• 15.12 Ришат Төхвәтуллин. КСК "Уникс". 17:00
  • 16.12-20.12 Данир Сабиров концерты. КСК "Уникс"
  • 24.12-25.12 "Һәлакәткә бер адым" (Премьера!) Тинчурин театры
  • 02.01-03.01 Нәфкать Нигъмәтуллин концерты. Филармония. 19.00.
  • 14.02-23.02 Мунча ташы. Кырыкта да кызыкта. КСК "Уникс"
  • 29.02-09.03 Фирдус Тямаев. Ялгыз торна. КСК "Уникс"
Туган көннәр
  • 14 Декабрь Әнәс Галиуллин
  • 14 Декабрь Нур Әхмәдиев
  • 14 Декабрь Алсу Әбелханова
  • 14 Декабрь Алмаз Сабирҗанов
  • 14 Декабрь Сәет Шәкүров (1917-1989)
  • 15 Декабрь Кави Нәҗми (1901-1957)
  • 15 Декабрь Фәридә Кудашева (1920-2010)
  • 15 Декабрь Данил Гыйниятов
  • 15 Декабрь Габделбарый Болгарский (1884-1927)
  • 15 Декабрь Диләрә Илалтдинова
  • Сдаётся однокомнатная новая квартира по Проспекту Победы 139.41 кв.м. Имеется новая мебель и бытовая техника.Длительно.18+ к/у.Собственник.Тел. 89274076680
  • Ишеклэр куям,баскычлар эшлим .тел 89534022434 Питрэч районы
  • Срочно дворник кирэк 89377734777
  • Туалет, ваннага плитка жаям теплыи пол уткарам, стенага плитка куям, тел.89600325048
  • Казаннын узэгендэ, Назарбаев урамында кызлар очен ботен унайлыклары тудырылган 1 булмэле фатир тэкъдим итэм. тел.89178887888.
  • Казанда.Карбышев 60 адресында 13 кв.м.булмэ сатыла.7 эт.Булмэдэ ремонт ясалган.Куршелэр бик эйбэт.Бэясе 800000.Т 89274084073.
  • Продаётся однокомнатная квартира в центре Актаныша с площадью 26 кв.м.8 904 673 59 09
  • Татар телендә дипломнар, курс эшләре язуда студентларга ярдәм. Тиз арада оригиналь эшләр. 917-885-45-12
  • Туалет булмэсе ясыйм и унитаз урнаштырам. Тел.89196484445 Актаныш
  • Ремонтируем бойлеры водонагреватели 8-960-060-77-38 Актаныш

 

 
Архив
 

               

23.04.2009 Җәмгыять

ҖИР АСТЫ МУЗЫКАНТЫ

Казан метрополитенының Җиңү Проспекты станциясенә төшкән халыкны татар моңы каршылый. Таш мәгарә җырчысы Альберт биредә көн саен гармун уйнап акча эшли. Озын, бормалы халык җырларын да суза, бию көйләрен дә сиптерә. Таш станция эчендә акустика шәп – аның җырлавы әллә кайдан ук ишетелеп тора. Иртән йокылы-уяулы эшкә барып ятканда, кәефләр күтәрелеп китә. Беркөнне аның белән җир асты “бизнесы”, тормышы, хәл-әхвәлләре турында сөйләшеп алдык. Альберт Казанда туып үскән егет, 28 яшьтә. Сөйләшеп торган арада яныбызга милиционер килеп: “Утырма монда, чыгып кит! Китмәсәң төяп җибәрәм!” – дип янап китте.

– Гел шулай куалыйлармы сине моннан?

 

– Көнләшәләр алар миннән. Алар утырып җырлый,  минем шикелле акча эшли алмыйлар, шуңа күрә ачулары килә. Югыйсә мин берәүгә дә тимим, тәртип бозмыйм, беркемне дә таламыйм, ә яшәремә акча эшлим, чөнки пенсия акчам тормыш алып барырга җитми. Баян ашатучым да, дустым да. Әнинең пенсиясе генә яшәргә җитми. Минем үземнең дә инвалидлык буенча пенсиям бара – 4 мең 400 сум, тик анысы да аз бит.

 

– Яныңнан узып киткәндә игътибар итәм, гел моңсу, кәефсез утырасың. Ник?

 

– Елмаерга тормышта бернинди дә сәбәбем юк. Булса иде ул ике кулыңа бер һөнәр, канатландырып торучы бер стимул. Тормышның тәмен тапмыйм мин.

 

– Сиңа ни җитми соң?

 

– Аллаһы Тәгалә гаеп итә күрмәсен – мине бәхетсез итеп яраткан ул бу дөньяга. Мин монда күреп торам –  гел парлылар гына йөри. Ә минем сөйгән ярым, парым юк. Бәхет җитми миңа бу дөньяда.

