ЮКАЧЕВ НИКОЛАЙ ВИКТОРОВИЧ

1956 елның 3 декабрендә Кукмара районы Нырты авылында туа.

1981 елда Казан театр училищесын тәмамлый һәм Әлмәт театрында эшли башлый. 1983 елның 12 октябреннән — Татар академия театрында. Төрле хасияттәге яшь һәм олы яшьтәге тормышчан образлар иҗат итә.

Аның рольләре: Хәсән — «Зөлфия» (К.Әмиров), Гурий — «Һаваларда йолдыз» (М.Горький буенча), Закир — «Бәхетсез егет» (Г.Камал), Иван — «Без китәбез, сез каласыз», Егор — «Ат карагы» (Т.Миңнуллин), Физат — «Ләйсән ире Хәсән» (Ю.Сафиуллин), Тегермәнче — «Өч аршын җир» (А.Гыйләҗев), Бичура — «Бичура», Мөбарәк — «Казан егетләре», «Тагын Казан егетләре» (М.Гыйләҗев), Ирек — «Мирас» (Г.Каюм), Саматов — «Боз астында дулкын» (Ә.-Т.Рахманкулов), Зәки — «Кишер басуы» (З.Хәким), Белярдо — «Биюче» (Лопе де Вега), Илтабан — «Җирән чичән һәм Карачәч сылу» (Н.Исәнбәт), Диоген — «Баскетболист» (М.Гыйләҗев) һ.б.

ТРның атказ. арт. — 1996 ел.