Фаҗигале рәвештә үлгән хәзрәтнең үлеме нечкәлекләре билгеле

Михаилның элегрәк эчке эшләр органнарында тикшерү бүлеге башлыгы булып эшләү тәҗрибәсе булган, шуңа күрә ул 18 апрельдә югалган мөәзинне эзләү төркемнәренең берсен җитәкли. Шулай ук барлык эзләү отрядларының гомуми эшчәнлеген координацияли. Моннан тыш, Михаил шул ук көнне җинаять эше буенча мөәзиннең хатынының рәсми вәкиле була. Алга таба да аның адвокаты буларак та катнашачак. 

 

- Үтерүче дип уйланылган Раил Хайров элегрәк аеруча авыр җинаятьләр өчен, шул исәптән үтерү маддәсе буенча хөкем ителгән булган. Элек шул ук рәвешле үз корбанының автомобилен яндырган, - дип сөйли адвокат. - Ул хөкем ителгән булган һәм шуннан СВО зонасына китә. Кайнар нокталарда хезмәт иткәннән соң кайта. Шуннан соң ул Ульяновск өлкәсенең Павловск районы Муратовка авылында яши. Ул Ибраһим Исәнәев белән элемтәгә кереп, терлек сатып алу өчен отышлы урынны белүен әйтә, ләкин моның өчен шактый зур акча кирәк, ди. Ибраһим акча таба: үз акчасыннан тыш, бурычка да ала, - дип сөйли Калашников.

 

Элегрәк социаль челтәрләрдә язылганча, Ибраһимның үзе белән 300-400 мең сум акчасы булырга тиеш диелә. Җыелган мәгълүматтан чыгып, вакыйгаларның түбәндәге картинасын ясарга мөмкин: 

- Ул үзенең "Газель"ендә чыгып китә, аның белән салонда Раил Хайров була. Алар трасса буйлап баралар. Междуречье белән Буровка авыллары арасында туктыйлар, - дип дәвам итә адвокат үзенең версиясен.

 

Терешка елгасы тирәсендә Ибраһим аны фотога төшереп, туганнарына җибәргән. Алга таба әлеге хәлләр турында бернинди мәгълүмат та юк, әмма, фаразланганча, эш түбәндәгечә булган. 

Ни сәбәптәндер ирләр автомобильдән чыкканнар, алар үзара сугышып ала: Ибраһим һөҗүм иткән пассажирдан сакланырга тырышкан. Әмма Раил аның йөрәк тирәсенә пычак белән кадый. Һәлак булган ирнең кесәсеннән терлек сатып алырга дигән акчаны Раил үзенә алган дип уйланыла.

 

Алга таба үтерүче "Газель"не юлдан Терешка елгасына таба төшереп җибәрә, ә Ибраһимның гәүдәсен яшерергә була. Димәк, аны Саратов өлкәсе территориясендә үтергән булып чыга, ә мәетне соңрак Ульяновскига - үз йортына якынрак яшерә. Эзләүчеләр ачыклаганча, Ульяновск өлкәсенең Павловский районындагы Илюшкино авылына.

 

Ә Илюшкинога барырга транспорт юк, һәм Раил, адвокат фикеренчә, җәяүләп Междуречье авылына китә. Анда ул, янәсе, үзен Илюшкинога илтергә риза булган җирле кешене тапкан. Үз авылына кайткач, үз "шестеркасына" утырып китеп, мөәзинне үтергән урынга кайта. Төн уртасы җиткәнне көтеп, «Газель»гә ут төртә, ә Ибраһимның гәүдәсен үз машинасына сала. 

- Кая китеп барганын озак кына аңлый алмадык. Без Ибраһимның гәүдәсен бөтен җирдән, шул исәптән елгадан да эзләдек. Дистәләгән кешеләр трассадан да, янган "Газель" табылган урыннан да бөтен нәрсәне актардылар. Икенче көнне без төп төркемнәрне калдырырга карар кылдык, ә бер өлешен, шикләнелүче кая качарга мөмкин булуын аңлар өчен, төрле юнәлешләргә җибәрергә булдык, - ди Калашников.

 

Төркемнәр күрше торак пунктлар буенча бүленә. Раилнең Черкасское авылына таба (Саратов өлкәсенең Вольский районы) ярты юлда аның тегендә-монда узып  китүен күрәләр. 

 

Илюшкино - элеккеге колхоз территориясе. Андрей исемле җирле җитәкче безгә эзләүдә бик ярдәм итте. Авыл ахырында Павловка һәм Моратов ягына Раил уңга борыла. Аның машинасына һәм фарасы бер яктан гына янган булуына игътибар иткәннәр.

 

Шикләнелүче Илюшкина елгасындагы буага охшаган якка таба борылды. Без шунда чыктык. Борылыштан башлап, без бөтен чокырны, аннары елганы карап чыктык. Эльдар елганың икенче ягында яр буендагы су өстеннән күтәрелгән тукыма кисәген күреп ала. Аны күтәреп алганнан соң, Ибраһимның мәете икәне ачыклана.

 

Шуннан соң ук диярлек башка эзләүчеләрдән мәгълүмат килеп ирешә, җинаятьченең үзен Украина белән чиктә тотканнар. Кулга алынганнан соң, Раил Ибраһимның гәүдәсен 16 апрельдән 17 апрельгә каршы төндә яшерүен сөйли.

Мөәзиннең өч баласы ятим калган.

 

Дилбәр Гарифуллина әзерләде