• 02.03 "Ваһапов фестивале йолдызлары" концерты. Казан. Тукай исемендәге филармония. 18:30
  • 06.03-11.03 Фирдүс Тямаев концерты. Казан. Уникс. 18:30
  • 18.04 "Дуслык күпере" фестивале. Казан. Пирамида. 19:00
Туган көннәр
  • 24 Февраль Алсу Гайнуллина
  • 24 Февраль Рәшит Сафиуллин
  • 24 Февраль Сәгыйть Рәмиев (1880-1926)
  • 25 Февраль Әнәс Тумашев
  • 25 Февраль Люция Галләмова
  • 25 Февраль Райнур Әгъләметдинов
  • 25 Февраль Дилә Мөхәррәмова
  • 26 Февраль Ганс Сәйфуллин
  • 26 Февраль Гөлзада Бәйрәмова
  • 27 Февраль Шәриф Камал (1884-1942)
  • Актаныш, косметика сатыла (тональная основа, духи, помада орифлеймныкы жордани голд) 89625646471
  • Актаныш. Булмә сдавать итәбез. 89625704993
  • Биектау районында яңа ике булмәле фатир арендага бирелә. Тел. 89179083892
  • 1 булмәле фатир арендага бирелэ, (1 булмәдән ике булмә ясалган) Казан, Ноксинский спуск. телефон 8 93 97 32 14 54
  • Казанда, Ноксинский ур, д.1 (Ломжинский остановкасында) 1 булмәле фатир, сдаю. 89397321454
  • Сибирское здоровье продукциясенә заказлар кабул итәм: 89274069175 ватсапка языгыз!
  • Казанда, Адоратский урамында, 1 бүлмәле фатир арендага бирелә. телефон: 89063204796
  • Казлар сатыла. Кг. 400 сум. Казанга китереп бирү мөмкинлеге дә бар. (Балтач) Тел.: 89874232810
  • Казанда көн саен туләнелә торган эш эзлим 89274412220 Илнар
  • Агачтан йортлар төзим. 89375940188

 

 

 

 
Архив
 

               

06.02.2018 Җәмгыять

Әниләргә ял өстәмәкчеләр. Кемгә тәтер?

Бүген илдә яшәүче хатын-кызларны бәби табарга ничек кенә үгетләп карамыйлар. Әле узган ел ахырында гына әниләргә бер кочак ярдәм чаралары тәкъдим иткәннәр иде. Менә тагын бер яңалык – илдә бала карау чорын озайтмакчылар. Дөресрәге, пенсия исәпләү өчен иминият стажына кертелүче вакытны бер ел ярымнан өч елга кадәр җиткерергә тәкъдим иткәннәр. Пенсия кемгә һәм кайчан артачак?

Күктәге торнага кызыкканчы, иң элек, кулдагы акчаны исәпләп карыйк. Билгеле булганча, декрет ялына ике төрле отпуск керә. Аның беренчесе – йөклелек һәм бала табу буенча исәпләнә. Ха­тын-кызга нарасый дөньяга кил­гәнче 70 көн алдан һәм, сабый тугач, тагын 70 көн ял бирәләр. Әлеге вакыт өчен социаль пособие берьюлы түләнә. Шунысы да бар: йөк­лелек һәм бала табу буенча ял фәкать әниләргә генә исәпләнә. Моннан соң, нәнигә өч яшь тулганчы, бала карау буенча ял алырга мөмкин. Соңгысын әнигә генә түгел, әтигә яки әбигә дә бирәләр. Бишектәге бәбине кем карый, шул дәүләт ярдә­меннән файдалана. Бу очракта пособие балага яшь ярым тулганчы түләнә. Өйдә утырган өч ел хезмәт стажына керә, әмма иминият стажына шуның ел ярымы гына эләгә. Ник дисәң, балага яшь ярым тулганнан алып, өч яшькә кадәр сабыйны караган өчен акча түләү каралмаган. Хәзер әнә шул вакытны пенсия исәпләү өчен иминият стажына кертергә тәкъдим иткәннәр дә инде.
 