 

– Кызлар белән бер дә танышып, йөреп караганың юкмы?

 

– Радиолар аша да танышып караганым бар, смс та язып карадым – нәтиҗәсе булмады. Радиога үзем турында бөтен мәгълүматны язып җибәрдем – 1980 елның 31 декабрь көнне кичке алтыда туганмын. Тумыштан эпилепсия дигән авыруым бар. Кыскасы, үзем турында барысын да дөресен язам, яшереп тормыйм. Җавап итеп кызлар башта язгалыйлар. Хәлләр кайчакта кайсыберсе белән күрешеп сөйләшүгә кадәр барып җитә. Урамда йөреп киләбез, сөйләшәбез. Тик шул күрешү, гадәттә, беренчесе һәм соңгысы була. Кайтуыма смс килеп төшә. Я "Егетем бар", я “Гафу ит, без синең белән бер-беребезгә туры килмибез” дип “сөенче алалар". Шундый очрашулардан соң бөтенләй өметем сүнә. Яшем дә ашыктыра – утызны куып барам бит инде. Кеше шикелле өйләнеп, гаиләмне корып җибәрсәм, бу дөньяда миннән дә бәхетлерәк кеше булмас иде.

 

– Авыру дигәч, шикләнәләрдер инде...

 

– Эпилепсиядән башка мине бүтән нәрсәләр борчымый. Сәламәтлегемнән зарланмыйм, гаилә корып яшәрлек чамам бар дип уйлыйм. Сирәк кенә өянәкләрем килеп чыккалый чыгуын. Хәтерлим, миңа 17 яшьләр чамасы иде, иптәшем белән Бауман урамына киттек. Җир асты юлы була торып, анда төшмичә, юл аркылы чыгып киттек. Иптәшем юлны аркылы чыгып өлгерде, ә мин юлның уртасында светофор булып бастым да калдым. Моны хәтерләмим инде – иптәшем сөйләде. Берзаман аңыма килсәм – мин юл уртасында кадакланып басып торам. Бөтенесе дә сигнал биреп акырталар, мин берни дә аңламыйм. Егылмаганмын да хәтта. Иптәш малай әйтә: “Котым очты, сине таптап китәләр дип торам!”

 

– Син гел татарча гына уйныйсың...

 

– Кечкенәдән үк татар моңын – татар халык җырларын яратып тыңладым һәм башкардым. Бик яхшы җырлыйм да, уйныйм да, хәтта сәләтем бар дип тә уйлыйм. Җырчы буласым килә. Сәхнәдә Салават абыйлар, Хәния апалар белән бергә йөрергә иде!

 

– Нинди көйләр башкарасың?

 

– Күпчелеге – Салават репертуарындагыларны. Салават Фәтхетдинов минем күрше. Мин Гвардия урамында, ә ул Патрис Лумумба урамында тора. Мин аны үлеп яратам. Телевизордан күрсәм, тавышын соңгы көченә ачып куям. "Ычкындың мәллә!" – дип, әни йөгереп керә. Ул җырлап бетермичә, телевизор янына бер кешене дә якын җибәрмим.

 

– Сәләтең кемнән күчкән дип уйлыйсың?

 

– Әтидәндер, чөнки ул гармунда да бик яхшы уйнаган, җырлаган да.

 

– Кая соң ул?

 

– Хәзер өченче хатыны белән Буа районында яшәп ята. Миңа биш ай чагымда, безне ташлап киткән. Әтиемнең апасы янына, Апас районының Коштаулы авылына сабантуйларга кайтып йөрим. Талия апа мине бик хөрмәт итә, якын күрә, рәхмәт аңа.

 

– Ә әтиең белән күрешкәнең бармы?

 

– Миңа 12 яшь тулгач, күрештек без аның белән. Тешемне алдырырга дип сырхауханәгә кереп ятарга туры килде. Эпилепсия булгач, анысы да катлаулырак икән. Әни белән бергә кереп яттык. Өйдә әби белән апа икесе калдылар. Беркөнне хәлләрен белешеп, телефоннан чылтыраттык боларга. Әби әйтә: “Атагыз килде, хәзер сезнең янга сырхауханәгә киттеләр”, – ди. Ай, минем шатланганны күрсәң! Җиденче кат күкләргә менгән шикелле булдым шатлыгымнан. Палатага йөгереп кердем, көтәм. Берзаман килде, каршы алырга чыктык. Кочаклаштык, елаштык.  “Нихәл, улым?” – дип сорады ул миннән. “И, әти, әти, әйбәт кенә инде шунда...” – дидем дә, елап җибәрдем. Белмим, шатлыктанмы, башкаданмы.

 

– Үпкә сакламаган идеңме соң аңа?

