• 17.07-31.07 Дельфинарий в Казани. Молодежный центр "АК БАРС"
  • 28.07 "VII Мунчәли-Укулары" дини җыен Чүпрәле районы Мунчәли авылы
  • 01.08-19.08 Салават. 30 сезон. Юбилей концерты. Г.Камал театры. 19:00
  • 19.08 Всемирный Гран-При Казани по пляжному теннису. "Казанская академия тенниса". 10:00
  • 30.08 "Болгар радиосы" бәйрәм концерты. Пирамида. 18:00
  • 29.09 Лилия Муллагалиеваның "Мин" концерты. Пирамида. 17:00
  • 30.10 ШТК югары лигасы. Уникс. 19:00
Туган көннәр
  • 22 Июль Сергей Давыдов
  • 22 Июль Тәлгать Галиуллин
  • 22 Июль Хәмид Мөштәри (1900-1981)
  • 23 Июль Марат Фәйрушин
  • 23 Июль Мәхмүт Гәрәев
  • 24 Июль Чулпан Закирова
  • 24 Июль Айрат Ильясов
  • 25 Июль Гүзәл Хөсәенова
  • 27 Июль Клара Хәйретдинова
  • 27 Июль Фәнил Галиев
  • 3 бүлмәле квартираның бер бүлмәсенә бергә яшәргә кызлар эзлибез. Йорт Мәскәү районында. 89270352070
  • Казанда Авиастрой районында яна йортта метро янында 1 булмэле 35 м.кв. чиста хэм якты фатир арендага бирелэ. Холодильник, савыт-саба юу машинасы, кер юу машинасы, барысыда бар. Тэртипле студентлар хэм баласыз яшь гайлэлэр очен бик унайлы вариант. Метрога кадэр 8 минут, автобус тукталышына - 1 минут. Капкалы ишек алды. 89872101001
  • Кара тостэ кулдан басылган киез итеклэр, оптом бэясе 650 сум. 89297270404.
  • Грузовой УАЗ тимер бортлы. тент. инжектор. 10000-йоргэн. 89297270404 89270389295.
  • Казан шәһәренең Вознесение бистәсендә 2 катлы йорт сатыла. 110 метр квадрат. 4 сутый җир. Җимеш агачлары. +79172308993
  • Казан шәһәре Горки метро станциясе тирәсендә барлык уңайлыклары булган 1 бүлмәле фатир арендага бирелә. Риелтор түгелмен. 89196255266
  • Актанышта 2 бүлмәле фатир сатыла телефон: 89375796644
  • Зеленодольск районы Караужа авылында 110 кв м йорт сентябрь аеннан сдавать ителэ. Ботен коммуникациялар бар, ой зур, ойдэ жылы салкын су, мунча, туалет, вай фай. Бакча 25 сот. тел 89600696970 ватцапка язарга. Тулэу бэясе 10000+счетчики.
  • Казан Гукина урамында зур булмә сатыла. Ремонт ясалган балконы бар. 89509469991
  • Туй, никах мәҗелесләренә һәм башка бәйрәмнәр өчен яңа суелган үрдәк һәм индоүрдәк түшкәләре сатыла. Шулай ук заказ буенча да суеп бирә алабыз. 1кг- 400 сум Күпләп алучыларга ташламалар. Түбән Кама, Зәй, Яр Чаллы шәһәрләренә китереп тә бирә алабыз. Тулырак телефон аша. 89872847460

 

 

 
Архив
 
17.11.2017 Матбугат

“Ватаным Татарстан“ журналисты Владимир Путинга хат язган

Хөрмәтле Владимир Владимирович, Сезгә татар телендә чыга торган гәҗитләрнең берсендә эшләүче журналист Риман Гыйлемханов хат яза әле. Сез мине, әлбәттә, белмисез. Ә мин Сезгә иң элек бөтен татар халкы исеменнән олы рәхмәтләремне җиткерәм, чөнки Сез безне яңадан йокыдан уяттыгыз.

Юкса үз-үзебездән канәгать булып, иртәге көн турында уйланмыйча, ваемсыз гына яши башлаган идек. Әле бер гасырдан артык элек тә Тукай атлы бөек шагыйребез “Уян, татар, уян инде!” дип язган. Димәк, йоклап китә торган гадәтебез  элек-электән  булган. Әмма Сезнең милли мәгарифтә тәртип салырга чакыруыгыздан соң төн йокыларыбыз качты. Бездә: “Татар телен укытуны бе­терәләр икән”, – дип сөйләнмәгән кеше калмады. Илнең милли рес­публикаларында яшәүчеләрнең дә тынычлыгы бетте.
 
Беркөнне туган ягым  Арчада тел язмышы хакында сөйләшү өчен “түгәрәк өстәл” янына җые­лып алдык. Ни өчен Арчада, чөнки милләтебез кыйбласын билгелә­гән Тукай шунда туган. Как жаль, что Сез безгә Сабан туена кайта алмадыгыз. Ярый әле, Казан Сабан туен телевизордан карадык. Сезне түбәтәйдән күргәч, татарча бер­ничә сүз әйтүегезне дә ишеткәч, инде катыктан акча эзләвегезне дә карагач, халык вообщем егылып китте. “Бу – безнең егет!” – дип шау­лаштылар. Сезнең инде таралып барган илне яңадан җыюы­гызны да халык бик зур егетлек дип санады, Сезгә бөтен ышанычын баг­лады. Тик менә соңгы вакытларда әллә ни булды. Халык: “Путин татар телен бетерергә кушкан”, – дип сөйләшә башлады. Барган бер җирдә мине дә тинте­рәтәләр. Мин үземчә тынычландырырга тырышам инде: “Владимир Владимирович ана телен укытуга  каршы түгел, ул бары тик мәгариф өлкә­сендә тәртип  урнаштырырга гына кушты”, – дип карыйм.  Берәүләр минем белән ризалаша, икенче­ләре Сезгә үп­кәли, өченчеләре: “Путин андый юлга басмас, бәлки, аның яраннары артык тырышып җибәреп, йә үз белдекләре белән шулай кыланалардыр. Прокуратура хезмәткәр­лә­ре­нең башбаштак­лыгы турында Путин мужет ваабшы да белмидер”, – диләр.
 
