ГАЛИ ВӘЛИЕЧ, ХЕЗМӘТ ХАКЫ КАЙЧАН БУЛА?

Гыйнвар:

– Ярты гыйнвар каникул. Кайдан алыйм мин сиңа акча?

Февраль:

– Кыш салкын килде бит. Бөтен акча котельныйда.

Март:

– Америкада әнә кризисның икенче дулкыны ди. Әллә безгә дә килмәс дисеңме?

Апрель:

– Чәчүгә әзерләнәбез, йөрмәле аяк астында буталып!

Май:

– Җиңүнең 65-еллыгын үткәрмиче, зарплата бирү юк.

Июнь:

– Нинди Сабантуйга тагын? Аны хәзер без түгел, спонсорлар үткәрә. Шулардан сора.

Июль:

– Корылык бит, брат! Ачлык килмәсә ярар иде дип торабыз. Ә син үзеңне генә кайгыртасың.

Август:

– Сувениритет көненә акча җыярга куштылар. Бу айны гына түзегез инде.

Сентябрь:

– Реорганизация үтеп йөрибез әле. Иртәгә килерсең.

Октярбь:

– Районара семинар кереп чыкмакчы икән авылыбызга. Шуларны ашатасы бар.

Ноябрь:

– Бүген гороскоптан әйттеләр: бу айны акча белән мавыкмаска кирәк ди.

Декабрь:

– Безнең якларга да инвестор килә икән. Сагынырсыз әле мине!