• 06.12-11.12 «Һөнәр» XI Бөтенроссия яшь режиссура фестивале.
  • 09.12 Әхәт Гаффарга 70 яшь тулуга багышланган кичә. Казан, Тукай клубы. 17:00
  • 11.12-12.12 Элвин Грей. КРК "Пирамида"
  • 13.12 Айдар Рәкыйпов концерты. УНИКС. 18:30
  • 15.12 Ришат Төхвәтуллин. КСК "Уникс". 17:00
  • 16.12-20.12 Данир Сабиров концерты. КСК "Уникс"
  • 02.01-03.01 Нәфкать Нигъмәтуллин концерты. Филармония. 19.00.
  • 14.02-23.02 Мунча ташы. Кырыкта да кызыкта. КСК "Уникс"
  • 29.02-09.03 Фирдус Тямаев. Ялгыз торна. КСК "Уникс"
Туган көннәр
  • 09 Декабрь Хәсән Туфан (1900-1981)
  • 09 Декабрь Лениза Назлы
  • 10 Декабрь Ринат Мөхәммәдиев
  • 10 Декабрь Светлана Сабирова
  • 10 Декабрь Гариф Гомәр (1891-1974)
  • 10 Декабрь Марсель Бакиров
  • 11 Декабрь Габдулла Шамуков (1909-1981)
  • 11 Декабрь Азат Садриев
  • 11 Декабрь Вәгыйз Минһаҗев
  • 11 Декабрь Искәндәр Сираҗи
  • Продаётся 2хкомнатная квартира в центре Казани в Вахитовском районе. 110кв.м, черновая. Дом сдан, заселен. Собственник. Тел 89053163640 или ватсап. Риелторов прошу не беспокоить.
  • Казан шәһәре, Адоратский урамындагы 55 йортта 1 бүлмәле фатир арендага бирелә. 89063204796
  • Тамада. Хәләл мәжлесләр алып барам. Арзан. Телефон: 89274894564
  • Речной техникум тирэсендэ 20яшьлек тэртипле,акыллы егеткэ снимать итеп яшэргэ булмэ кирэк иде. 89375212889
  • Байлар Сабасында ике бүлмәле фатир сатыла.Хәбәрләшү өчен телефон: 89274458736
  • “Светлый” ЖК (Куюки) 1 бүлмәле фатир озак вакытка гаиләле кешеләргә тапшырыла. 3 этажлы өйдә 1 катында. 49 кв.м. кирәкле җиһазлар бар.Индивидуаль җылыту.Парковка өй янында.90 номерлы шәһәр автобусы йөри. 10000 сум+ ком.услуги. тел.89393932099
  • Моселманнарга общагада булмэ арендага бирэбез. 89509488227.собственник.
  • Продается кирпичный дом в с. Старый Варяш, Муслюмовского района. т.8 917 928 31 75
  • Казанда сатам шифоньер,бэясе сейлэшу буенча. 89173931425
  • Продаётся двухкомнатная квартира в Актаныше. Телефон 8-917-907-73-79.

 

 
Архив
 

               

27.05.2016 Шоу-бизнес

ИлСаф: «Йөрәк ярасы белән яшәргә өйрәнә кеше...»

Килде заман. Ыржайган капитализм старт алган 90нчы еллар башында cәхнәгә килгән җырчы танышларым, берәм-берәм, ярты гасырлык юбилейларына әзерләнә башлады.

Үтеп тә карый соң гомер. Сәхнәгә Илсур Сафин булып чыгып, соңрак ИлСаф тәхәллүсе белән танылган җырчыбызга да 50 яшь икән. Ир-атлар өчен зурдан кубып сөйләрлек яшь булмаса да, узган еллар тәҗрибәсенең коясы кибәкләрен коеп, чиста орлыкларын санар өчен менә дигән форсат.
 
90нчы еллар болганчык булса да, ул чакта җыр сәхнәсендә артык «разнобой» юк, җырлаучылар азмы-күпме, бишлелекме-өчлелекме музыка белеме алган кешеләр иде. Бу формасы килгән рәттә башка уку йорты тәмамлаучылар ИлСаф белән Габделфәт Сафин гына булмадымы икән әле. Берсе – авыл хуҗалыгы, икенчесе төзүчеләр институтын тәмамлаган бу икәү, музыка белемнәре булмаса да, сәхнәгә шулкадәр фундаменталь баскан булып чыктылар, инде чирек гасыр тулы заллар җыеп, шөгыльләрен башка һөнәрләр белән тулыландырып, эшлиләр дә эшлиләр.
 