Закон проекты авторлары фикеренчә, бүген илдә нәниләр төркемнәре булган балалар бакчалары бик аз. Рәсми мәгъ­лү­матларга караганда, соңгы егерме елда мондый бакчалар саны ике тапкыр кимегән. Яшь әни эшкә дә чыга алмый, аңа пенсия дә исәп­ләмиләр. Хәер, лаеклы ялга да тиз ге­нә китәм димә! Башта балл җыяр­га кирәк. Инде хәбәр ит­кәнебезчә, 2015 елгы пенсия реформасыннан соң, пенсияне балларда исәп­ли башладылар. Һәр­бер эшләгән ел пенсия баллары белән бил­геләнә. Ул эш бирүче түләгән иминият кертемнәре (взнослары) кү­лә­менә һәм хезмәт хакына бәйле. Хезмәт хакы күбрәк булган саен, балл да күбрәк. Мәсәлән, булачак пенсионерларга пенсиягә чыгу өчен 30 балл кирәк булачак. Бала тәрбияләүче хатын-кызларга исә баллар, канун нигезендә билге­лән­гән күләмдә, сабыйга яшь ярым тулганчы гына исәпләнә. Шунысы да бар: ничә бәби алып кайтсаң да, “өйдә утырган өчен” балл исәпләүнең гомуми вакыты алты елдан артмаска тиеш. Кыскасы, баллар дүрт сабый белән өйдә утырырга җитәчәк. “Илдә туучылар санын арттырырга телибез икән, пенсиягә бәйле канунга үзгәрешләр кертергә кирәк, – ди­гән депутатлар. – Социаль түләү­ләр алу өчен кирәкле иминият стажын эшкә чыгып тү­гел, ә бер-бер артлы бала табып кына тупласыннар”. Хәзер закон проектын Дәүләт Думасында тик­шерәчәк­ләр.
 
Тик картлык көнендә пенсияне күрү бәхетенә ирешкәнче, итәк тулы бала-чаганы бүген үстерәсе бар. Яшьләрне күбрәк соңгысы борчый, ахры. Росстат мәгълүмат­ларына караганда, соңгы ун елда илдә туучылар саны иң түбән чиккә төшкән. Хатын-кызлар әни булырга ашыкмый. Ил күләмендә әни булучыларның уртача яше 26га җиткән. 1990 нчы еллар белән чагыштырганда, тәү­ге тапкыр бәби бишеген тир­бәтүчеләр биш яшькә олыгайган, ди белгеч­ләр. Гаиләдә беренче һәм икенче сабый арасындагы яшь аермасы артуын да искәрт­кәннәр. Элегрәк ике-өч ел эчендә балага эне-сеңел “бүләк итсәләр”, хәзер әлеге күр­сәткеч биш елдан да артып киткән.
 
P.S. 1 февральдән федераль ташламага ия гражданнарның пен­сияләре 2,5 процентка артты. Әлеге исемлеккә Бөек Ватан сугышында катнашканнар, сугыш инвалидлары, физик яктан мөм­кин­лекләре чикле балалар; I, II, III төркем инвалидлар, Ленинград блокадасында катнашканнар, Советлар Союзы Геройлары, Социалистик Хезмәт Геройлары һәм башкалар керә. Татарстанда шундый ташламаларга ия 340 меңгә якын кеше исәпләнә. Уртача керемнәренә карап, пенсионерларга юл өчен айлык түләүләр бирелә. Татарстанның Хезмәт, халыкны эш белән тәэмин итү һәм социаль яклау ми­нис­трлыгының матбугат хезмәтеннән алынган мәгълүматларга караганда, пенсионерның уртача айлык кереме 25 мең сумнан арткан очракта, юл өчен – 90 сум, керем 20-25 мең сум булганда – 180 сум, 20 меңнән азрак булганда 466 сум түләү каралган. Февральдән айлык түләүләр составына кергән социаль түләүләр җыелмасы да 1 мең 75 сумга җитте.

Эльвира ВӘЛИЕВА
Ватаным Татарстан
№ --- | 05.02.2018
Ватаным Татарстан печать

 
comments powered by HyperComments

Фикерләр

▲ Өскә

Матбугат-инфо
Матбугат.ру
ТНВ
Addnt.ru
Ватаным Татарстан
Шәһри Казан
Бердәмлек
Рәшит Ваһапов фестивале
Туган як
Камал театры
Тинчурин театры
Татар дәүләт филармониясе
Яңарыш
Барс-Медиа
Ирек мәйданы
Татарстан яшьләре
Идел
Gong-TV
Бөтендөнья татар яшьләре форумы
Себерке
Өмет
Диләфрүз
Татарстан Язучылар берлеге
comments powered by HyperComments