Сталин репрессияләре вакытында да шулай булган бит: “Юлбашчы андый юлга басмас, ул, фәлән кешене кулга алыгыз, атыгыз, димәгәндер. Сталин бу хәл­ләрне мужет белмидер дә”, – дигәннәр.
 
Сезне Сталин белән тиңләвем түгел, Владимир Владимирович, Алла сакласын! Тик менә бер нәрсәне аңлап бетермим. Моннан берничә ел элек Сез туган телне укуга, аны өйрәнүгә аяк чалуны “дурь и бред” дип бәяләгән идегез. Бүгенге хәлләр турында уйлаганда, кемнең “бредит”, кемнең “дурит” икәнен аңлый алмый  интегәм. Мин яшем буенча Сездән өлкән­рәк, бәлки, кергән акылым кире чыгар вакыт җиткәндер. Шуңа күрә һәр язганымны за чис­тую монету не принимайте, пажалысты! Мин диванага шуны аңлата алмыйлар: татар теле – дәүләт теле булгач, аны  мәктәп­ләрдә укыту мәҗ­бүриме? Икенче төрле әйтсәк, Татарстанда яшәү­челәр һәр ике дәүләт телен бе­лергә бурычлымы? Россия һәм Татарстан  Кон­ститу­цияләрендә, федераль законнарда акка кара белән язылган хокукларыбыздан файдалану – закон бозумы? “Рос­сиянең күп­милләтле халкы – безнең байлыгыбыз!” – дип горурланабыз икән, ни өчен әле бу байлыкны юк итәбез?
 
Рус теле өчен җан атуыгызга рәхмәт, Владимир Владимирович. Аның язмышы өчен без дә борчылабыз. Рус теле чүпләнә, фәкыйрь­ләнә бара, әмма моңа татар гаепле түгел дияргә батырчылык итәм. Алай гына да түгел, татарлар – элек-электән рус дәүләтчелеген ныгытуга иң зур өлеш керткән халык. 
 
Теленә килсәк, рус теле аша без бөтен дөнья әдәбияты белән таныштык. Татар өчен “ангел-хранитель” саналган шагыйребез Габдулла Тукай рус классикларын, рус теле аша чит ил классиклары әсәрләрен татарчага тәрҗемә ит­кән. Үз телен, үз халкын яраткан  кеше генә башка халыкларны, алар­ның телен, гореф-гадәтләрен хөрмәт итә ала.
 
Һәрхәлдә, мин шулай уйлыйм инде, Владимир Владимирович, а Вы как думаете, извиняйте, пажалысты?!    
 
Арчада “түгәрәк өстәл” узды дидем бит әле, менә шунда катнашкан язучылар, татар теле укытучылары да ана теле, дәүләт теле өчен бик борчылып сөйләделәр,  эшләр болай барса, безнең халыкка кирәгебез калмаячак бит, ди­ләр. Аларга ни дип  әйтергә, ничек­­ләр генә юатырга да белмим инде, Владимир Владимирович. Безне татар булып туганга үкенерлек итмәгез инде. Бүген килеп туган хәлне шәхсән үзем кемнеңдер саташуы, юләрлеге дип кенә кабул итәм. Чөнки моннан берничә ай элек Бөтенроссия матбугат кон­фе­рен­ция­сендә Татарстан журналисты сүз сорагач, Сез: “Конечно, слово дадим, куда нам без татар...” – дигәнрәк сүзләр әйткән идегез. Йөрәккә май булып яткан иде бу сүзләрегез. Хәтта шул ук көнне төнлә төшемә дә кердегез, Ар­чаның Субаш-Аты авылында (кстати, минем туган авыл) Сезнең белән пыр туздырып татарча сөйләшеп  йөрдек. Вот такие дела, Владимир Владимирович!
 
Ярый, сүзем озынга китте. Шуны гына әйтим әле: Арча халкы Сезне Сабантуйга чакырып калды.
 
Сезгә авыр, әмма мактаулы хезмәтегездә уңышлар, саулык-сәламәтлек, гаилә бәхете телим. Ихтирам белән, әлеге дә баягы Риман дип белерсез.

---
Ватаным Татарстан
№ --- | 16.11.2017
Ватаным Татарстан печать

 
comments powered by HyperComments

Фикерләр

▲ Өскә

Матбугат-инфо
Матбугат.ру
ТНВ
Addnt.ru
Ватаным Татарстан
Шәһри Казан
Бердәмлек
Рәшит Ваһапов фестивале
Туган як
Камал театры
Тинчурин театры
Татар дәүләт филармониясе
Яңарыш
Барс-Медиа
Ирек мәйданы
Татарстан яшьләре
Идел
Себерке
Өмет
Диләфрүз
Татарстан Язучылар берлеге
comments powered by HyperComments