КӘРИМОВ ТӘҮФИКЪ | Матбугат.ру

Әдипләребез

Әдипләребез: биобиблиографик белешмәлек. 2 томда.

Төзүчеләре Р.Н.Даутов һәм Р.Ф.Рахмани.

Казан: Татарстан китап нәшрияте, 2009.

Биобиблиографик белешмәлектә татар әдипләренең һәм соңгы елларда Татарстанда яшәп иҗат иткән рус телле язучыларның кыскача биографияләре, төп басма китапларының исемлеге, иҗатлары хакында кыскача мәгълүмат бирелә. Китап-белешмәлек татар әдәбияты белән кызыксынучы киң катлам укучыларга тәкъдим ителә.

КӘРИМОВ ТӘҮФИКЪ

Тәүфикъ Әкрам улы Кәримов 1958 елның 1 февралендә Казакъстан Республикасының Гурьев (1992 елдан Атырау) шәһәрендә туа. 1979 елда – Гурьев шәһәрендә педагогика институтын, 1991 елда – Алматыда политология һәм идарә институтын, 1995 елда Атырау нефть һәм газ институтын тәмамлый.

1993–1994 елларда Германиянең Мюнхен шәһәрендә, 1997 елның май-июнь айларында АКШта (Вашингтон, Туссон шәһәрләрендә) стажировкалар уза.

1999–2004 елларда ул – Атырау өлкәсендәге «Татулык» дип аталган татар һәм татар-башкорт милли мәдәният үзәгенең рәис урынбасары һәм рәисе. 2004 елдан «Идел» татар һәм татар-башкорт милли мәдәният үзәгенең Республика Президиумы әгъзасы. 2006 елдан Астана шәһәрендәге «Таң» татар һәм татар-башкорт милли мәдәният үзәгенең совет әгъзасы.

Тәүфикъ Кәримов Астанада яши. Ул – 2004 елдан Казакъстан Республикасы Президенты администрациясенең дәүләт контроле һәм оештыру эшләре бүлеге баш инспекторы.

ТӨП БАСМА КИТАПЛАРЫ

И все цвета радуги. – Наб. Челны: Камский изд. дом, 2000. – 320 с. – 3000 экз.
Каtharsis. – Алматы, 2003. – 134 с. – 1500 экз.
Облака плывут... – Алматы, 2004. – 216 с. – 1000 экз.
Облака плывут... – 2-ое изд., доп. – Алматы, 2006. – 224 с. – 5500 экз.

* * *
Армысың, менiң жанүям...: историко-философский сборник (?). – 2005. – 212 с. – 1000 экз. («Здравствуй, мой дом...», на казахском языке.)