәбәбле, андагы ТӨРКИ халык, (казан татарларыннан чак кына башкачарак сөйләшүче) үзе башкорт булып языламы?
Башкорт-татар, ничек аталуына карамастан, бергә булса сакланып калачак, ә менә урыска әйләнгәннәр,"Фазылжанкендек" кебекләр, һичкайчан татар була алмаячак!

№12 (53839) / 07.09.2010 22:11:03

мин ангырага анлатыгыз эле. башкорт дип язылдын ни, татар дип, ни файда бар аннан? аны барыбер сез хэлитмисез. ул сайлаудагы кебек. процент алдан билгеле, шуны чыгаралар и все. ботен татарстандагы урыс узен татар дип атаса да барыбер урысны 40% киметеп язмыйлар. тэмам таптыгыз бер сойлэр суз.
мин узган юлы уземне чукча дип атаган идем. кабатлап кабатлап сорыйлар чукчамы дип. ышанмады бугай, нерсе язгандыр. чыгып китте.

№11 (53838) / 07.09.2010 21:59:22

күпме акча түгәләр шул җанисәпкә, нинди генә банерлар, плакатлар и т.д., сайлау бара диярсең. Шунысы кызык русча перепис, татарча җан исәп. Шулай инде кемдер тарихны күчереп яза, ә без җан саныйбыз

№10 (53837) / 07.09.2010 21:48:21

Соры корт гадәттәгечә мантыйксыз нәрсә яза.

Башкортка караганда, күпләр урыска әйләнеп бара.

Башкорт дип көчләп язалар бит.
Ә урыс дип язылу - үз ихтиярларында.

№9 (53836) / 07.09.2010 21:40:22

лихачев инде нигэ лигачев булсын
ялгыш яздым эллэ ни уйлап

№8 (53835) / 07.09.2010 21:38:46

непереписанныйтатар, "җугыйсә безнех хан күрше кабилә ханына барып просто по-человечески сөйләшсә?"

э син сойлэшу булмаган дип саныйсынмы? сойлэшулэр куп булды. хэтерлим эле, даже Лигачев йоргэн иде уфадагы коллегасы янына башкортостан татарлары турында сойлэшергэ. ну бит бесполезно. мортаза уперся. бигрэк наиф инде сез. вот бардын, кешечэ алай ярамый бит инде диден, мортаза э ярар, егетлэр, паҗалысты ди дэ, все, ботен проблема бетте де китте. куршелер белен конфронтациядэ яшэргэ ярамый. 90 елларда татарстан житекчелеге ул хакта тавыш чыгарса безде осетия-ингушетия кебек сугыш чыгарга мөмкин иде. алай булса мэскэунен кемне яклаячагы билгеле иде. аннары утырыр идең бакалы районындагы буш авылларга карап кара монда да татар яшэгэн иде бит дип уйлап утырыр идек

№7 (53834) / 07.09.2010 21:21:58

Каныктылар шул башкортларга! Башкортка караганда, күпләр урыска әйләнеп бара. Татар булса башкорт булачак, башкорт булса татар булачак! Икесенең берсе бетсә, икенчесе дә бетәчәк! Татарны башкорт дип, башкортны татар дип язып була икән, аларның икесенең бер халык икәнлегенә башка исбатлау соралмый!Татар белән башкортны аеручылар- татар өчен кәбер казучылар!!! Сез Ильминский дә булдыра алмаганны тормышка ашыручылар!!!

№6 (53824) / 07.09.2010 19:46:51

да ну, надоело уже. переписьпереписьперепись.
халыкның үзаңы юк икән - ну что, бетә димәк халкыбыз. ни хәл итәсең...

бүген ТНВ башкортостан турында дока күрсәтте. бераз карап алдым. габдрафиков утырды җылап. ну и что? җыласа да, җыламаса да, башкорт хуҗалары үзенекен итә бит. и ничо не поделаешь.
менә монда үзебезнең түрәләребезне бик яратып ялаучылар бар. менә аларга сүзем.
бу тупиктан чыгу өчен хет бер адым ясалды микән соң ул?
ну, җугыйсә безнех хан күрше кабилә ханына барып просто по-человечески сөйләшсә? ник соң алай эшләнмәде? а потому што пофиг. а потому што нефет кащать надо, не до татар тут...

