Композитор Азат Хөсәенов: "Мактаулы исемне үзең сорап йөрсәң генә, аласың"

 

— Дөресен әйткәндә, җыр язуны тулысынча туктаттым, театрлар өчен генә эшлим. Спектакльләргә заказлар күп. Быел рекорд булды. Дүрт ай эчендә мин көй язган дүрт премьера куелды. Хәзер бишенчесен — Минзәлә театрының “Каенана” спектакленә язам. Барысы бергә 70 ләп спектакльгә көй иҗат иттем. Иң беренчесе — Камал театрындагы “Бичура”. Аңа көй 1989 елда язылды. 300 дән артык җырым бар. Русча спектакльләргә дә иҗат итәм. Аранжировкасын да эшлим. “Нишләп җырламыйсыз?” — дип тә сорыйлар. Мин — җырны язучы! Иң горурланганым — берсендә Камал театрында мәшһүр җырчыбыз Илһам ага Шакиров туктатты да: “Сылукай” җырыңнан соң бүтән язмасаң да, син — минем өчен композитор”, — диде. “Сылукай”, “Бичура”ларым — мәңгелек җырлар. Моннан тыш, 10 мультфильмга яздым. Иҗаттан туктаган юк... 

 

 

 

— Махсус белемең булмаса, бездә композиторлар берлегенә алмыйлар. Консерваториядә уен кораллары бүлегендә укыдым. Сәнгать юлы булса да, ул гына ярамый... Шуңа мин әле дә берлектә юк. Башка союзларда алай түгел. Минем багаж зур, тик һаман үзешчән саналам. 

 

 

— Татарстанның атказанган сәнгать эшлеклесе, Бөтенроссия театр әһелләре әгъзасы саналам. Шулар гына. Юбилейга берәр нәрсә булмасмы, дип өметләнгән идем. Юк инде. Йөрсәң, аласың. Тик үзеңә исем сорап йөрү кызык түгел, түбәнсенү кебек. 

Балалар белән эшлим, хатыным да музыка мәктәбендә флейтада уйнарга өйрәтә. Бәйгеләрдә йөрибез, беләбез: халыкара конкурслар лауреаты, дигән исемне дә рәттән бирәләр. Аның да дәрәҗәсе төште. Барысы да бизнеска әйләнде. Бөтен бәйгеләр түләүле. Ә укытучылар конкурска барырга мәҗбүр. Укучыларың лауреат булмаса, премия дә юк, хезмәт хакын да кисәләр... Конкурслар күбәйгәннән-күбәя... Чөнки акча! Рәттән грамота, диплом өләшәләр... 

 

 

— Әйе. Консерваториядә миннән бер курс түбән укыды. Укуны тәмамлаганчы йөри башладык. Аннары мине армиягә алдылар. Мәскәүдә оркестрда хезмәт иттем. Наилә озатып калды, көтәм, диде. Вәгъдәсендә торды. 

 

 

— Сәхнә утлары куя, заказлары күп. Улымны күргән дә юк, гел эштә. Казан театр училищесын тәмамлады. Нияз Мәскәү артистлары белән эшли. Мәсәлән, Тимати концертында да утны ул куйды. Утлары бик шәп, кыйммәтле, аппаратураларын “КамАЗ”га төяп йөриләр. Концерт алдыннан ике көн җыя, яртышар көн сүтәләр. Безнең җырчылар моңа бик сузылмый, кыйбат. 

Киленебез Эльвира — химик. Оныгыбыз Тамерланга 5 яшь ярым. Бик акыллы, меңгә хәтле саный, китап укый. 

 

 

 

— Кызыма 23 яшь. Казан медицина университетында V курста укый. Үз тырышлыгы белән бюджет бүлегенә керде. Табиб булу балачак хыялы иде. Никахы булды. Алмаз киявебез Казан дәүләт архитектура-төзелеш университетын тәмамлаган. Туй августта, Алла боерса. Алып баручы эзлим. Вәт бәяләр кыйммәт икән! Мин дә йөрим инде, 7 мең сумга баянда уйнап, җырлап. Аның каравы заказларым бар. Мәҗлестә баянны яраталар... 

.