 

– Әтине беркайчан да күрмәгәч, белмәгәч, ни дип гаеплисең инде? Минем моңа хакым юк дип уйлыйм. Шул очрашудан соң 4-5 ел узгач, әтием янына үзем бардым. Ничектер беркөнне кич Кинәт кенә чыктым да киттем. Сагындым, сөйләшеп утырасым килде. Якты чырай белән каршы алдылар дип әйтә алмыйм. Алай да, әти кертте, икәү сөйләшеп утырдык. Аш пешерделәр, әти беләк буе ит салып бирде. Соң иде инде, кунарга калдым. Йокларга яткач, ишетәм – аш бүлмәсендә кәстрүлләр шалтырый. Хатыны: “Абау, шуның кадәр ит ашатып бетердеңмени?” – дип сорады. Әти: “Ашасын, ул да минем малай бит!” – диде. Ир балага һаман да ата кирәк шул. Миңа гомер буе әти белән аралашу җитмәде, һаман да җитми. Ә алиментын даими түләп торды ул – ай саен 100 тәңкә.

 

– Монда акчаны әйбәт салалармы соң?

 

– Әйбәт, зарланмыйм. Ун сумлыклар, иллелек , йөзлек тә салып китәләр, Аллага шөкер. Кайчакта хәтта биш йөзлек тә эләккәли. Хәтта тимер евролар да ыргытып киткәннәре бар. Тырышып, көн саен иртәдән кичкә кадәр уйнап утырсаң, аена 30-40 мең сум акча керә. Яшьләр дә, олылар да сала. Яшьләр күбрәк тә сала әле, хөрмәт итәләр бик каты. Гаиләбез бик зур, акча күп китә. Әбием, әнием, дүрт яшьлек баласы белән бертуган апам – бөтенебез бергә яшибез, чыгымнарыбыз күп. Балага гына да бик күп акча тотыла. Даруларга да күп кирәк.

 

– Гаилә булгач, торырга урыны да кирәк бит әле аның. Әбиләр, бәбиләр белән кечкенә фатирда яшәргә кем генә риза булыр икән?

 

– Анысын ничек тә хәл итәргә тырышырбыз инде. Миңа фатир бирергә тиешләр, чиратта тугызынчы булып торам. Шуңа ышанам инде. Үзем гаиләмне корсам, тормыш алып барырга акчасын да җиткерер идем. Минем өчен көненә бер мең тәңкә акча эшләү берни түгел.

 

P.S. Альберт белән танышасы килгән кызлар өчен аның телефонын бирәбез: 89625569436.

 

Лилия СӨНГАТУЛЛИНА
Татарстан яшьләре
№ 49 | 18.04.2009
Татарстан яшьләре печать

Фикерләр

Исем:
E-mail:
Текст:
 
№13 (17695) / 29.04.2009 23:44:14

хы..
мин дэ былтыр еш курэ ием аны Бауманда..
эздереп, мон,лы итеп суза..кайчак шатланып, кайчак елап тынлаган булды..житми ул Бауманга, житми,чын менэ, жэмэгать!
Аллах Тэгалэ бу монлы жанга бэхетен, сэламэтлеген бирсэ иде, Я Раббым!!!

№12 (17406) / 27.04.2009 12:39:40

Алай ук түгел инде ну барыбер рәхмәт, иптәшләр! Ату кеше өчен тырышып йөрисең монда, ә всякие там пингвин-мингвины безнең изге планнарга карата ценный төзәтмәләрен кертеп маташа! Тимәгез миңа ---- туйга да чакырырмын барыгызны!

№11 (17402) / 27.04.2009 12:17:29

Авторның катгый таләбе буенча, почти янаулары буенча Альбертның телефоны кире кайтарылды.

№10 (17397) / 27.04.2009 11:13:49

Пингвин, вәт бәйләндең, ә! Аның телефоны куелганга синең ни эшең бар! Во первых, тыйнак кызлар үзләре килеп эндәшеп йөрүләрен ничек күз алдына китерәсең? Авыл-районнардан да шундук йөгереп килеп җиттеләр ди! Бүгенге заманда күп нәрсә телефон аркылы хәл ителә. Во-вторых, телефонны куярга кирәклеге Альберт белән бергә хәл ителгән. Чыннан да зур өметләр багълап калган иде ул, ә син Пингвин "тырыша-тырыша" кешенең өметен өзәсең! Телефонны алып куй, имеш. Аның синең кебек көне буе интернетка атланып утырырга һәм танышырга мөмкинлеге юк бит. Админ, зинһар ,кире куй әле телефонын, алайсан язманын бөтен әһәмияте югалган.

№9 (17293) / 25.04.2009 13:30:15

Админ, рехмет!

№8 (17230) / 24.04.2009 18:21:24

Админ, кеше бул инде, алып куй телефон номерын, э?

