15.02.2020 Әдәбият

Әмирхан Еникигә истәлек тактасы ачу тантанасында Минтимер Шәймиев: "Без эшлисе эшне башка кеше эшләмәс"

Казанда танылган язучы Әмирхан Еникигә истәлек тактасы ачылды. Тантанада Татарстан Дәүләт киңәшчесе Минтимер Шәймиев, республиканың мәдәният министры Ирада Әюпова, язучылар, артистлар катнашты.

- Без данлыклы шәхесләребезне һәрвакыт яхшылап әзерләнеп, аларның юбилейларын зур докладлар белән жәмәгатьчелекне жыеп халкыбызга житкерә идек. Хәзер ничек житкерергә, яңа формаларны да файдаланып, ижади оешмаларны берләштереп, барлык юбилейларны эзгә салып, халкыбызның исендә калырлык, аларга игътибарыбызны, рәхмәтебезне әйтергә мөмкинлек табарга тиешбез, - ди Минтимер Шәймиев чыгышында.

Аның фикеренчә, бүгенге көндә заман никадәр катлаулы булмасын, эзлекле итеп эшләргә тиешбез.

- Уку йортлары, фәнни-тикшеренү эшләре, язучылар берләшмәләре бар, барыбыз бергә оешып, шулай итеп алып барырга тиешбез. Без эшлисе эшне башка кеше эшләмәс. "Саз чәчәге"ме, башка хикәяләре күңелләрне тетрәндерә торган. Безгә бу мирасны алга таба да саклап, дөрес бәһа бирү, - диде Дәүләт Киңәшчесе.

"Матбугат.ру"да алдан хәбәр ителгәнчә, мемориаль такта язучы озак еллар яшәгән йорт диварына – Казан шәһәре, Чехов урамы 53нче йорт адресы буенча урнаштырылган.

Рәсимә Галиева, "Шәһри Казан"

---
Татарстан Язучылар берлеге
№ --- | 15.02.2020