Татар дәүләт филармониясендә Яңа ел әкиятенең премьерасы узды (ФОТО)

23 декабрьдә Габдулла Тукай исемендәге Татар дәүләт филармониясендә «Кечкенә Тылсымчының Яңа ел тамашасы» дип аталган мавыктыргыч музыкаль спектакльнең премьерасы булды. Әти-әниләр һәм балаларны матур, тылсымлы маҗараларга бай булган, мавыктыргыч әкияттә көтеп кала.

Кечкенә Тылсымчының Яңа ел тамашасы» – ул әкият иҗат иткән малайның кинәт үзе дә шунда эләгүе турындагы мавыктыргыч, искиткеч тарих! Тылсымчы махсус йөкләмә әйтеп, үзенең тылсымлы таягын малайның кулына ышанып тапшыра һәм Шоу башлана! Ай патшабикәсе, Карлсон, Маша, Аю, Шәрык патшабикәсе һәм башка әкият геройлары белән бергә Кечкенә тылсымчы Мәкерле явызны җиңә. Тылсымлы биремне башкарып, Кыш Бабай, Кар кызы һәм тугры дуслары белән озак көтелгән, әкияти Яңа елны каршы ала.

Филармония яшь тамашачыларны Татарстанның атказанган артисты Сергей Васильев җитәкчелегендә ТР Филармония джаз-оркестрының яңа музыкаль спектакленә чакыра. Тере тавыш, матур костюмнар, интерактив, актерларның менә дигән уены, яраткан әкият геройлары, Кыш бабай, мавыктыргыч сюжет! Яңа ел әкиятенә рәхим итегез! 4 һәм 5 гыйнвар көнне Филармония концерт залында әлеге әкиятнең тамашасын карарга була. Бу мөмкинлекне кулдан ычкындырмагыз! Билетлар Филармония сайтында: tatfil.ru

Спектакль антраксыз 1 сәгать бара. Яшь чикләве: 0+ (5 яшькә кадәр балаларга керү бушка). Куючы режиссер – Россиянең атказанган, Татарстанның халык артисты Лидия Әхмәтова. Сценарий авторы һәм режиссер – Рөстәм Әхмәтов. Аранжировщик - Равил Камышев. Балалар өчен әкият рус телендә.