Йорт төзелеше бюджетын санап чыгаруда "Ханский дом"нан киңәшләр

Элек барча халык шәһәргә ашкынса, ничек тә бер бүлмәле булса да, фатир сатып алырга хыялланса, хәзер исә шәһәрдән качу, ничек тә шәһәрдән ераграк торуны сайлаучылар күп. Аеруча, күп еллар кысан фатирларда яшәгәннән соң, шәһәр читендә үз йортын салып керү турында хыялланмаган кем бар икән? Кемдер чиста һава, балаларга тыныч ишегалды эзләп йорт салса, кайберәүләр үз яшелчә бакчасы турында хыяллана, күпләр зыянчыл, шау-шулы күршеләрдән качып, мәстәкыйль булып яшәргә теләп, үзенең шәхси йортын булдыра.

Әлбәттә, шәһәр читенә күченү алга күп шартлар куйса да, йорт салу әзер фатирга кереп утыру кебек җиңел эш булмаса да, үз өен салып, аерым хуҗалык булып яшәүчеләрнең зарланганнарын ишеткән юк әле, киресенчә, үз йортларында яшәүчеләр саны арта гына. Бу исә йортмы, фатирмы дигән сайлау алдында торганда үзеннән-үзе әйтеп торган факт. 

Шул нисбәттән, “Ханский дом” төзелеш оешмасы нинди йорт салырга дип баш ватучыларга төрле проектлар тәкъдим  итә. Бәясе, мәйданы буенча төрле ихтыяҗны кәнагатьләнерә алырлык проектларга бер күз салуга ук гашыйк буласың. Бигрәк тә, яз җиткәндә, җәй, бакча сезоны, табигатькә чыгу чоры якынлашканда...