МИНКИНА ВЕРА ЕГОРОВНА

1918 елның 9 сентябрендә Чистай районы Бахта авылында туа.

1939 елда Татар театр техникумын тәмамлагач, 13 ел Республика күчмә театрында эшли. 1952 елдан Татар академия театрында хезмәт итә. 1991 елдан — театр каршындагы «Инсаният» труппасында.

Искиткеч халыкчан, үзенчәлекле, күпкырлы характерлы образлар иҗат иткән күренекле артистка.

Аның Камал театрында уйнаган рольләре: Гөлбикә — «Җырланмаган җыр» (М.Кәрим), Полина — «Дошманнар» (М.Горький), Әкълимә — «Бертуган Таһировлар» (Ф.Хөсни), Малай — «Зәңгәр шәл» (К.Тинчурин), Сания — «Һиҗрәт», Кәләмзә — «Зифа» (Н.Исәнбәт), Уңганбикә — «Кыз урлау» (М.Кәрим), Зөлкагыйдә — «Кыю кызлар», Гыйльмениса — «Чаткылар» (Т.Гыйззәт), Туганым — «Банкрот» (Г.Камал), Мелита — «Кол» (Г.Фигейредо), Мария Ильинична — «Баһадирлар» (Н.Погодин), Бибиәсма — «Күк капусы ачылса» (X.Вахит), Рәхилә — «Синең урыныңа кайттым» (Р.Хәмид), Гаян — «Җиргә тапшырылган серләр» (А.Гыйләҗев), Хөлә — «Әбиләргә ни җитми?» (Ф.Бүләков), Степанида — «Җимерелгән бәхет» (А.Островский), Палый — «Гөргөри кияүләре» (Т.Миңнуллин) һ.б.

РСФСРның хал. арт. — 1977 ел