№5 (53823) / 07.09.2010 18:43:49

Россиядәге халык саны алулар татарны һәрвакыт хәвефкә салган, борчыган. 19 гасыр азагында хәтта, безне тагы чукындырырга җыеналар икән, дип, татарларның бер өлеше Төркиягә дә күчеп киткән. Татар һәрвакыт бу сан алулардан бер этлек көткән һәм ул шулай килеп чыккан да.1926 елгы сан алу анкеталары буенча татарны сайлап алып, иң укымышлы, иң дини, иң хәллеләрен юк иткәннәр. Шуңа күрә ул анкеталардагы бөтен сорауларга җавап бирергә ашыкмагыз, безгә милләт графасы гына мөһим.
Ә инде милләт белән эшләү алымнарына килгәндә, ул төбәкләргә бер чыгып кына башкарыла торган нәрсә түгел. Милли үзаңны уяту, күтәрү, саклап калу өчен еллар буе татар арасыннан кайтып кермичә эшләргә кирәк иде.Без, урыслар кебек, кампанейщина белән генә нәрсәгәдер ирешмәкче булабыз. Аларның дәүләт эшли, безнең исә яхшы нәтиҗә өчен үзебезгә айлар-еллаар буе тырышырга кирәк.
Безгә бу сан алуларда урыслашу һәм башкортлаштыру нык зыян салачак. Димәк, шул юнәлештә эшләргә кирәк. Бигрәк тә Башкортстан, Чиләбе, Ырынбур, Свердловски, Курган өлкәләрендә, Пермь караенда югалтулар булуы мөмкин. Мин бу җәйдә Свердловски, Чиләбе, Курган өлкәләрендә булып, халык белән эшләп кайттым. Бу авылларда башкортлар кимендә ун ел инде даими эш алып баралар, \"Сез - башкортлар\" дип том-том китаплар чыгарганнар, аларны татар авылларында мәктәпләргә, китапханәләргә таратканнар. Татар укытучыларының бер өлеше бу кармакка капкан, теге сан алуда ук башкорт дип язылганнар. Хәзер бер барып, концерт күрсәтеп кенә аларның фикерен үзгәртеп булырмы икән? Мине Пермь краеның Барда районы татарлары да гаҗәпләндерә. Алар Казанга килеп, \"Без - татарлар\", диләр, ә халык саны алганда һәрвакыт 60-65 процент татарлар башкорт дип языла. Мин Бардага баргач, бу сорауны аларның үзләренә дә бирдем. Алар, \"Шулай гадәткә кергән инде, татарча сөйләшәбез, башкорт дип язылабыз\", диделәр. Бу икейөзле гадәтне үзгәртергә кирәк, татарларым! Хәзер бит патша заманы түгел, башкорт дип язылганга җир бирмиләр. Әллә берәр нәрсә бирәләрме?
Халык санын алганда татар дип язылу безгә алга таба Татарстан Республикасын саклап калу өчен дә кирәк булачак. Читтәге татарларны яклап, Мәскәү алдында үз таләпләребезне куйганда да кирәк булачак. Татар дип язылу милли мәктәпләр, мәчетләр, мәдрәсәләр ачу өчен дә кирәк булачак. Төбәкләрдә татарча матбугатны, татарча радио-телевидениены саклап калу өчен дә кирәк булачак. Шуңа күрә, бу эшкә җитди карарга һәм кулдан килгәнчә өлеш кертергә кирәк.

