2003 елның февралендә нәкъ шул ук Л-410 самолеты җиргә мә­тәлеп төшкән иде

2003 елның февралендә нәкъ шул ук Л-410 самолеты җирдән 4 чакрым биеклектә парашютчылар белән бергә җиргә мә­тәлеп төшкән иде. Анда булып исән калучыларның сөйләвенчә, иң баш­та бернинди шартлаусыз -нисез самолетның койрыгы төп өлештән аерылган, аннан соң канатлары һәм башка өлешләре таралган.

 

Тик ни могҗиза беләндер берничә парашютчы җиргә парашют белән сикерә алган, ә калганнары экипаж бе­лән бергә җиргә бәрелеп һә­лак булганнар. Үзеннән-үзе сорау туа: ни өчен парашютчыларның калганнары да сикерә алмаган, һәрхәлдә бит һәлакәт нәкъ менә алар җиргә сикерер алдыннан гына бул­ган.

 

Парашютлары ачылмыйча калган дияргә дә мөмкинек юк, чөнки парашютчыларның сикергәндә аркаларындагы төп парашютларыннан тыш күкрәкләре алдында запас парашютлары да була.

 

Минемчә, һәлак булганнарның күбесе әле­ге мизгелдә шок хәлендә булганнардыр. Миңа үз гомеремдә берничә мең сикереш ясаган байтак куркусыз парашютчыларны күрергә туры килде. Алар теләсә кая (диңгезгә, янып яткан тайгага) һәм тәүлекнең теләсә кайсы вакытында (хәтта төнлә дә) сике­рә­ләр иде. Әмма штаттан тыш хәл килеп туганда, ун кешенең тугызы каушап калырга мөмкин икәнлеген дә истән чыгарырга ярамый.

 

Бу очракта исә самолетның парашют белән сикерер өчен тиешле биеклеккә менеп җитә алмавы, шулай булса да кайберләрнең исән калуы гаҗәпләндерә. Гаҗәп, әмма факт.