• 18.02-20.02 "Казан" бию ансамбле концерты. Камал театры, 19.00
  • 21.02 "Туган тел" әдәби-музыкаль очрашу. 15.00
  • 25.02 Ваһапов йолдызлары фестивале. Филармония. 18:30
  • 27.02 "Бәхет кошы" мюзиклы Әтнә дәүләт театры. Казан. "Әкият" курчак театры сәхнәсе. 18.30
  • 28.02 "Туган тел" телеканалы концерты. Казан. Филармония. 18.30.
  • 02.03-04.04 Фирдус Тямаев "Җиде малай идек". Уникс. 17:00
  • 02.03-07.03 Фирдус Тямаев "Җиде малай идек". КСК "Уникс"
Туган көннәр
  • 16 Февраль Рузилә Сафина
  • 16 Февраль Гакыйль Сәгыйров (1938-2009)
  • 16 Февраль Люция Шәрәфиева
  • 16 Февраль Алексей Морозов
  • 16 Февраль Фәнзаман Баттал (1939-2015)
  • 17 Февраль Айгөл Хәйруллина
  • 17 Февраль Галимҗан Баруди (1857-1921)
  • 17 Февраль Айрат Фаррахов
  • 18 Февраль Константин Глазачев
  • 18 Февраль Фуад Халитов (1909-1981)
  • Лаеш, Имәнкискә. Үгез ите сатыла: ботлап та, өлешләп тә. Телефон: 89178754552
  • Казанда Мавлютова тукталышында тулай торакта 13 кв.м булмэ сатыла. 89274718157
  • Восстание остановкасында тулай торакта 21 кв.м булмэ озак вакытка арендага бирелэ.Булмэдэ жылы,салкын,душевая кабина,кер юу машинасы,электр плитэсе,телевизор,ике йокы урыны,ош остэле,кухонный гарнитур,шкаф,суыткыч бар.Тулэу бер айга 12500 (бу суммага квартплата кергэн) 89393937375
  • Казан яна матур туй сондыгы сатыла. т.89655808912
  • Лаеш районынынң Бимә авылында 2015 елда төзелгән, бүген үк кереп яшәрлек йорт сатыла. Ашыгыч. Ике катлы, бростан, тышланган. Газ, су, канализация үздырылган. ике контуралы котел, салкын һәм кайнар суларны бирә. Мунчага өйдән генә чыгасы. Зур гараң, погреб Җире 6 сотый. үсентеләр утыртылган. Шалтыратыгыз, алыгыз. 8 917 279-10-83
  • Авиатөзелеш районында тулай торактан 13 кв. м. (фатир статусы) бүлмә сатыла. Янәшәдә 3 балалар бакчасы (берсе ишегалдында), мәктәп, метрога кадәр 10 минутлык юл. 200 метрда Максимово тукталышы. Барлык җиһазлар һәм кер юу машинасы кала. Тел.: 8-937-289-18-63.
  • Казанда ирлэр өчен куртка сатам, кара тестэ 50-51 размер, яна. 4 менгэ сатыла 89179275753
  • Мэжлеслэргэ мантыйлар, шаурма,Кош-теле, бавырсак,чэк-чэк,пироклар,ойдэ киселгэн токмачлар, муравейник, Пицца,Балеш,Тортлар,катлитлэр ясап бирэбез.89393307899
  • Казанын Оренбургский трак урамында урнашкан тулай торакта 12 кв.метрлы булмэ сатыла. Тулай торак остановкага якын.Якында гына мэктэп, поликлиникалар бар. Куршелэре тыныч, тэртипле кешелэр. Булмэдэ яхшы ремонт ясалган. Телефон: 89375777554
  • Дәүләт архивлары чыганаклары буенча шәҗәрәләр төзим. Шәҗәрәҗәге барлык фактларны архив документының фотокопиясе белән раслыйм. Бу өлкәдә эш тәҗрибәм 6 елдан артык. Тел./Ватсап: 8–917–874–16–40 Tongekuk@gmail.com Дамир Шәйхетдин. Чаллы

 

 
Архив
 

16.04.2018 Юмор

Чирең тотса якаңнан... (УЕНЫ-ЧЫНЫ БЕРГӘ)

Хәзер күбебез берәр әгъзасы авырта башлауга табибка чыгып йөгерми, ә интернеттан “киңәш” сорый. Ә монда, мин сиңа әйтим, барысы да бәйнә-бәйнә язылган! Шунда язылган даруларны эчә-эчә эшләр тәмам хөртигә әйләнгәч кенә табиб эзли башлыйбыз. Чирләр күп төрле булган кебек, табиблары да бихисап төрле бит аның! Кайсы нәрсәне дәвалыйдыр... Шаярып кына барлап карыйк әле үзләрен.

Отоларинголог. Шунысы аптырата: болар һаман исемнәреннән канәгать түгел! Элек аларны гап-гади итеп “ухогорлонос” дияләр иде, без дә кемгә барганыбызны белеп бара идек. Юк бит, болар үзләрен лор-врач дип йөртә башладылар. Тик ул гына җитмәде, кешеләр аларның яңа исемнәрен логопед ярдәменнән башка әйтә алмаганлыктан, логопедлар белән берләшеп, отоларингологка әйләнделәр.

Стоматолог. Боларын да гади генә итеп теш врачы дия идек. Үзләренең иң куркыныч табиб икәнлекләрен бераз йомшарту ниятеннәндер инде, үзгәрттеләр исемнәрен. Ярый әле авызда 32 генә теш бар, югыйсә каян акча җиткерер идең боларга?
 
