МӨХӘМИТШИН ГАЛИМ

(1911-1941)

Галим Мөхәмитшин (Галимҗан Мөхәммәтша улы Мөхәмитшин) 1911 елның 7 февралендә хәзерге Татарстан АССРның Биектау районы Олы Солабаш авылында крестьян гаиләсендә туа. Башлангыч белемне үз авылларында алып, күршедәге Шуман авылында бер ел русча укыганнан соң, Казанга килә һәм, башта җидееллык мәктәпне, аннары институтка хәзерлек курсларың тәмамлап, Казан дәүләт педагогия институтына Укырга керә. Ләкин бераздан, авыру сәбәпле укуын ташларга мәҗбүр булып, 1931—1937 елларда «Кызыл яшьләр» (хәзерге «Татарстан яшьләре») газетасы рефакциясендә әдәби хезмәткәр һәм «Пионер каләме» (хәзерге «Ялкын») журналында җаваплы секретарь булып эшли. Г. Мөхәмитшин — утызынчы еллар татар балалар һәм яшьләр поэзиясендә актив эшләгән шагыйрьләрнең берсе. Чагыштырмача кыска гына иҗат гомере эчендә (1930—1936) ул балалар өчен ике («Үсеш балалары», «Пионерия») һәм яшьләр тормышына багышланган өч шигырь китабы («Яшьлек», «1934», «1935») бастырып чыгара. Аның шигырь һәм поэмаларында («Язгы чәчәкләр», «Масаюсыз кыз», «Очучыга», «Безнең яшьлек», «Яңадаң корылу», «Мәхәббәт хикәясе» һ. б.) совет патриотизмы, социалистик төзелеш, хезмәт һәм хезмәт эчендә яңа кеше тәрбияләнү кебек шул чорның актуаль темалары үзәк урынны алып тора.

1958 елда шагыйрьнең «Яшьлек дәвам итә» исеме белән сайланма әсәр. ләре тупланган күләмле җыентыгы басылып чыкты.

Галим Мөхәмитшин 1941 елда вафат булды. Ул 1936 елдан СССР Язучылар союзы члены иде.

БИБЛИОГРАФИЯ

Үсеш балалары: (Балалар өчен шигырьләр).— Казан: Татиздат, 1931.— 24 б. 5000.
Пионерия: Шигырьләр.— Казан: Татиздат, 1932.—61 б. 7000.
Яшьлек: [Шигырьләр].—Казан: Татгосиздат, 1933.—67 б. 3100.
1934: Шигырьләр.—Казан: Татгосиздат, 1934.—28 б. 6000.
1935: Шигырьләр.—Казан: Татгосиздат, 1936.—43 б. 10000.
Яшьлек дәвам итә: Саил. әсәрләр.— Казан: Таткитнәшр., 1958.—184 6., портр. 5000.

©"Совет Татарстаны язучылары" китабыннан файдаланылды (Даутов Р.Н., Нуруллина Н.Б. Совет Татарстаны язучылары. – Казан, Татарстан китап нәшрияты, 1986)