АРСЛАНОВ АЙРАТ ГӘРӘЙ УЛЫ

1928 елның 10 апрелендә Башкортстанның Бүздәк районы Ахун авылында туа.

1949 елда Татар дәүләт театр училищесын тәмамлый һәм Татар академия театрына кабул ителә. 1956 елда Татарстан филармониясенә нәфис сүз жанрында эшләргә китә һәм бу өлкәдә югары профессиональ дәрәҗәгә ирешә.

1967 елда Мәскәүдә ГИТИСны тәмамлый.

Татар һәм рус телләрендә сөйләүче нәфис сүз остасы.

Г.Камал театрында уйнаган рольләре: Мирвәли — «Ташкыннар» (Т.Гыйззәт), Таһир — «Таһир-Зөһрә» (Ф.Бурнаш), Булат — «Зәңгәр шәл» (К.Тинчурин), Мөхәммәтша — «Кыз урлау» (М.Кәрим), Борис — «Яшенле яңгыр» (А.Островский), Доминик — «Рабурден варислары» (Э.Золя), Басыйр — «Тормыш җыры» (М.Әмир) һ.б.

Татарстанның Г.Тукай исемендәге Дәүләт премиясе лауреаты — 1969 ел.
РСФСРның хал. арт. — 1981 ел.