"Акыллы Казан" балаларны яңа проектта катнашырга чакыра

"Акыллы Казан" ("Умная Казань") проекты яңа медицина уен-программасын тәкъдим итә. Кем әйтмешли, күптән кулга скальпель алган юк иде. "Дәвәлау эше" дигән программа 27 һәм 28 гыйнварда, 3 һәм 4 февральдә узачак. 7 яшьтән алып 15 яшькә кадәр балалар өчен. Күбрәк мәгълүмат монда:

Балалар игътибарына өч лаборатория тәкъдим ителә. Фармацевтика лабораториясендә бирелгән рецептлар буенча дарулар ясаячаклар. Медицина теориясе лабораториясендә үзеңне табиб-диагност ролендә сынап карау һәм снимоклар, анализлар, зарлар буенча диагноз кую мөмкинлеге бирелә. Һәм, ниһаять, гамәли медицина лабораториясендә балалар тешләрне бораулый, сынган урынга шина куя һәм хәтта лапароскопия операцияләре ясый алачак. 

"Дәвалау эше" программасы "фәнни швед өстәле" форматында ясалган. Катнашучылар үзләренә биремне үзләре сайлый, үти һәм моның өчен фәнни валюта - "ябалаклар" алачак. Иң ахырда фәнни кибеттә шоппинг ясарга мөмкин: биредә "ябалаклар"ны йорт лабораториясе өчен кирәкле әйберләргә, шул исәптән медицина кирәк-яракларына алыштырып булачак.