Фәрит Хатыйпов һәм Рабига Сибгатуллина 75 яшьлек юбилейларын билгели (архив ФОТОлар)

Г.Тукай исемендәге Татар дәүләт филармониясендә гомер буе хезмәт куйган күренекле сәхнә осталары: музыкант-аккомпаниатор, баянчы һәм композитор, Татарстанның халык артисты Фәрит Хатыйпов һәм аның тормыш иптәше, яраткан җырчыбыз, Татарстанның халык артисткасы Рабига Сибгатуллина икесе дә гыйнвар аенда дөньяга килгәннәр. Аларга 2023 елда – 75 яшь тула!

Фәрит абый туган көнен 1 гыйнварда билгеләп үтсә, Рабига апа үзенең гомер бәйрәмен 27 нче гыйнварда каршы ала. Аларны якынлашып килүче күркәм юбилейлары белән тәбрик итәбез, саулык-сәламәтлек, бәрәкәтле, озын гомер, имин тормыш, иҗат уңышлары телибез.

Татар дәүләт филармониясе музееннан – архив фотолары:

Сулдан: Таһир Якупов, Фәрит Хатыйпов, Фәйзи Садыйков. 1972 ел

Рабига Сибгатуллина, баянчылар: Фәрит Хатыйпов, Фәйзи Садыйков. 70-нче еллар.

Сулдан уңга (беренче рәттә): Рафинад Сәлахов, Фәрит Хатыйпов, икенче рәттә: Рабига Сибгатуллина улы белән, Габдулла Рәхимкулов, Илсөя ..., Илһам Мостафин, Наҗия Минкина. Кайбыч районы. 1978 ел

Сулдан уңга:Хәмдүнә Тимергалиева, Фәрит Хатыйпов, Булат Балтанов, Эмиль Җәләлетдинов, Бринат Рамазанов, Әсхат Сафин, Айрат Фәттахов.1977 ел

Фәрит Хатыйпов, Кирам Сатиев легендар җырчы Әлфия Авзалова белән сәхнәдә.

Бертөркем сәхнә осталары гастрольләр вакытында. Фәрит Хатыйпов сулдан икенче (артта).

Сулдан уңга: Илһам Мостафин, Булат Балтанов, Фәрит Хатыйпов

Башкортстанда чыгыш ясагач. Уфа.1988 ел

Фәрит Хатыйпов Әлфия Авзалова белән гастрольләр вакытында. 2005 ел

Фәрит Хатыйпов, Нәҗип Бәдретдинов. 2001 ел