• 25.04 Мунча ташы - "Чамаламадык". Казан. Ленин ис. мәдәният сарае. 18:30
  • 17.05 Элвин Грей концерты. Казан. Спорт сарае. 19:00
Туган көннәр
  • 25 Апрель Асия Галиева
  • 25 Апрель Тимур Акулов
  • 25 Апрель Лия Заһидуллина
  • 25 Апрель Халисә Мөдәррисова
  • 26 Апрель Ильяс Халиков
  • 26 Апрель Римма Бикмөхәммәтова
  • 26 Апрель Ләззәт Хәйдәров
  • 26 Апрель Габдулла Тукай (1886-1913)
  • 26 Апрель Илшат Хәбибуллин
  • 27 Апрель Зөһрә Сәхәбиева
  • Казан шәһәре Бертуган Касыймовлар урамы 22/7 йортта (тулай торак) 18 кв.м.лы бүлмә озак вакытка арендага бирелә. Бүлмәдә диван, шкаф, телевизор бар. Кухняда шкаф һәм өстәл һәр бүлмәнең аерым. Коридор чиста, күршеләр тыныч. Бәясе аена 10 мең. Йорт янында медучилище һәм автотранспортный техникум. Шалтыратыгыз 89274406462
  • Плитка ябыштыру. Ванна булмәсе "под ключ". Казан. Тел.89372896918.
  • Актаныш. Сатам.Костюм-чалбар, бер тапкыр да киелмәгән, 50 размер, 2000 сум, бераз киелгән, 50 размер, 1400 сум. Сатулашу – мөмкин. 8 903 318 72 87
  • Казан шәһәре Ю.Фучик урамында барлык уңайлыклары булган бүлмә арендага бирелә. (коммуналка) 89272415575
  • Мед.колледж янында урнашкан (Мавлютова, дер.Универсиада янында) 2 булмәле фатирга подселениега татар кызы эзлибез. Айга 4700 сум). 89274312228) 10 майдан күчәргә була)
  • Продам 2-ух комнатную квартиру в авиастроительном районе города Казани. Площадь 45кв метра. Цена 1950000. Есть небольшой торг. Риэлторы мимо. Собственник. 89172603269 Мунир.
  • Сезнең размерлар буенча проф.трубадан чыдам теплицалар. Кулай бәя. Апас, Кама Тамагы, Тәтеш, Буа, Кайбыч. Китереп бирү, урнаштыру бушлай. 89370049868
  • 1991 елгы т 40 АМ тракторы, арба 2 птс4 (документсыз)+ запчастьлар. Бәясе 160 000 тел.8917 224 42 79 Тукай районы
  • Тентлы яңа Газель Некст бн йөк ташыйм. Биеклеге 2.20, озынлыгы 4.20. Телефон:505-10-10. Рөстәм.
  • "Семерка" машинасы сатыла, 2007 елгы тел- 89274810123

 

 

 
Архив
 

               

12.02.2017 Мәдәният

Регина Гайсина: “Иҗатыма таләпләр артты” (ИНТЕРВЬЮ)

Сәхнәгә сәләтле яшьләрнең тартылуы, билгеле, ямьле күренеш. Барысы да зур танылу алып бетермәсәләр дә, үзләрен күрсәтеп, тамашачы белән танышып, үзенә күрә иҗади чирканчык алу да тормышта зур тәҗрибә. Телевизордан матур киенгән артистларга карап кем генә кызыкмаган икән соң?!

Үз максатына үз тырышлыгы белән юл салып баручы яшь башкаручыларны тамашачы да игътибарсыз калдырмый. Яшь җырчы Регина Гайсина да үз хыялларын бары үз көченә таянып тормышка ашыра. Регина эстрадага беренче төпле адымнарын  Башкортстанның атказанган артисты Әнвәр Нургалиев төркемендә ясады. Башкортстанның Октябрьский шәһәре музыкаль көллиятен тәмамлаган, югары дәрәҗәдәге халыкара конкурслар лауреаты булган, өметле һәм гүзәл башкаручының  яуланасы үрләре һәм үтеләсе сынаулары алда әле.