– Илсур, бу көннәрдә юбилей концерты мәшәкатьләре белән йөрисең. 50 яшең үзең өчен ничек: «Әле бары да алда» дип уйларлыкмы, әллә инде «Гомер үтте», – дип, башны кыңгыр салып кайгырырлыкмы?
– Үземнең тоюымча – гомернең нәкъ уртасы, кульминациясе дияргә була. Күңелемдә әле яңа дәрт, омтылыш, иҗатка зур күтәренкелегем бар. Эшләргә атлыгып торган чагым.
 
– Үз күзаллавыңча, нинди җырчы син?
– Бер чиктән икенче чиккә ташланмый, «мөгез чыгармый» торган, үз юлым, җырда үземнең алыштыргысыз темаларым булган җырчы. Табигать, туган җир, әти-әни, мәхәббәт – мин җырлаган җырларда шул мәңгелек темалар. ИлСаф кем ул дигәндә, «Әбиләр чуагы»н җырлаучы дисәләр – һәркемнең исенә төшәмдер инде.
 
– Син әйтеп үткән темалар – татар җырчыларының 98 процентында. Бүген башкалардан аерылып тору өчен, героик җырларны искә төшерү дә комачауламас иде. Әйтүең буенча, син уртача статистикага кергән татар җырчысы булып чыгасың.
– Шулай килеп чыга инде...

– Кеше яши-яши, кешеләр белән аралаша-аралаша, тәҗрибә туплый-туплый, «эчтәлек» җыя. Синең, 50 яшькә җиткән, 25 ел иҗат белән яшәүче ир уртасының эчтәлеге нидән гыйбарәт?
– Җырчы булып формалашуымнан мин тулысынча канәгать, ә «мин –шәхес» дияр өчен, чынын әйткәндә, иртәрәктер әле. Эшләгән эшләр бар, кылган яхшылыклар аз түгел. Алгы гомердә без кыласы гамәлләр, зур эшләр булсын.
 
– Җырдан башка синең белән тагын ни хакында сөйләшеп була?
– Сәясәт, спорт, көнкүреш турында.
 
– Бүгенге сәясәттән канәгатьме соң син?
– Республика алып барган сәясәттән – әйе. Шулкадәр күп милләтләр бергә яшәгән республикада тынычлык, дуслык саклап тору бик зур әйбер. Төрлечә яшәүче регионнар бар бит, без тыныч яшәгәч, бәлки ул тынычлыкның кадерен аңлап та бетермибездер. Милләтара мөнәсәбәтләрне җайлап тота белгән җитәкчеләргә бары рәхмәт кенә әйтеп була.
 
– Син өч бала атасы. Алар өчен күңелең тынычмы ?
– Тыныч.
 
– Малайларың үсеп җитәчәк, армия мәсьәләсе килеп басачак. Курыкмыйча җибәрә алырсыңмы икән аларны армиягә?
– Әлегә миңа ул хакта уйларга иртәрәк, ләкин улларымны армиягә җибәрермен дип уйлыйм. Гомумән алганда, мин профессиональ армия яклы. Үзем өч ел хезмәт иттем, Морфлотта, зур корабльдә. Хәзер инде бер генә ел хезмәт итәләр, улларым өчен дә хезмәт иттем дияргә була. Армия – чын ир булып формалашу өчен зур мәктәп ул.
 
– Концертларыңа халык җыю җиңелме?
– Юк, җиңел түгел. Хәзер яңа исемнәр бик күбәйде, халык бит яңалык ярата, яңа артистларга күбрәк йөри. 25 ел җырлап, халыкны үз исемеңә суытмый тоту да зур эш.
 
