Гүзәлем: «Өйдә утыра торган хатын-кыз түгел мин»

 

- Казанда, яңа җырым “Бас әле”гә клип төшерергә әзерләнәбез. Клипны бер көндә дә төшереп була. Ләкин аңа әзерлек —  локацияләр табу, образны әзерләү берничә көнгә сузыла. Салават бу мәсьәләгә бик җитди карый. Авылда биючеләр белән төшерәчәкбез. Күңелле килеп чыгарга тиеш,  карамый калмагыз.

 

 

- Әйе, кибетләр барлык шәһәрләрдә дә ачылды. Бар тәлапләрне үтәп,  саклану чараларын тиешенчә башкарып эшлибез. Сатучылар белән аралашып, аңлатып, хәлләрен белеп торабыз.

 

 

- Концертлар, тамашалар булмагач иҗат эше бераз тукталып торды. Ә менә бизнес ягыннан онлайн форматка күчеп отышка да чыктык әле. Кешеләр онлайн гына алуга күчте, ияләштеләр дә. Хәзер кибетләр ачылса да онлайн заказлар күбрәк. Шуңа сайт ясыйбыз, Россиянең барлык төбәкләрендә дә алу мөмкинлеге булачак. Ә иҗатка килгәндә, яңа җырлар әзерләдек. “Җаным-җанашым” клибының монтажын эшләдек. Гомумән, бу чикләүләрнең уңай якларын да тойдык без.

 

 

- Өйдә вакытта сторислар күбрәк төшерелә шуңа шулай кебек ул (көлә). Бизнес буенча йөрергә кирәк була, аларның 70-80 проценты сториска эләкми. Язылучыларыма өйдә нишләвем, кайдан нәрсә алуым кызыграк бит шуңа ул вакытта сторислар күбәя. Ике көн өйдә генә булырга туры килсә, каядыр барып, нәрсәдер эшлисе килә башлый. Өйдә утыра торган хатын-кыз түгел мин. Ә болай өйдә ятмыйм, эшебез андый түгел, гел хәрәкәттә булырга кирәк.

 

 

Көн саен төрлечә. Гадәттә, Салават иртәнге ашлар әзерләп, 7дә чыгып китә, ул ишекне ябуга Мәдинә белән без уянабыз. Тәмләп ашыйбыз, җыештырам, ашарга пешерәм, Мәдинә миңа «булышып» йөри, аның белән уйнап алабыз. Анна соң кич кенә әтисе кайта. Көннең ничек узганын сөйләшеп, кичке аш ашыйбыз. Ә инде иҗат белән бәйле эшләр, проблемалар булса, бергә хәл итәбез.

 

 

- Өйдә торсам, пешерәм. Инсатаграмда рецептлар белән дә бүлешәм. Көн дә пешерергә теләгем юк. Ә пешерсәм, чын күңелдән, рәхәтләнеп пешерәм.

 

 

Мин пешергәннең барысын да ашый. Беркайчан да “Мин моны ашамыйм, пешермә”, “Миңа бу ошамый” дип әйткәне дә булмады.

 

 

Бик яхшы (көлә). Аллага шөкер 7 ел бер-беребезне аңлап, хөрмәт итеп яшибез. Алга таба да шулай булсын.

 

 

- Хатын-кызга булган мөнәсәбәте. Ул миңа гел матур сүзләр әйтеп тора, канатландырып җибәрә. Мин аның янында дөньядагы иң матур хатын (көлә). Ул мине шулай күргәнгә үземне патшабикә кебек хис итәм. Салават миңа шул рәвешле үз-үземә ышаныч һәм көч бирә. Андый сүзләр ишеткәч тагын да матурланасың бит. Әллә нинди бүләкләр ясый, көтмәгәндә чәчәкләр күтәреп кайта. Аның миңа тавыш күтәргәне, ничек тә булса кимсеткәне юк. Аллага шөкер шушы көнгә җитеп талашканыбыз да юк. Тышкы кыяфәтем һәм эчке халәтемнең шундый булуында Салаватның да өлеше зур. Әти-әнисенә шундый тәрбия биргәннәр өчен зур рәхмәт!

 

 

- Мәхәббәт. Ир һәм гаилә хатын-кыз тормышында иң мөһиме. Мин моны гел әйтеп киләм: хатын-кыз тормышында ир беренче урында булырга тиеш, аннан соң гына балалар һәм эш. Бала тапкач та мин бу сүзләремнән кире кайтмадым. Балалар үсә дә чыгып китә, ә ирләр янда кала, шуңа күрә ирләр белән яхшы мөнәсәбәттә булу мөһим.  Балага нык игътибар биреп, гел бала дип яшәсәң, аның иркә булып үсүе дә бар. Үскәч тә синнән ярдәм өмет итеп шәхес буларак формалашмый калуы мөмкин.

 

 

- 1 яшь тә 7 ай. Үсәбез. Хәзер тагын да активлашты.

 

- Ул безнең гаиләдәге бөтен кешегә дә охшаган (көлә). Әтисенә дә, миңа да, туганнарга да – беркем читтә калмаган. Җырларга, биергә ярата. Безнең җырларны тыңлый, сәхнә артында безгә кул чабып тора. Эшебезне, кәефебезне аңлый, үскән саен күбрәк игътибар тәлап итә.

 

 

- Бу хакта уйламаска тырышам. Күз тию әти-әниләрдән диләр бит. Инстаграмда мин чын күңелдән үзебезнең шатлыклы мизгелләр белән бүлешәм. Кеше аңа сокланып кына карыйдыр дигән өметтә.

 

 

- Миңа 170 меңнән артык кеше язылган. Сторисларны көненә 40-45 мең кеше, ә кызыклы видеоларны 80-90 мең кеше карый.

 

 

- Авыр түгел. Мин бәләкәй чактан ук сәхнә турында хыялландым. Балачактан ук танылган кеше буласым килә иде. Матурлык өләшү, кешеләргә ниндидер файда китерергә теләдем. Үземнән соң ниндидер яхшылык – үрнәк алырлык әйбер булсын дип тырышам. Җырларыбыз, гамәлләребезнең мәгънәле булуын телим.

 

 

- Кайбер чакта кәеф төшә. Башта һәрберсенә җавап та яза идем. Соңрак мин бөтен кешегә дә ошый алмавымны аңладым, игътибар итмәскә өйрәндем. Сөйләсеннәр. Кемдер минем намазга басуыма сокланып карады, ә кайберәүләр: “Син болай дөрес эшләмисең!” — дип язды.

 

 

- Юк. Заманасы шундый бит аның. Бөтен эш телефон, интернет белән бәйле. Мин хәзер инстаграмда күбрәк эш буенча утырам. Минем клиентларым инстаграмымннан килгән кешеләр. Йотамы ул, йотмыймы, белмим, ләкин ул безнең яшәеш инде. Йота дип инстаграмны да ташлый алмыйм,  танылган кешеләргә исем өстендә эшләргә ярдәм итә ул.