ХӘЙРУЛЛИН ИСКӘНДӘР ИЛДАР УЛЫ (ИСКӘНДӘР ХӘЙРУЛЛА)

1974 елның 31 августында Казан шәһәрендә туа.

1995 елда Казан сәнгать һәм культура университетын тәмамлагач, Татар академия театрында эшли башлый. Студент чагында ук Г.Камал театры спектакльләрендә кайбер рольләрдә уйный, күмәк күренешләрдә катнаша. Беренче еллардан ук аның сәләтлелеге ачык күренә башлый. Ул бер-берсенә охшамаган образлар иҗат итә. Искиткеч пластикага, «тәэсирле сөйли белә торган» күзләргә ия.

Аның рольләре: Балтазар — «Ромео һәм Джульетта» (В.Шекспир), Шәрәф — «Асылъяр» (М.Фәйзи), Андроньо — «Биюче» (Лопе де Вега), Шүр-Шүр — «Җанкисәккәем», Микуш — «Гөргөри кияүләре» (Т.Миңнуллин), Кече ул — «Сукыр патша» (Н.Хикмәт), Треплев — «Акчарлак» (А.Чехов), Атиллио — «Гаугалы гаилә» (Эд. де Филиппо), Җирән — «Җирән чичән һәм Карачәч сылу» (Н.Исәнбәт), Сәйяр — «Әни килде» (Ш.Хөсәенов), Интизар — «Саташкан сандугач» (Р.Зәйдулла), Франц — «Юлбасарлар» (Ф.Шиллер), Серый — «Мәхәббәт хатирәсе» (Ф.Бүләков), Альфред — «Казан егетләре» (М.Гыйләҗев), Фатыйх — «Беренче театр» (Г.Камал), Түзәр — «Кара чикмән» (Г.Хугаев), Салих — «Казан сөлгесе» (К.Тинчурин) һ.б.

Татарстанның атказ. арт. — 2004 ел.