Акушер. Медицинада иң нык хөрмәт ителүче табиб, чөнки ул башка табибларны эш белән тәэмин итә. Ягъни, кешеләр дә үрчи, авырулар да...
 
Проктолог. Медицина ничек кенә алга китсә дә боларның урыны һаман шунда, артта.
 
Иммунолог. Менә ичмасам ялкау врач! Үзенең бөтен эшен сезнең организмга кайтарып калдыру остасы бу!
 
Кардиолог. Бу белгечтә бернинди хистойгы юк бугай. Кешеләр елый-елый йөрәк турында җырлар тыңлаганда моның сыңар төге дә селкенми!
 
Травматолог. Бу табиблар бозлавыкны һәм, шахматтан кала, бөтен спорт төрләрен дә яраталар.
 
Фармаколог. Башка табиблар безнең организмны кирәксез нәрсәләрдән арындыру белән мәшгуль булсалар, болар шуларны дыңгычлап тутыру ягында.
 
Токсиколог. Эш белән тәэмин ителешләре фармакологларга бәйле. Тегеләр ничек тырыша инде...
 
Вирусолог. Бик аралашучан табиблар. Дуслары вак булса да, миллионнарча һәм алар секунды-минуты белән үрчи.
 
Эпидемиолог. Бөеклек маниясе йоккан вирусолог – эпидемиолог дип атала.
 
Ревматолог. Сезнең аңа комыгыз коела башлагач кына йомышыгыз төшәчәк. Дәвалауның нәтиҗәсе булмауда да ревматологны түгел, үз “комыгызны” гаепләгез, күгәрченем.
 
Сексопатолог. Бу врачка йомышыгыз төшмәсен, берүк!
 
Сексолог. Сексопатологның нәкъ тискәресе. Сексопатолог сезгә эшегезнең хөртилеге турында сөйләсә, сексолог исә, рәхәтлеккә ирешү юлларын өйрәтә.
 
Уролог. Тегеләрдән аермалы буларак, бик тар карашлы доктор. Сезнең “ирлек горурлыгыгыз”ның бары тик тискәре эшчәнлеген генә күрә.
 
Дерматолог. Нәрсә “хи-хи”? Һич кенә дә сез уйлаган нәрсәдән алынмаган бу врачның исеме. Ул иң кирәкле дә, иң бәхетсез дә белгеч. Ни өченме? Унитаз тирәсендә яки идән чүпрәге җитмәслек урыннарда нинди хәшәрәтләр яшәгәне сезгә кызыкмы? Ә ул мескен шундый хәшәрәтләрнең һәрберсен йөзгә танырга тиеш.
 
Анестезиолог. Сез авыртуны сизмәсен өчен тырышучы. Кайчак ялгыша икән – бу бары тик яхшылыкка гына, чөнки сез башка беркайчан да берни дә сизмәячәксез.
 
Хирург. Аны сапер белән тиңләргә була, сапер кебек үк хирург та бары бер генә ялгыша. Дөрес, сапер үз гомерендә бер тапкыр ялгыша, ә хирург – сезнең гомердә.
 
Гинеколог. Ир затлары бик кызыга торган һөнәр ияләре. Имеш, гинекологның кулы җылыда, акчасы кесәсендә. Янәсе, хатын-кызның иң кызыклы җирләрен көн дә күрәләр. Ә бу мескеннәрнең пациентлары башка коллегаларыныкыннан ике тапкыр азрак икәнен уйлап та карамыйлар.
 
Невролог. Боларның сүзенә карасаң, башка докторларның бөтенләй кирәге юк. Баксаң, бөтен авырулар да нервыланудан, ди. Төп дәвасы – “нервыланмагыз!” диюендә. Ләкин ул да, сезнең кебек үк, моңа ничек ирешергә икәнен белми.
 
Аллерголог. Монысы исә бөтен Җир шары халкы үз пациентлары икәненә инанган. Шуңа да аның төп бурычы – сез качып өлгергәнче берәр ни-нәрсәгә аллергиягезне табу.
 
Пульмонолог. Тартуны ташласаң бөтен чирләр дә үзеннән-үзе бетә дип киңәш итүче коллегаларын хупламаучы бердәнбер врач.
 
Терапевт. Табибтан бигрәк менеджерны күбрәк хәтерләтәләр. Чөнки сезне үзе ничек дәваларга белмәсә, шалт кына башка докторларга җибәрә ул. Ярый ла тегесе белсә...
 
Нарколог. Нык көнче табиблар, чөнки кешене тормышындагы соңгы ләззәттән мәхрүм итәргә телиләр.
 
Судмедэксперт. Кемнедер дәвалаган кыяфәт тә чыгарып тормаучы бердәнбер врач.
 
Патологоанатом. Иң югары квалификацияле врач, чөнки сезнең нәрсәгез авыртканын төгәл ул гына белә. 

---
Татарстан яшьләре
№ --- | 16.04.2018
Татарстан яшьләре печать

 
comments powered by HyperComments

Фикерләр

▲ Өскә

Матбугат-инфо
Матбугат.ру
ТНВ
Addnt.ru
Ватаным Татарстан
Шәһри Казан
Бердәмлек
Рәшит Ваһапов фестивале
Urazova.ru
Камал театры
Тинчурин театры
Татар дәүләт филармониясе
Барс-Медиа
Ирек мәйданы
Татарстан яшьләре
Кариев театры
Идел
Өмет
Диләфрүз
Татарстан Язучылар берлеге
Түгәрәк уен
Татарстан китап нәшрияты
RAFINA/D