№4 (53820) / 07.09.2010 16:56:46

5-6 ел саен мәскәү кремле куллана торган җанисәп өчен артык исегез китмәсен. Бу бары тик аларның кешеләрне ялганлап куркытырга тырышып кәфер системасына иярә торган бер алымы гына.
Барыбызны да дөньяга китереп Халык кылучы, ә аннары милләт дәрәҗәсенә күтәрүче Раббыбыз Аллаһ сүбхәнәһү вә тәгалә барлыгын онытмыйк. Ә иң яхшысы һәрдаим исебездә тотарга тырышыйк һәм бу безнең гамәлебездә күренсен.Чөнки Ул барча барлыкны Халык кылган кебек,милләтләрне, кавемнәрне дә бар итә һәм Аның ышанычын акламаган сурәттә, юкка да чыгара. Коръәни Кәримнең күп урыннарында Аллаһ тәгалә бездән дә көчлерәк кавемнәр булуын һәм аларны ни өчен юкка чыгарганлыгын каты кисәтеп,кешелек дөньясыннан безгә тарихи дәрес бирә. Безгә кадәрле Халык кылынган кавемнәр- милләтләрнең юкка чыгуының сәбәбе асылда бер генә. Һәм ул бары тик Аллаһ сүбхәнәһү вә тәгаләнең безне бу дөньяга китерүенә, иман вә акыл һәм башка бик күп нигъмәтләрен бүләк итүенә исебез дә китмичә, гаепне үзебездән эзлисе, бары тик Ялгыз Бер Аллаһның Үзенә генә табынасы урында һаман һәм һаман байлыкка, хакимияттәгеләргә, бер-беребезгә табынасыбыз килә. Алар гаепле кебек,Аллаһтан гына ярдәм сорыйсы урында, күршебез, байлар яки хакимияттәгеләр гаепле кебек.Ә Аллаһ сөбхәнәһү вә тәгаләне таныйсы килмәвебез өчен, шайтан коткысына бирелүебез өчен кем гаепле соң? Алар гаеплеме әллә?

№3 (53816) / 07.09.2010 15:53:54

“татарин”, “татарка” дип языйк.)))
яздырыйк,диген абзый! безнең кулга ручка-карандаш бирелмәячәк!

Ольга Сез дә татарлар, так-что, керәшен дип яңа милләт итеп теркәләсе түгел!

№2 (53814) / 07.09.2010 15:42:05

Монда уйланырга урын бар. Пайтәхет конструкторларын гына гаепләү дөрес түгел. Шушы сайтта утыручылар безне бүлгәләргә күберәк өлеш кертәләр. Күпчелегез мөселманнарны гына татарга саный, татарлыкны дин белән бәйли. Кайберәүләр татар белән башкорты берләшергә чакыра. Үз татарына каршы булган татар белән кем берләшсен?

№1 (53813) / 07.09.2010 14:47:25

Мин бу акыру-бакыруларны аңламыйм: узган җанисәптә татар халкы төрлечә язылды: татар, татарин, татарлар, татарка, казанский татарин, булгарский татарин, астраханский татарин, мишарский татарин һ.б. - барысы да гөмүм татар исәбенә кертелеп 5,5 млн. татар санына керделәр. Бу 5,5 млн. татарның юарысы да татарин-татарка дип яздырмадылар бит, әммә халыкны бүлмәделәр. Ничек язылсаң да барыбер татар санына керерсең.

Урыс һәм казак - төрле милләтләр булыр иде, чөнки русский казак түгел бит ул, һәм башкорт белән татар да - төрле, чөнки татар дигән сүз юк. Мишәр - башка милләт, ә мишарский татарин - татарга карый. Булгарин - башка милләт, ә булгарский татарин - татарга янәдән. Татар нинди булмасын ла - барыбер татар итеп исәпләнер.

Уф. Паникерлар...

▲ Өскә

www.work-zilla.com

Матбугат-инфо
Матбугат.ру
Ватаным Татарстан
Шәһри Казан
Бердәмлек
Рәшит Ваһапов фестивале
Камал театры
Тинчурин театры
Татар дәүләт филармониясе
Барс-Медиа
Ирек мәйданы
Татарстан яшьләре
Кариев театры
Идел
Өмет
Татарстан Язучылар берлеге
Татарстан китап нәшрияты
RAFINA/D
Милли Музей
Фирдүс Тямаев
Шаян
Татаркино
Ханский дом
Балмай
Раяз Фасихов