Рөстәм Закиров улын армиягә озаткан

Айрат Рөстәм улы Закиров И. В. Әүхәдиев исемендәге Казан музыка көллиятендә белем алган. Үзен төрле спорт өлкәләрендә сынап карый: профессиональ футбол белән шөгыльләнә, шуңа өстәп йөзү түгәрәгенә йөри, өстәл теннисы һәм хоккей белән мавыга. Шулай да тормышында иң әһәмиятле шөгыль булып музыкаль инструментларда уйнау тора. Бигрәк тә ул фортепиано һәм саксофонда яратып уйный Айрат. Узган ел "Мәгариф" журналы егет белән кызыклы интервью әзерләгән иде. Шуны исегезгә төшерәбез:

 

– Саксофонда уйнаучыларны беренче тапкыр телевизордан күреп алдым. Миңа бу үзенчәлекле һәм сирәк күренеш булып тоелды. Күңелдә кызыксыну хисе уянганны белгәч, беренче укытучым А. А.Калашников әлеге инструмент белән якынрак таныштырды. Ул өйрәнү өчен нәрсәдән башларга кирәк икәнлеген һәм саксофонга кагылышлы теория нигезләрен аңлатты.

 

– Минем дәресләр озын ноталар өрдерүдән башлана. Иң элек гаммаларны, ә аннан үземнең классик программаны ятлыйм. Хәзерге укытучым Ю.Ю.Терехов миңа юнәлеш күрсәтә. Репетициягә көненә 4 сәгать багышлыйм. Ошаткан мелодияләрне тиз үзләштерә алуыма бик шатмын. Минемчә, бу миңа кызыксыну хисе зур булганга күрә җиңел бирелә.

 

 

–  П. А. Женинның «Венеция карнавалы».

 

 

– Унсигез яшемә җитеп, әлегә бу хакта уйланганым булмады. Бәлки вакыт җитеп сәхнә мине үзенә җырчы буларак тартыр. Тик әлегә күңелемә яткан музыкаль инструментта – саксофонда уйнавым белән бәхетлемен.

 

 

– Мин республиканың атказанган артистын Фирдүс Тямаевны әйтер идем. Аның һәр чыгышы күңеләрне күтәрә, биисе килә башлый. Чөнки аның үзеннән энергия ташып тора. Мин аның белән шәхси таныш булганга күрә, аны тормышта да әйбәт кеше икәнен әйтә алам.

 

 

– Минем эш өлкәсеннән түгел ул. Канадада хоккей уенчысы – Коннор Макдэвид.

 

 

– Әйе. Габдулла Тукай исемендәге Татар дәүләт филормониясе, Салих Сәйдәшев исемендәге Дәүләт Зур концерт залы, УНИКС концертлар залында уйнарга туры килде. 14 декабрь Пирамида мәдәни-күңел ачу комплексында Болгар Радиосы премиясен тапшыру чарасы узачак, шунда җырчы Рифат Зарипов белән чыгыш ясыйбыз.