– Авыл хуҗалыгы институтын тәмамлагач районга кайтып киткән булсаң, әллә кайчан глава булып, «балда-майда йөзеп» кенә яшәр идең...
– Кайткан җирдән кире Казанга килдем бит. Бераз эшлә, аннан Авыл хуҗалыгы идарәсе башлыгы итеп куябыз дигәннәр иде үзе. Ике ел эшләдем дә – киттем. Нишлисең, колхозда эшләп булмады инде. Ярый әле киткәнмен дип уйлыйм хәзер. Сәхнәгә килмәгән булсам, минем өчен шундый зур үкенеч булыр иде.
 
– Җырчы гомере кыска. Әгәр җырдан туктарга туры килсә, нишләр идең?
– Запас вариантым юк. Җырны ташларга дигән уй юк әлегә, әгәр инде андый хәл килеп туа икән, алган белемем буенча инженер булып та эшли алырмын кебек. Автосервис ачармынмы, башка берәр нәрсә уйлап табармынмы, күз күрер.
 
– Күптән түгел синең белән булган бер әңгәмәне укыдым, анда син намазга басуың турында әйтәсең...
– Мәчетләргә йөрим, булдыра алганча, намазны укыйм, уразаларны тотам. Бу мактана торган әйбер түгел инде, һәркемнең үз күңеле кушкан эш.
 
– Тормышыңда фаҗига дә булды, балаңны югалтып, ачы хәсрәт кичердең. Дингә шул чакта килдеңме?
– Әйе. Һәркем үзенчә килә, бәлки алданрак кирәк булгандыр. Минем очракта башыма хәсрәт суккач кына килү язгандыр. Күпләр алай да барып җитә алмый. Дингә мөмкин кадәр иртәрәк килсәң яхшы инде.
 
– Хатының намазлымы?
– Әйе.
 
– Әти-әниләрең исән-саулармы әле?
– Әни исән. 25 апрельдә 80 яшен тутырды, Чүпрәле районының Яңа Кәкерле авылында яши. Җыелып Коръән укытырбыз дип торабыз. Алты бала идек – бер кыз, биш малай үстек. Бер энебез, кызганыч, юл һәлакәтендә вафат булды.
 
– Мал артыннан куасыңмы?
– Юк. Көндәлегемә җитәрлек, ач-ялангач булмаслык мөмкинлеккә мин элек тә риза идем. Дингә килгәч, гомумән, моңа фәлсәфи карыйм. Артыгы кирәкми, булганы җитә.
 
– Бабаларыңны ничә буынга кадәр беләсең, шәҗәрәң белән кызыксынасыңмы?
– Без күптән түгел генә авылыбыз турында китап җыйдык.Төзүчесе – танылган журналист Илфак Шиһапов. Матди ягын минем туганнарым, дусларым күтәрделәр. Шул китапны җыйганда, бик күп архив материаллары белән танышырга туры килде. Әти ягыннан нәселне 12 буынга кадәр әйрәндем. Муллалар нәселе ул, борынгы морзаларга барып тоташа. Әти ягыннан бабамнар репрессиягә эләккәннәр, Себергә куылып, 12 ел шунда яшәп, кире авылга кайтканнар.
 
– Тормышың көйле, җитеш, мул. Китек җире дә бардыр, шунсыз булмый, диләр...
– Гомерлек ярам – вафат булган кызым Айгөл. Киткән артыннан китеп булмый, яшәргә кирәк. Шул авырлык белән яшәргә өйрәнә кеше. Ятса да, торса да, җырласа да, сәхнәдә дә, сәфәрдә дә шул халәт белән яши. Тулы тормыш алып барасың, ләкин яралы күңел белән...

Зимфира ГЫЙЛЬМЕТДИНОВА
Шәһри Казан
№ --- | 26.05.2016
Шәһри Казан печать

Фикерләр

Исем:
E-mail:
Текст:
 
▲ Өскә

www.work-zilla.com

Матбугат-инфо
Матбугат.ру
Ватаным Татарстан
Шәһри Казан
Бердәмлек
Рәшит Ваһапов фестивале
Камал театры
Тинчурин театры
Татар дәүләт филармониясе
Барс-Медиа
Ирек мәйданы
Татарстан яшьләре
Кариев театры
Идел
Өмет
Татарстан Язучылар берлеге
Татарстан китап нәшрияты
RAFINA/D
Милли Музей
Фирдүс Тямаев
Шаян
Татаркино
Ханский дом
Балмай