№7 (17224) / 24.04.2009 17:17:42

ялгышмасам, бер ел элек тирэсе Бауман урамында уйный иде ул. Талантлы кеше. Бары-тик уңышлар аңар!

№6 (17205) / 24.04.2009 13:10:17

уйлап карагыз эле...эгэр дэ зур колаклы кешене курсэк..ай-хай колаклары..уф...зур борынлы турында -ай-хай борыны да бит!..аяклары туры булмаса--и кэкре аяклы диябез..кешенен недостатокларын махым курэбез.димэк..тышкы кыяфэт беренче урында.э менэ уйлап карасан...ул бит шундый туганга гаепле тугел...кемндер тьфу тьфу Аллам сакласын гареп тэ туа..кемдер авыру туа.. булачак эни кеше- 9 ай буена йорэк астында саклап йоргэн баласын- исэн -сау гына тусын инде дип котэ. минемчэ, альберт узенчэ ВЫЖИВАЕТ. менэ узегезне куз алдына китерегез эле..коне буе салкын переходдта...салкын стена буенда утыруыгызны...бу сезгэ жылыда.урындыкта интернетта утыру тугел..беркемне гаеплэу юк...лэкин ОСУЖДАТЬ не надо..бу интервьюны биреп,ул ометлэнэ.Ометсез шайтан гына бит.Кайсыгыз БЭХЕТЛЕ булырга хыялланмый?..нигэ ана да ометлэнмэскэ. Авторнын ике моменты гына минемчэ дорес тугел: бу егетнен КУПМЕ акча эшлэгэнен эй мин монда утырам 30-40 мен эшлэп ..кем шулай кычкыра инде..эйе..Альберт эйткэндер..ул гади егет..эйткэн авторга..лэкин автор моны язарга тиеш тугел иде. беркем дэ мактамас ... икенче момент:чыннан да телефон номеры...инде бу мэкалэне укыган хэр кеше Альбертны каян табарга икэнен белэ..шуна курэ...кирэкми иде..лэкин ДЕЛО сделано...менэ шул.Альберт бэхет телим сина.

№5 (17196) / 24.04.2009 11:14:10

Альберт молодец! Кон саен татар койлерен уйнап утырган очен мин де ана акча салырга тырышам. Ирте саен жанлы татар музыкасын янгыраткан кешеге тулерге кирек - хезмет бит ул.
Ир кеше очен акча эшли алу межбурият ич. Эшли ала икен маладис. Э эчке доньясы барыбер сай тугел ул баланын. Лилия гене ялгышкан сотовые турыдан язып. Табасы кеше метрога килеп эндешер иде.
Админ, алып куй телефон номерын, э?

№4 (17195) / 24.04.2009 11:12:59

Ә мин бу абыйны таныдым. Проспект метро станциясендә очрый иде. Мин дә хәер бирдем аңа. Бары тик татарча гына уйнаганы өчен!

№3 (17181) / 24.04.2009 08:45:19

Болай да билгеле, 


Бу караш кына түгел, шуңа ышандырырга тырышалар әле бик тырыша-тырыша.

№2 (17176) / 24.04.2009 07:06:11

Замана кешеләренең иң зур ялгышы:
"Бөтен проблемаларны күп акча эшләп тә хәл итеп була", дигән караш. Булмый...

Акчага гына таянып,
Эш йөрткән түзми күпкә:
Җан корсак белән ялганып,
Дус булып китә күткә.

№1 (17169) / 24.04.2009 00:43:41

Хормэтле Сонгатуллина туташ-ханым! Кызларга хэзер без мескен егетлэрне шулай итеп кенэ сатасы калдымыни инде? Акчасы куп, коненэ бер мен сум акча эшлэу берни тугел, имеш...Фатир да бирэчэклэр икэн... Кризис вакытында бигрэк актуаль тема кутэргэнсез! Э ул егетнен бумажнигына генэ кызыгып, анын фатирына пропискага керергэ генэ телэп, кызлар тынгы бирмэс дип уйламыйсызмы? Кызларны тагын да кыстап, остэп куярга иде: эпилепсия белэн авыручылар озак яшэми дип... Миндэ менэ эпилепсия дэ юк. машинам да бар. Минем белэн дэ танышмаслар микэн???



P.S Кызлар мина да языгыз. Шушы сайт аркылы.

▲ Өскә
Матбугат-инфо
Матбугат.ру
Ватаным Татарстан
Шәһри Казан
Бердәмлек
Рәшит Ваһапов фестивале
Камал театры
Тинчурин театры
Татар дәүләт филармониясе
Барс-Медиа
Ирек мәйданы
Татарстан яшьләре
Кариев театры
Идел
Өмет
Татарстан Язучылар берлеге
Татарстан китап нәшрияты
RAFINA/D
Милли Музей
Фирдүс Тямаев
Шаян
Татаркино
Ханский дом
Балмай
Раяз Фасихов