— Регина, бәләкәй вакытта ясалган фотографиядә дә син микрофон белән төшкәнсең. Шул чакта ук тормышыңның сәнгать белән бәйләнәчәк икәне билгеле идеме?
— Мин балалар бакчасына йөргән чакта ук җырлый идем. Әлбәттә, ул вакытта тормышымны сәхнә белән бәйләрмен дигән уй башыма да килмәгән, ләкин телевизорда йә булмаса сәхнәдә матур, озын күлмәк кигән артист апаларга охшатып «микрофон» тотып уйнарга ярата идем.
— Әнвәр Нургалиев төркемендә бер ел эшләргә дә өлгердең. Әлеге ел дәвамында иҗат ягыннан үсеш сизеләме?
— Әнвәр абый Нургалиев төркемендә эшләү мине чыныктырды. Үземне сәхнәдә кыюрак, иркенрәк тота башладым. Репертуарым баеды, яңа җырлар яздырдым, яңа авторлар белән таныштым һәм шулай ук сәхнәдәш дусларым күбәйде. Үз-үземә, иҗатыма таләпләрем артты. Бу ел үз чиратында миңа иҗади  яктан үсәргә, белемемне арттырырга этәргеч булды.
— Бәйрәм көннәрендә дә чыгыш ясыйсыңмы? Артист кешегә ял итәргә кайчан мөмкинлек чыга?
— Артист халыкка бәйрәм ясый, аларның күңелен ача. Иҗат кешеләренең төп үзенчәлеге дә шунда. Тамашачыларның концертларда рәхәтләнеп кул чабуы, рәхмәт әйтүләре күңелгә ял, яңа чыгышларга илһам бирә. Җырчы сәхнәдә ял итә дә инде.
— Башкортстанда да, Татарстанда да дәрәҗәле бәйгеләрдә катнашасың. Алар арасында күңелеңдә кайсы җиңүең бигрәк тә уелып калды?
— Һәр бәйгенең дә үз шартлары, үз үзенчәлекләре бар. Алар башкаручыга һөнәри яктан үсәргә, репертурны баетырга һәм яңа дуслар табарга ярдәм итә, шуңа да һәр бәйге күңелдә тирән эз, матур хатирә калдыра. Мин катнашкан иң зур конкурсларның берсе — Рәшит Ваһапов исемендәге халыкара татар җыры фестивале булды. Анда бик көчле, белемле җырчылар арасында көч сынашып, икенче дәрәҗә лауреат исеменә лаек булдым.
— Хатын-кыз нечкә күңелле зат бит ул. Авырлыклар килгәндә югалып каласыңмы?
— Аллага шөкер, минем олы таянычым, сердәшем — сабыр күңелле әнием. Шатлыгымны да, авырлыкларны да мин беренче әнием белән уртаклашам. Акыллы киңәше, җылы сүзе белән мине борынны артык югары чөймәскә дә, башны түбән имәскә дә әнием өйрәтә. Бәхетемә, авыр чакта ярдәм итәрдәй, сер уртаклашырдай дусларым да бар.
— Гаиләдә сине зур җырчы дип кабул итәләрме? Иҗатыңа карата нинди фикерләр белдерәләр?
— Гаиләдә мине баш бала итеп кабул итәләр. Өч энем һәм бер сеңлемә мин беренче чиратта яраткан апа һәм шуннан соң гына ялларда һәм бәйрәмнәрдә яннарында була алмый торган артист апа.
— Гастрольләр белән күп шәһәрләрдә булырга өлгердеңме?
— Әлегә Башкортстан, Татарстан тамашачылары белән очрашуларда булдым. Алла бирса, киләчәктә Рәсәйнең башка өлкәләрендә дә чыгыш ясармын дип уйлыйм.
— Алга таба үз концертларыңны оештырырга батырчылык итәр идеңме?
— Төрле төркемнәрдә, солянкаларда чыгыш ясап, репертуарымны баетып, төрле дәрәҗәле бәйгеләрдә катнашып, иҗади яктан үсеш алсам, Алла бирса, әлбәттә, мин үз концертларымны ясарга теләр идем.


Фотолар шәхси архивтан алынды.
 

Гөлшат МИНГАЗИЗОВА
Gong-TV
№ --- | 12.02.2017
Gong-TV печать

 
comments powered by HyperComments

Фикерләр

▲ Өскә

Матбугат-инфо
Матбугат.ру
ТНВ
Addnt.ru
Ватаным Татарстан
Шәһри Казан
Бердәмлек
Рәшит Ваһапов фестивале
Туган як
Камал театры
Тинчурин театры
Татар дәүләт филармониясе
Яңарыш
Барс-Медиа
Ирек мәйданы
Татарстан яшьләре
Идел
Gong-TV
Бөтендөнья татар яшьләре форумы
Себерке
Өмет
Диләфрүз
Татарстан Язучылар берлеге
comments powered by HyperComments