Татар филармониясендә “Рөстәм Яхинның 100 романсы” концерты узачак

Татар дәүләт филармониясендә Татарстанның атказанган артисты Владимир Васильев җитәкчелегендәге Филармония музыкаль-әдәби лекториеның Рөстәм Яхинның тууына –100, коллективның оешуына –75 ел тулуга багышланган яңа проекты кысаларында “Рөстәм Яхинның 100 романсы” концерты узачак.

Программада Р.Яхинның танылган «Сандугач», «Ышанам», «Күңелемдә яз», «Оныта алмыйм», «Шекспирның 109нчы сонеты» әсәрләре һәм сирәк яңгырый торган романслары яңгыраячак.

Концертта Россиянең атказанган, Татарстанның халык артисты Георгий Ибушев, Татарстанның халык артисты Роман Чуйнов, Татарстанның атказанган артисты Владимир Васильев, Татарстанның атказанган артисты Ригина Вәлиева, Гөлнара Байназарова, Оксана Шәйдуллина, Дмитрий Босов, Алиса Мамина, Сергей Беляков, Ильяс Камал, Дарья Леванова катнашалар.