77 яшьлек укытучысына 2 миллион сум бүләк иткән

77 яшьлек Хосе Вильярруэл дистәләрчә еллар дәвамында теге яисә бу сәбәпләр аркасында эшкә чыга алмаган укытучылар урынына алмашка дәресләр биргән. Әмма пандемия башлану белән мәктәпләр дистанцион форматка күчә, шулай итеп, аның кирәге калмый. Вильярруэл пенсиягә китәргә мәҗбүр була. Укытучының байтак бурычлары җыелган, нәтиҗәдә эштән киткәндә түләнгән пособие аңа озакка җитми.

 

Күпмедер вакыт узгач, элекке укытучы яшәргә машинасына күченергә мәҗбүр була. “Минем тәнем машина утыргычының барлык тигезсезлекләренә өйрәнеп бетте инде”, – дип шаяра Вильярруэл.

 

Укытучының элекке укучысы, 21 яшьлек Стивен Нава очраклы рәвештә аны март башында очраткан. Нава элекке укытучысына 300 доллар (22 мең сум) бирә, соңрак махсус сайтта хәйрия акчалары җыюны оештыра. Бу мәсьәләгә күбрәк кешеләр җәлеп итәр өчен Нава Вильярруэл турында TikTok-та сөйли. Мәктәптә эшләү дәверендә  укытучы күп кешеләргә  ярдәм күрсәткән. Комментарийларда алар укытучыны онытмауларын язганнар. 

 

Шулай итеп, бер атна эчендә Нава Вильярруэл өчен 27 мең доллар акча җыюга ирешә. Акчаларны ул элекке укытучысының туган көнендә тапшыра. Вильярруэл шундый мәрхәмәтлелек һәм шәфкатьлелектән чын-чынлап шок кичерә. Хәзер Вильярруэл  күбрәк изгелекләр кылырга ашыга, шул рәвешле укытучы аңа ярдәм итүче кешеләр ышанычын акларга ниятли.

Чыганак: Lenta.ru

Фото: видео Fox11