Әлфис Кыямовның кызы: Әтинең туган нигезенә эзне суытмыйбыз (ФОТО)

Кызы Айгөл бүген Татар дәүләт җыр һәм бию ансамбле белән Татарстанда гына түгел, бөтен Русия, чит ил буйлап гастрольләрдә йөри.

 

— Әти бер мизгелгә дә онытылмый. Әни һаман да сагына, юксына. Элек бу аеруча нык сизелә иде. Әле хәзер дә, шактый еллар үткәч, үзе бу хакта әйтмәсә дә, тирән уйга батып утыруы күзәтелә. Сәхнәдә әтинең җырларын башкаручылар: “Моны Әлфис Кыямов җырлый иде. Аның истәлегенә яңгыратабыз”, — дип әйтә. Бу безне сөендерә. Аллага шөкер, онытмыйлар, гел хөрмәт белән искә алалар. 

 

— Әйе, бу хакта хәбәрдар иде. Аңа әлеге шатлыклы вакыйганы шалтыратып әйттеләр. Әти телефонны куйды да: “Мине котларга була, исем бирделәр”, — диде. Ул мизгелләрне яхшы хәтерлим. Шуннан соң бер ай уздымы икән, әти китеп тә барды... Тантаналы рәвештә алырга өлгермәде. Әти арабыздан киткәч, исем бирелү турындагы документларын без барып алдык. 

 

— Әти Башкортостанның Борай районы Бакалы авылыннан. Андагы җитәкчеләр әтинең туган нигезенә элмә такта эшләткән. “Бу йортта Татарстанның атказанган артисты Әлфис Кыямов туган”, — дип язылган. 

 

Һәр җәй саен әни белән әтинең туган ягына кайтырга тырышабыз. Ул туган авылында җирләнгән. Каберен зиярәт кылабыз. Кызганыч, хәзер анда зур инәй (әби) дә, зур әти дә (бабай) юк, икесе дә мәрхүмнәр. Каберләре әтинеке белән янәшә. Өй бушап калгач, нишләрбез, дип борчылган идек. Әтинең бертуганы Финат абый Борай районыннан төп йортка кайтып яши башлады. Аллага шөкер, туган нигезендә каршы алучы бар, ишек гел ачык. Эзне суытмыйбыз...